صراع الاباطرة

Part 21

🔥#صــــــــــراع_الأبـــــــــــاطرة"🔥         
     💘قلـــوب تهــــوى المخـــــاطر💘
• بقـلــم sinyorita Safa Hs

  ✓الفصل الثالث✓ وكان للعشق نهاية
"أرجو من ظلامك أن يخبرني من تكون
         "⁦أنا النهاية التي ستَّأخُذك
                اليها كُل الطرق⁦"
بارت 201
منتصف الجبهة تم القصف بنجاااح..تبخر ماء وجهها وزادتها حراارة ديك الضحكة لي تسربات من هداية وجمعاتها فاش خنزر فيها..هاد الستون غي مازاد خلاها تكره هداية وتحطها فراسها..هزات حجبانها سارطة القمعة لي كون كانت بينها وبينو ماكانتش غاتأثر فيها حيت مولفاااه هكاك..بصح دابا حاجة خرااا..
مدام تيريزا : اييه ماقلتي عييب..ماهو عام ماهو زوج كنت انا هي دارك التانية وعينك التالتة..والمدرسة لي تخرجتي منها حتى وليتي تضربني فوجهي نيشان بلا ماتراعي لليكان..بصح ماتنكرش بلي نهار كاتعصي كلامي نهارها كاتعاني شافت فهداية:مع ذالك حضي راسك من ضربة القريب هي لي كاتهرس القليب ماشي الغرييب.. الزمان طويل الصدفة لي جمعاتنااا اليوم غاتعاود تلاقينا نهار توقف على كلامي..

_"ماتريݣلييش عليا حيت غانكرهك فيااا.. كانحتارمك نقطع من لحمي ونطيبو ليك ولكن نهار نشوفك دايرة الطنز فيا ولاعباها عليا غانسا العشرة ونسد مو داك الطريق لي توصلك ليااا..شاااام ريحة الكذوب والغدر شايفو فعينيك كانتمنا الله اهديك باش مانوليش داير شي فعلة فيك"

حرك لهداية راسو بمعنى يالله ومشا عاطيها بالضهر فالمشية كايتمختر و فالهضرة كايتخير بصح فالشخصية و الفعال جامي ايتغير..
خرج الطوموبيل ملݣاراج او طلع سابقها كايتسناها تطلع..نزل الزاج مخرج ايدو منو وداير نظارات شمسية كحلة خلاوه ابان شوية هايكلاس..
_أمضرا كاتسناي الوحي اهبط عليييك؟ واااطلعي حسن ما نهبط لييك..

هي كانت ساهية شوية عاد وعات وطلعات خابطة الباب بجهد مورالها خسر بسباب هاد الشيبانية كيما سماتها فداخلها مخبية قشلة دالأسئلة ناوية تفجرهم عليه دقة بصح لي حابسها انه مابغاتوش اعرف بلي وقع حيت غايرد ليها اللومة وهي مافيها لي اتصادع تاني..تحرك من تمااا صايݣ بيد وحدة ولخرا مخرجها من الشرجم..عين عليها عين على الطريق ملاحظ هدوئها وسكاتها المفاجئ..
_فااش هضرتو نتي وهادييك؟ تكدبي عليا نوريك وجهك فالمرايااا..

هداية شافت فيه وطلقات العنان للسانها :قبلمااا نهضر انا انااا خصك تجاوبني انت بعدااا..شكون هاديك المرا؟ علاش قالت ليك ديك الهضرة كاملة؟كانحس براسي مكانعرف وااالو عليك حتى سميتك الحقيقية ماعارفاهاش..عمرك ماهضرتي ليا على راسك ولا جاوبتيني..ديما ساااكت وغامض..ماشي غي انت ليباغي تعرف حتى انا باغااا نعرفك؟ولا مابغيتيش حتى انااا ماتبقاش تسولني ومتدخلش فيااا..الا كانت علاقتنا غاتبقا هكااا حسن ليا ولييك نتفااارقو مزال مادرنا فالطاجين مايتحرݣ..