صراع الاباطرة

Part3

🔥"#صـــــــــــراع الأبـــــــــــاطرة"🔥
    💘قلـــوب تهــــوى المخـــــاطر💘

• بقـلــمي: Sã Fïa Hs

✓الفصل الأول✓ هدوء ما قبل العاصفة

"أرجو من ظلامك أن يخبرني من تكون"

البارت 21

حسات بشي حد وقف حداها شوية بشوية حيدات يديها على وجها فاش شمات عطر تغلغل داخل اعماقها او احساس غريب تخللها مقدراتش تفسرو..

هزات عويناتها الحمرين هنا كانت الصدمة بالنسبة ليها قلبها كينبض بعنف حيت هدا راه هو صلاح لي كتشوف غير فالصور عمرها توقعات تشوفو فالواقع لا ومن الفوق واقف قدامها قريب منها..هدا هو القدوة ديالها لي من ديييما كتحلم بييه..

هو بقا ساهي فملامح وجها كأنه كيتذكر شي حاجة..اول نظرة التاقطها بؤبؤ عينيه فاش شاف عويناتها البريئة كانهم ماشي غراب عليه.. بلا ميزيد اطول فيها الشوفة جلس القرفصاء ماد ليها ايديه او ابتسامة شبه منعدمة على وجهو..

هداية غي كدور عينيها مزال ممتيقة شنو واقع..خلات ايدو ممدودة كتشوفيها حتى تحرج نوعا ما..يالله بغا ايحيدها جراتها او شدات فيه.. جاتو الضحكة من تصرفها او ناض  عاونها توقف..المشهد مر امام كاع الحاضرين..البنات حسو بالغيرة تمناو ايكونو فمكانها .. كنزة مبهورة فوسامتو او ردة فعلو الرجولية لي كانت دليل على الاحترام او التواضع وعلى نبل شخصيتو..نوضها بشوية او هي كتبحلق فيه عينيها..هو حيد ايدو بشوية او هضر بصوت حرش..

صلاح الدين:ردي البال مرة خرا..

هداية لسانها مصروط بزز باش نطقات:واخاا شكرا ليك..

ضور عينيه فالموضفين بدون ميهتم لرأي اي واحد فيهم فيه دار ليهم اشارة تاع امكن ليكم تمشيو..كلها مشا لهمو الا كنزة مزال واقفة..شافيها باستغراب عاد لاحظ وجودها بنت محجبة بلباس محتشم او جمال طبيعي بلا مساحق تجميل..

شاف فيها نظرة مطولة وضار بلا ميعطيها ولا حركة .. هي الأخيرة الفراشات لعبو ليها فكرشها او ابتاسمات ابتسامة بلاخاطرها..استدار مكمل وجهتو الأساسية لقا المدير مزال كيتسناه او ملامح الصدمة على وجهو مكانش كيظنو بهاد التواضع كامل..دخلو للمكتب ايقادو الأمور بيناتهم او كلها امشي فطريقو..

هداية قاست حناكها لي شعلات فيهم العافية من الموقف المحرج لي طاحت فيه:كنزة وااش شفتي شنو وقع..بدات كضحك او كتنقز..كنزززة صلاااح الدين بن جلون هو المدير الجدييد ديالنا..

كنزة بحد داتها مزال ممتيقة شنو وقع..ولكن لي متأكدة منو هو كتحس بالفراشات فمعدتها..كنزة حطات ايدها على كرشها:هدااية عتقي كنحس بالفراشات فكرشي..

هداية بدات كضحك عليها:يااك اتااا كون دوا معاك  كنتي غتحملي واقيلا..تفرشخو بالضحك على الموقف لي طاحو فييه متبغييه لعدوك..