سناء / لفت بقوه ترفع طرحتها على شعرها ووجها
ومتوتره من الغيث اللي الحين يناظر ولا صد
سناء/ الغيث خير ؟ صدّ
الغيث / شلون.. قطعه جابر/ سسسنننااااءء
الغيث انفجع /اخخوو نججدد
سناء وهي تربط النقاب شهقت وصرخت / وننعممم وركضت داخل
الغيث ضحك من ركضها وشكل جابر
جابر بركض/ سسسلاااممم
الغيث بضحكه / طيب وقف خلني ارد السلام !
جابر/ بعدين بعدين
الغيث بصدمه/اجل ذي سناء ؟ابتسم وراح يجيب الحطب
سناء دخلت تركض بصراخ / جججدديي جدددييي
الجد فهد / وجدري وش يصيح بتس
سناء / بوجهك ياجدي
جابر / والله ما اخليها يا جدي
الجد فهد / اعنبوكم طول وعرض انت وياها وتتراكضون كنكم ورعان وش خليتو للصغار
جسار بضحكه / السلام عليكم
الكل وعليكم السلام
الجد فهد / هلا بجسارهلا
جسار / يا هلابك يا جدي
الجد فهد التفت لجابر الغرقان / وانت انقلع رح بدل وتعال
جابر وهو يناظر لسناء بتهديد / ابشر يا جد ابشر
الجد فهد / وانتِ وش مسويه لأخوك
سناء / يا جدي ينام ليل ونهار لا شغل ولا مشغله
الجد فهد / ووشدخلتس فيه
قطع دخول الغيث / شبت الضو يا جدي
نجد وميهاف / واحنا فرشنا
غدي وهيام / واحنا جبنا القهوه والحلا
الجد فهد / الله يعطيكم العافيه
الغيث والبنات / الله يعافيك
دخل ابو سعود / مشاءالله مشاءالله الله يديمها من جمعه ، سلم على راس ابوه / شحالك طال عمرك
ابو فهد / بخيردامكم حولي وقدام عيوني
ابو نواف / الله يخليك لنا ويطول بعمرك
ميهاف اللي توها تنتبه لوجود سناء / سسنننتااءء
سناء / الحمدلله على السلامه!!! ياااعيون سناء
ميهاف ركضت تحضنها سناء طاحت عينها بعين غيث اللي يناظرها وصدت بفشله
الجد فهد / خلصنناا! يلا قومو نطلع الحوش
وانتِ يا اسماء وين ابوتس واخواتس
سناء / اسمي سناء يا جدي سسسنننناااء
الجد فهد / وش الفرق ؟ المنحوس وخايب الرجا
الغيث ابتسم
سناء بشهقه / تدري وش معنى اسمي يا جدي
الجد مارد
سناء/ بما انك سألتني يا جدي قاطعها الجد فهد / لا ما سألتس
الكل ضحك
لفت سناء بغيظ / ما يضحك ورجعت للجد/ حتى لو ما سألتيني بقولك معناه هو البرق ونور القمروقالت بغرور/ لاني قمر
الجد فهد /ايه ايه القمر وقت الخسوف
سناء / جدديي!
الغيث بهمس سمعته سناء / انشهد
انصدمت سناء وهي فبالها انه يقصد كلام جدها
قاطعهم دخول ابو جسار / شفيكم على بنيتي
الجد فهد / الناس تسلم
ابو جسار بضحكه / السلام عليكم
الكل/ وعليكم السلام
سناء قربت تحضن ابوها / انا قمر وقت الخسوف ؟
ابو جسار / افاااا !
انتِ البدرُ حُسناً والنساء كواكبٌ
وشتان مابين الكواكب والبدرِ
لقد فُضَّلت حسناً على الناس مثلما
على الف شهرٍ فُضَّلت ليلة القدرِ .
سناء بصراخ / الله الله يا شاعري الله
الجد فهد / بس بس امشو
طلعو للحوش
كانت الجلسه دائريه
الجد فهد يمينه ابو سعود ويساره ابو نواف جنب ابوسعود ابوجسارالجوهره نواف سعود الغيث جابر ليث مهند نايف وجنب ابو نواف ام نواف ام سعود ام جسار غدي سُلاف نجد سهام العنود فاتن ميهاف سناء نوف انتهت بهيام اللي بيين العيال والبنات
ابو جسار / اقول يا مهند
مهند / سمّ
ابو جسار / سمعت انك شاعر
مهند / شويعر ما بعد صرت شاعر
ابو نواف / كلكم شعار تسحبونا ما ندري ؟
هيام / اجل يلا كلكم قولو نبي نسمع منكم حتى ابوي
ميهاف / اي تكفون
ابو جسار/ ما نتعدا على ابو سلطان
الجد فهد ببتسامه وهو يحب الشعر / يقول
يمكن تنساني ؟ .. بعد عدة اعوام
ويمكن بُحب الغير قلبك يليني !
يمكن مع غيري .. تبي تعيد الايام
وتعييد حكيٍ , يومها انقاال فيني
جفت على درب الهوى , كل الاقلام
وبعيش كل الي بقـى من سنيني َ
بكره يطيب الجرح , وتخف الالام
بكره على الله .. مقبلاتي تزييني.
ابو جسار / صح لسانك طال عمر
ابو نواف / صح لسانك يابو سلطان
الليث / ومنهو يجدي اللي ممكن يحب غيرك حبته القراده الا نعم
ابو جسار وابو نواف والجوهره انصدمو من السؤال
ابو جسار / بس يا ليث
الجد فهد ببتسامه حزينه /
واحدٍ يا ليث قفى ولاني ب ناسيه
راحت به الدنيا ولا غاب ذكراه
لامن طرالي تالي الليل طارييه
من شافني في ضيقتي قال عزاه
تدري شسوي لا تذكرت ماضيه
اروح مكانٍ قبل اعوام جيناه
الكل حس ان الجد فيه شي
نواف بمحاوله تغير الجو / ايه يا جسار وش يقول
جسار ببتسامه/ يقول يا نواف
اي والله إني فاقدك .. ومتباطيك
و محدٍ بعد ما غبت حل بمحلك
تنهد ببتسامه من تذكر بهاج
نايف / كلنا ندري انها يقصد بهاج
مهند / ليتني بهاج
جسار ببتسامه / ما كل بهاج بهاج يا مهند
مهند / ولا كل مهند مهند
الليث / ولا كل ليث ليث
نايف / ولا كل نايف نايف
جابر / ولا كل جابر جا..قطعهم الجد فهد بحده / جعل ما يجبر فيكم عظم طولتوها وهي قصيره !!!
نواف وهيام انفجرت يضحكون عكس البنات اللي كتمو ضحكه
سعود تنهد بحزن وشوق لأخوه
الغيث وقف
جسار ناظره / وين
الغيث / اءء باخذ مويه
الغيث راح المطبخ بعد ما شاف سناء هاديه طول الجلسه ودخلت البيت مع فاتن
فاتن/ايوا سناء
سناء/وش
فاتن / فيك شي ؟
سناء / لا
فاتن / ما تكذبين علي طول الجلسه هاديه وساكته شفيك
سناء بدموع / غيث
فاتن بعصبيه / وش مسوي ذا القرد
الغيث الي عند باب المطبخ تحسس من كلمه القرد
سناء / تخيلي يقول اني نفس نور القمر وقت الخسوف
الغيث ضرب راسه بخفه وهمس/ غبي غبي فهمت غلط
فاتن ضحتك / عبالي عندك سالفه
سناء بعصبيه / فاااتتنن !!
فاتن / عيون فاتن
سناء / تخيلي شخص يقولك انتي نور القمر وقت الخسوف !
فاتن كتمت ضحكتها / ماله داعي صراحه بعدين وش يفرق اذا مدحك ولا سبك مو شخص مهم
سناء بهمس مسموع / اذا مو مهم مين المهم
تجمد غيث مكانه بصدمه
فاتن / وششششووو ! هييي انتِ ليكون تحبينه!
سناء سكتت
فاتن / سسسنناااء
سناء / لا م احبه بس انبسط اذا شفته تعجبني ضحكته وسوالفه اذا كان موجود احس في المكان حياه اعجاب يعني
فاتن / الله يخلف انتِ طحتي في اعماق الحب خلي اعجاب
سناء / حب من طرف واحد يلعن ام الحظ
فاتن/ شدراك يمكن يحبك بعد
سناء / وكلامه ؟
فاتن / اففففف صدق
الغيث انصدم وانبسط وحزن وحس بالف شعور بصدره
سناء بحزن / يا قلبي عليك
نوف اللي كانت ورا المطبخ بحكم ان المطبخ له بابين اللي يطلع للحوش واللي يطلع للبيت دخلت ببتسامه خبث وقالت / انتو هنا ؟
سناء/ لالا شوفينا هناك فوق اللمبه
نوف بسخريه /يحق لتس الحزن بعد كلام الغيث
سناء / اي كلام ؟
نوف بضحكه مايعه / خسوف القمر وبكذب عاد تدرين نايف دايم
يقولي ان الغيث يكره بنات خوالي كره العمى ومستحيل احب احد منهم
مدري شفيه عليكم !
فاتن / وخخيييرر آن شاءالله الله انتِ شدخلك يحبنا يكرهنا شدخلك ؟
سناء انصدمت وحزنت بس تكابر / الله اكبر عاد احنا اللي صافين طابور ننتظره
فاتن / انا ادري ؟
سناء /وبعدين انتِ الحين شدخلك شتبين ؟
نوف بمياعه/ ابد حبيبتي م ابي شي طلعت ببتسامه خبث
انقهر الغيث وانصدم من كلام نوف وحقد عليها
الجد فهد / بندر
ابو سعود / سمّ
الجد فهد / ما جاكم خبر من بهاج ؟
ابو سعود بضيق / والله يبه نفس الحال ندق يردون اخوياه ويقولن طيب وبخير نادراً يرد وكنه ما يعرفنا
سعود/ كأنه فاقد الذاكره
ام سعود بدموع / بسم الله عليه فال الله ولا فالك
الكل كان حزين معدا شخص واحد كان خايف من فكره سعود / معقوله ! معقوله بهاج ينساني معقول ينسى الوليف وليفه مجرد جات الفكره ببالها انهمرت دموعها
ابو نواف / تعوذو من الشيطان ولا تتفاؤلون على الولد
هيام بتغير جو / شرايكم نشوي ؟
جابر / تتمم والله انه تم
ليث / يا مشفوح وش تشوي سيقان عمتي هيام ؟
هيام / وجع يا ليثوه جعلني اشوي خشمك
ليث ضحك/ وانا صادق وش بتشوون
ابو جسار / دجاجه يا الدجاجه
جسار / الوالد يجلد ولا يبالي
ليث / جرحك وصل يا عمي
الجد فهد / اجل يلا قومو واحد يحط الجمر في حق الشوي وواحد يروح للمخزن يجيب اغراضها
قامو كل واحد بشغله
العنود وهي نتقهوى / ياااالبببييهه يا ليتنا دايم كذا
سِهام / اي والله مرتاحين وهم يكرفون
مهياف / وين يكرفون لبى قلبتس كلها دجاجه مثلتس قطعوها وحطوها على الصاج
سُلاف / شايله هم تنظيف المواعين شوفو كيف موصخين كل شي
نواف سمعها / ابكم انا بغسل المواعين وبغسل البيت رش غيث بالما / وبغسل غيث بس لا تشيلين هم
غيث صرخ / ووججععع العن ابو رومنسيتك الخخراا انقلع مني
سُلاف اللي قلب وجهها احمر
غدي / العب نواف عدو المواعين والمطبخ بيغسل عشانتس يا سليف
فاتن بتضخيم صوتها/ انشهد ان المراجل كايده
سعود بحده / فاتنن!!
نواف / لو اني شاك واحد بالميه انك تعرفين معنى اللي قلتيه ما حصل لتس طيب
فاتن / خير وش قلت
نجد / كيف وش قلتي تششكين بمراجل اخوي !
ميهاف / مالك داعي يا فاتن
فاتن / اوفر تراها كلمه عابره
ابو سعود / اعتذري من ولد عمتس يا بنت
فاتن اللي حست انها فعلاً غلطت / العذر والسموحه يا نواف
نواف / ما عليه يا النتفه
فاتن / خخييررر تراني اطول من حَرمك
نواف / يا لبى قلبها ولبى طولها
ابو نواف / ورع ! اعنبوك اثقل
الجد فهد / ماش الله يخلف عليكم
نواف / يا عم قدم الزواج تكفى
ابو جسار ضحك / تم
نواف بفرحه/ متى
ابو جسار / بعد 11 شهر
سُلاف ضحكت على ملامح نواف
نواف / افا يا عم
كنت احسبك سيفي ليا ضقت اناديك
واثر البلا سيفي هو اللي طعني
ابو جسار انفجر يضحك
جابر/ هيه يا الدراما قم للدجاج
نواف / ورع !! تراني اكبر منك
الجد فهد / قم انت وياه شوفوه وانقلعو مني
نواف وجابر / ابشر
هيام / بنات
نجد / هاه
هيام / هواه
سناء / لبيه
هيام / شرايكم نروح عند العيال
العنود / تم
هيام / يلا
قامو رايحين للعيال
عند غيث / ووججععع يا جابر وجععع هذااا ررممااادد يا فاغر
جابر / شدراني قلت بساعد
غيث / انقلع لا اتوطى في بطنك
ليث / اللهم سكنهم مساكنهم ، عسى ما شر فيه مظاهره ؟
غدي / لا بس بشوفك كيف تطبخ بتطمن على حياة زوجة اخوي المستقبليه
ليث شال الدجاج يقلبه/ شوفي شوفي والله اني سنع وبحركه لا اراديه قلب حق الشوي وطاح الجمر
غيث بصراخ / لللللليييييييثثثثثثثثث
ليث / اسف اسف والله ما قصدي
جسار جلس يضحك بصوت عالي وضحكته رنانه
غيث / اوريك يا كلب ركض ل الليث ناسي من الجمر
الكل ضحك وقف ضحكهم صرخه غيث / اااااااااهههههههه الله يلعنك يا لييييثثثثثثثثثث
ركضت نجد وغدي وميهاف لاخوهم
غدي / جاك شي
غيث / لا بس اسخن دمي
مهياف انفجرت تضحك / ما كأنه محترق
هيام جات / ولد فيك شي
غيث اللي كان يحترق فعلاً بس يكابر / بسيطه يا عمه
هيام شافتها شهقت / وين بسيطه سناء جيبي كريم الحروق
سناء / ابشري
غيث ابتسم وبهمس / هي بس تناظريني بيطيب جرحي
نجد / وش؟
غيث / ولا شي
جات سناء / ها يا عمه
هيام حطي له ولفيها
سناء / انا ؟
هيام / لا الجدار اخلصي !
الكل رجع ينظف الجمر لا يحرق احد ثاني ويكملون شوي
سناء يربكه / اذا اوجعتك قولي
غيث / راضي بوجعتس
سناء بصدمه / هاه
غيث ضحك بصوت عالي
سناء بهمس / يلعنك حتى ضحكتك حلوه !
____________________________________
أعتذر اذا كان هناك أخطاء املائية ❤️
سُبحان الله .
الحَمد لله
لا إله إلا الله .
الله أكبر .
لا حَول و لا قوة إلا بالله .
سُبحان الله و بِحمده .
سُبحان الله العَظيم .
أستغفِرُ الله الْعَلِيُّ الْعَظِيم وَأَتُوبُ إِلَيْهِ.
لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ.
اللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ.
يا مقلِّبَ القلوبِ ثَبِّتْ قلبِي على دينِك .
