أستغفر الله العظيم واتوب اليه
.
.
الغيث / اسلم
ابو نواف / انا داري ان كلمة جدك تزعل لكن انت تعرف غلاتك عند جدك وتعرف انه ما يقصد
الغيث /داري جعلني فداك ولا زعلت لكن حزت بخاطري يشكك برجولتي قدام عيال عماني وعماني
ابو نواف / ما عليه ما عليه ما يقصد
قطعهم الجد فهد/ يالغيث
الغيث / سمّ
الجد فهد/ تعال تعال
الغيث راح له / لبيه
الجد فهد/ لا تزعل مني ياجدي انت...قطعه الغيث وهو يبوس راسه / افا يا فهودي ازعل من الكل ولا ازعل منك
الجد فهد / يعني ناشب لي ناشب لي
الغيث ضحك / ناشب ناشب الله لا يعوق بشر
الجد فهد ابتسم / يلا يلا لمو عفشكم ومشينا
طلعو الامهات والبنات
ابو سعود / بنكون بثلاث سيارات
ابو جسار / ايه
ابو نواف / يلا توزعو
نواف / انا والبنات والعيال في سياره وحده وابوي وعمي فارس وجدي في سياره معهم باقي الاغراض وامي وعماتي مع عمي بندر
هيام / وش عماتي انا معكم
ابو سعود / البنات والعيال سيارتهم زحمه تقسمو
الليث / يبه نبي ناخذ قهوه وانتو مستحيل توقفون عشان كذا خلونا
ابو سعود / يلا توكلنا على الله وهدو وانتبهو لطريقكم
طلعت سيارات آل السيّاف متجهين للمزرعه
~ في سياره نواف ~
نواف / من الحين قولو طلباتكم ابي نطلب بسرعه ونكون وراهم
جسار / ايه يلا كل واحد يعلمنا
بدو يقولون طلباتهم وصلو الكوفي ونزل الغيث وجابر
جابر/ وش اجيب
الغيث/
خمسه سبانش لاتيه
ثلاثه ماتشا
اربعهv60
واحد امريكانيو
وكوكيز
جابر/ امريكانو الله يفشلك وش امريكانيو
الغيث / وشلهم بمشروب الغرب احسن منها شاهي مخلوط وياااا باااالللببببييييه
جابر / اسكت تكفى
اخذو طلبهم وطلعو للسياره
نواف / الحين بس نجد وجسار وغيث اللي يبون شاهي ؟
نجد / اي البنات محد يبي منهم
وقفو عند كشك شاهي
نواف/ كلكم مخلوط
جسار / اي
نوف / ايييييوووو
العنود/ خير ؟
نوف / صدق ايوو شاهي بالصباح وش تحسون فيه
نجد /اكرمينا بسكوتك
فاتن / بسكوتك ولاعصيرك
الليث شرق بالقهوه وانفجر يضحك / مااااتتوووقععتت
الكل جلس يضحك بعكس نوف اللي تنررفزت وقالت / خير وش يضحك ؟
ميهاف/ وربي حلوه
نجد/شرايكم نغني
نواف / اشغل لكم شي ؟
سهام / لا ب اصواتنا
نوف / يع نشاز
هيام /نوف خلصنا !!
جابر / هيومه وينتس هاجده
هيام / فيني نوم
جابر / يلا يلا ياجسار غن
جسار تنحنح وبدا يغني وهم معاه ويصفقون/
يا عاذلين الهوى ما يفيد الكلام
مسكين مسكين من قد بلي بـ الغرام
يا منية العاشقين أحيني بابتسام
مسكين مسكين من قد بلي بـ الغرام
فـ الحب جنه وفى البعد نار وهيام
مسكين مسكين من قد بلي بـ الغرام
~وقت وصولهم المزرعه ~
ابو سعود / يا عيال دخلو الاغراض وانتو يا البنات افرشوا
هيام / حتى هنا بنكرف بعد !
جابر / ايه وس شغلتكم اطبخو ونظفو وانتو ساكتين
ابو سعود بحده / جابر! الشغل كله اليوم عليكم البنات ما يسوون شي
سعود حط يده على راسه / ابو ناوي يذبحنا الله لا يوفقك يا جويبر
جابر /انا عندي جامعه الحين بروح
ابو جسار / اهيب مكذبك عشان كذبك القهوه والشاهي الحين عليك
انفجر الليث ومهند يضحكون عليه
ابو نواف / والذبيحة وطبخها على اليث ومهند
الليث / تكفى يابوي
ابو نواف / لا اسمع حرف خليتك تطبخ لين نرجع
نايف ضحك / يلا يلا نبي الغدا بسرعه
الجد فهد / نايف قطع السلطه والفواكه وجهزها
نايف/ ههاا...الجد فهد / لا اسمع حرف
الجوهره ضحكت/خلاص يانايف
نايف راح بضيق
لف ابو سعود شاف جسار ونواف وسعود والغيث كاتمين ضحكهم /قم قم انت وياه
سعود/ سم
ابو سعود فكر وش يعطيهم وقال وابتسم وقال/ سعود ونواف غسلو المواعين
والغيث وجسار يكنسون وينظفون
انفجرو البنات يضحكون عليهم
الجد فهد / سدي حلقتس انتِ وياها
راح جابر يجهز القهوه والشاهي ترك القهوه تطبخ وطلع بالشاهي /جيتكم بالشاهي غاديٍ لونه حمار شفة هنوفٍ طولها فارع
الجد فهد / ودك تمسي ؟
الليث / وانت ما ناظرت بالهنوف ذي الا بشفايفها ؟
مهند / بعض السوالف لبسوها شراعي
الجد فهد/ الا والله لبسوها سروالي
الكل ضحك على الجد
سناء / ها صبو لي ابي اذوق شاهي اللي غاديٍ لونه..الغيث خاف من الجد وقاطعها / صبوووو لي فنجال عالي العاااالل وغمز لها
سناء انحرجت
جسار ضحك / ها يا سناء وش كنتي تقولين
ميهاف / تبي تكمل القصيده بس الملقوف ذا ماخلاها
الغيث بهمس / جزاي خايف لا يهاوشكم جدي !
سناء / الله اكبر ليه !
ميهاف بشهقه / عشان فيها شفة الهنوف
الجد فهد بطرف عين / اعجبتكم السالفه الظاهر
الكل سكت
جات هيام / وين السماعه
جابر / مع غيث
الغيث / مع نايف
نايف / اعطيتها مهند
مهند / تسذذوووببب ما شفتها ولا شلتها
نجد تخصرت / ما شاء الله كل واحد رماها على الثاني اعجلو وينها
سهام / مو وقتكم يا بزران
سعود /افا احنا بزران !
سهام بطيف ابتسامه / لا
فاتن بصوت عالي /ياخخخففييييففههه
الكل لف على فاتن بتساؤل خافت سهام لا تجيب العيد
ابو جسار / شبلاتس من الخفيف
ميهاف بضحكه الورطه / اااا شالتني ..شالتني وطلعت خفيفه
العيال والبنات كتمو ضحكهم من توتر ميهاف
الليث بهمس / حي عينها اهم شي ما تفضحكم
جابر / تفضح من؟
الليث يورطه / تفضح فضيحه يعني تجيب العيد
جابر /وي ! ادري بس تفضح من
الليث / تبي شاهي ؟
جابر / انت صاحي ؟
الليث / لا نايم
جابر بضحكه / الله يشفيك
راحو البنات داخل
كانت المزرعه عباره عن اسطبل فيه خيل لنجد وخيل لمهند وخيل لبهاج وخيل لجسار كان فيها قسم للشتاء خيمه ومشب وقسم كبير فيه الغرف والمجالس والمطبخ
دخلو نزلو عبايتهم
هيام / انا ليش اجلس بعبايتي وكلهم اكشف عليهم !
نجد / مسويه خوي
ميهاف / يلا نسوي فعاليات
سهام تخصرت / وش نسوي
نجد / انا وغدي جبنا شبسات وفصفص
ميهاف / وانا طلبت ابوي فلوس وعطاني 200 نطلب فيها شي
العنود / انا جبت اغراض كوكيز نسويه
فاتن /انا جبت اغراض القهوه والبُن نسوي قهوه " قهوه مقطره"
سلاف / انا جبت النوتيلا والمارشمولو
نجد /ياااالبببيييهه عاد مشتهيه نوتيلا
سهام / خير محد علمني
نجد / ماخذ عقلتس سعود ولا احنا نسولف ف القروب
هيام / الله يخلف بس
فاتن / هذي اغراض السهره بس العشاء؟
هيام / تاكلون عصيده ومرقه معهم
نجد /الحمدلله كلها نعمه بس م احبها
فاتن / ولا انا
الباقين / ولا انا
ميهاف / نطلب
سهام / معاها فلوس وبخاطرها ما تخليها
ميهاف / يدي تحكني ابي اشتري فيها بسرعه
هيام / شرايكم اول ما ينامون نطلب من ماك ؟
الكل / تمممم
اتفقو وقامو يرتبون وينظفون بحكم ان المكان من فتره ما زاروه والعيال مستحيل ينظفون زين
خلصو وكل وحده اتجهت تاخذ شور وتبدل
طلعت نجد لابسه جينز ابيض اوفر سايز وهودي بنفسجي وحاطه القبوع على راسها وترجف / بب..ببب..ررردد
ام جسار / تعالي يا امي هنا دفى
ابتسمت لحنيه ام جسار الدايمه عليهم
طلعت سهام لابسه نفس نجد لكن هودي اسود /خير تحتكين في امي
نجد عشان تغيضها حضنت ام جسار / عممتتيي واحبها شتبين انتِ !!
ام نواف ضحكت / تعالي يا سهام قلبي تعالي
نجد / ععششششتتتتووووو سهام قلبتس!!! هجل ابوي وشو
الكل ضحك عليها
ام نواف / صدق ما تستحين
نجد / ماعليه والله لا اعلم سلطاني
ام نواف / بننتتت!
ام سعود اللي تتأمل نجد وتحبها حب كبير وزاد حبها لها حب بهاج /ما ارضى على نجد الاحباب يا ضحى
نجد نطت تحضنها /ححيييي عييينننههاا افناني
بالدلتها الحضن وابتسمت
الجوهره/ نجد اخذتي شور وانرجيتي ؟
نجد ضحكت / لا ياعمه لكن احس فيني طاقه ابي اركض واصرخ واغني
وقفت ام نواف / انا بروح انام وانتِ ادخلي مع البنات من البرد
نجد بغمزه / تنامين مع مين ؟ رمح قلبتس؟
ام نوف دفتها بخفه / وجهتس مغسول بمرق يا بنيتي
نجد انفرجت تضحك / يجي منتس اكثر
قامو الامهات ينامون والاباء
هيام جات / نامو ؟
نجد / اي
طلعو البنات كل وحده ماخذه بطانيه معها
نجد / وين بتهاجرون!
ميهاف / للقطب المشتعل ابي ادفى
هيام / شرايكم اكلم العيال يشبون الضو ونطلع معهم؟
البنات / تم
~ عند العيال ~
مجتعمين في جلسه دائريه ويغنون مع جسار اغنيتهم المفضله
ياعاذلين الهوى ما يفيد الكلام
مسكين مسكين من قد بلي بالغرام
في الحب جنه وفي البعد نار وهيام
مسكين .. مسكين من قد بلي بالغرام
ما منيه العاشقين احيني ببتسام
مسكين..مسكين من قد بلي بالغراااااامم
دخلت هيام بصراخ / ممسسسككيييننن مممننن قدددد بلللللييي باللللغرااااااممممم
العيال سدو اذانيهم
مهند / ننشششسسااااازززز
جابر / صوتس خايس يا عمه الله يحييتس
الليث / لازم تراجعين نفستس من كذب عليتس وقال انه صوتس حلو !!
هيام / الله لا يوفقهم يا تبن انت وياه انا عمتكم اخر العنقود المفروض ما تكسرون مجاديفي
الغيث / نخاف لا تغرقنا مجاديفتس
هيام / البخو وجهزو الضو بنجي هنا
العيال / يلا
طلعو البنات متغطين وجلسو دائره يفصل بينهم هيام والجهه الثانيه تفصل نجد اللي جنب الغيث ونواف
بدت السوالف بينهم والضحك والاستهبال واللي يشطح بقصيد قامو
البنات جابو قهوتهم واغراضهم
الليث /جوويي
جابر / ما تحب الا بطنك انت
الليث / هجل تبيني احبك انت
مهند / سعود قبل شوي شفتك تكتب قصيده
سعود /ايه
الكل / سمعنا ، عطنا
سعود ناظر سهام / يققوولل
اناظر عيونتس بـ عين وشعور ولهفه وترحاب
على عيونتس حياةٍ تستحق ان اتأملها
هيام / الله يا الغزل الصريح
سهام ابتسمت وصدت عنه
الكل ناظر سعود وجلسو يطقطقون كأنهم ما يعرفون من المقصود وهو حتى جسار وجابر يعرفون حبهم مفضوح من ايام طفولتهم حبهم الطاهر الصادق اللي ما كان لعب ولا تسليه ولا مجرد اعجاب وينتهي كان حب سعود وسهام واضح للكل والكل يتمنى ربي يجمعهم على خير ..
هيام / يلا يا عيال
مهند / وش
هيام / قطه بنطلب عشاء
جابر / انا مطفر
الليث / حتى انا والله
نجد/ يا سخيف انت وياه كل واحد يحط اللي معه لو كان ريال لين نجمع
العنود بضحكه / الفقر ورانا ورانا
جسار ضحك / انشهد هجل مجمعين ريالين وخمسة وتبون تطلبون من ماك وانتو اكثر من جوج ومأجوج!!
هيام / كلو تبن
بدو البنات يطلعون فلوسهم
سعود / والله محد يدفع منكم
جسار/ و والله ان ادفع معك
الغيث / والله ما تدفع لحالك
مهند / والله ان احط معكم
الليث ضحك / اللهم زد وبارك
جابر / ايه ايه طلعت الفلوس
نواف / اهم شي يجيني عشاء ببلاش
طلبو عشاهم وتعشو ودخل الكل ينام وانتهت ليله بسيطه وحنونه مختلطه بالمشاعر
.
.
.
____________________________________
أعتذر اذا كان هناك أخطاء املائية ❤️
سُبحان الله .
الحَمد لله
لا إله إلا الله .
الله أكبر .
لا حَول و لا قوة إلا بالله .
سُبحان الله و بِحمده .
سُبحان الله العَظيم .
أستغفِرُ الله الْعَلِيُّ الْعَظِيم وَأَتُوبُ إِلَيْهِ.
لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ.
اللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ.
يا مقلِّبَ القلوبِ ثَبِّتْ قلبِي على دينِك .
