صراع الاباطرة

Part 16

🔥#صــــــــــراع_الأبـــــــــــاطرة"🔥         
     💘قلـــوب تهــــوى المخـــــاطر💘
• بقـلــمي:(safia) sinyorita Safa Hs
    ✓الفصل الثاني✓ عاصفة سوداء
"أرجو من ظلامك أن يخبرني من تكون"
         "⁦أنا النهاية التي ستَّأخُذك
                اليها كُل الطرق⁦"
بارت 151
***وسط دار مألوفة سبق لينا وزرناها كان واقف نفس الشخص هاز التيليفون فيدو او ݣارو فاليد لخرا..مصلع راسو ولحيتو حتى هي..منظرو والشحوبية لي فوجهو والكحولية لي فتحت عينو مع تصرفاتو مرة اضحك بهستيرية مرة اغضب ومرات اغير تعابيرو وينزل شفايفو للتحت تعبيرا على الشفقة..كلها كانت علامات دالة عدم اتزانو العقلي مرافق بآثار الادمان على المخ..درات ولاد..روݣ..

تكلم بصوتو المدعدع كايتمشى مزاݣيش فبلاصة وحدة: كون كنت فبلاصتك ماكنتش غانخاطر بحياة بنت زوينة بريئة ويتيمة ملفوق..مسكينة بقات فيا غاتكون جيعانة وميتة بالبرد ..بدا كيضحك بالجهد حتى ولاو ادمعو عينيه وكمل: حمقة وغبية تيقاتني فاش عاونتها حسابليها أنا هو البطل ليكاتشوفو فالمسلسلات..كانت ذكية واخا هكاك مكانتش ساهلة كونما ضربتها فراسها وسخفات مكنتش غانقدر نكتفها مزيان..سكت شوية مستمتع بكلامو قاااصد العب ليه على اعصابو..

اما الزيروكس عادما زاد كيتأكد بلي راه سيليا بصح بين ايديه والوضع مكايبشرش بالخير..فرق كبير انها تكون بين ايدين واحد مجرم بعقلو ولا بين ايدين واحد حمق بسيك..وباط مجنون و مج..رم ݣاع انواع التعدي..ب لي مكايطيحوش على البال غايتطبقو عليها بلا مايفكر..

الزيروكس دوز ايدو على عنقو بحرارة :شنو بغيتي نطق ؟طلقها وتواجه معايااا أنا الى كنتي راااجل..

لاخر ابتاسم برضى هاز فيليل تاع الشعر فيدو كيشوفيه ويشمو كأنه كيشم ريحة غااالية طربات خلاياه عاد تكلم وصورتها وسط عينيه:من نهار ركبتها فالطاكسي وليت نحلم بيها..بغييتهااا..ديك الوردة البيضاء لي مغروسة وحيدة وسط الربيع ولي ماعندها شوك..بغيت مولات عيون الغزال اللي بشوفة وحدة منها قدرات تسلب عقلي وقلبي وليت نحلم بيها ليل ونهار..بغيت هداية روحي..الفيديو تاعها مزال عندي والى عصبتيني غاتولي تشوفو فالأخبار وفينما مشيتي..

الزيروكس وما ادراك ما الزيروكس لو كان للغضب و العصاب عنوان كان غايكون هو..ساهل نوصف حالتو ومنظرو الخارجي وكيف ان عضلاتو تشنجو وحس بالسخونية فداااتو وهو كايسمع لغزلو الرخييص ليها وعليها..ولكن من الصعب والمستحيل نوريكم قلبو كيف داير..زير على قبضة ايدو كيتكلم بشرارة وانفاسو حاارة..
الزيروكس: مكنعرف تاوحدة بهاد السمية الا كنتي معيط باش تبوهل عليا مكانصحكش تخليني ندير فيك راسي..

لاخر بدا كايضحك بهستيرة للمرة الثانية هاز سوارت فيدو قاصد واحد القنت تم نحا واحد الزربية وبانت بوابة خشبية عندها قفل واضح انه القبو دالمنزل..فتحو دغيا ورفع داك الباب سامح للضو ايدخل لظلام القبو او اضويه..نزل مع الدروج درجة درجة وطقطقة صباطو مسموعة فهدوء المكان..