لا شئَ في مَدحِ الرَّسولِ يَفيهِ
كُلُّ المَحاسنِ والمكارمِ فيهِ
ﷺ 💛🌾
________________
يعود معتصم إلى القصر بعد غروب الشمس وهو متعب للغايه من هذه الأحداث التى حصلت معه لا يصدق انه فعل ذلك الى الان لا يستوعب يتمنى ان يكون كل ذلك مجرد كابوس وقد نسى تماما رهف وموعده معها من أجل إحضار باقى الأشياء اللازمه للخطوبه يخرج من شروده على صوت والده الذى يقول بانفعال _اهلا معتصم بيه اخيرا شرفت كنت فين يا استاذ انت مش عارف ان فيه ناس مستنياك ولا اى
معتصم بتعب وهو يشعر بصداع شديد _ناس مين يابابا
ثم يقول بتذكر وهو يضرب جبهته _ياربي على النسيان
سليم ببعض القلق بعد ان رأى الاعياء على وجه معتصم _انت مالك مش مظبوط كدا ليه وكنت فين كل الوقت دا
يدخل زين من باب القصر بلهفه بعد ان أبلغه احد حراس القصر بعودت معتصم _معتصم كنت فين كل دا ومال وشك اصفر كدا ليه
معتصم وهو يحاول إخفاء تعبه _اصفر اى انا كويس بس شويه إرهاق
سليم وزين فى نفس /كنت فين
معتصم وهو يحاول ان يجد كذبه مناسبه هو لم يعتاد الكذب على اى احد من قبل وخاصه عائلته _كنت كنت اااااااا فى المستشفى
زين وهو يتفحصه بقلق_مستشفى ليه انت حصلك حاجه
معتصم وهو ينظر إلى والده الذى لم يقتنع بما قاله_ايوه المستشفى بس مش انا دى كانت ااااااا بصو انا امبارح كنت سايق العربيه عادى كنت مروح وبعدين ااااا اه لقيت واحده طلعت فى وشى فأنا بدون قصد ضربتها بالعربيه فروحت بيها المستشفى
سليم بعدم اقتناع_طب بعد ما وديتها المستشفى مجتش ليه او رنيت علينا على الاقل انت بقالك يومين بره
معتصم وهو على وشك أن يفقد توازنه من كثره تعبه ولكنه يحاول إظهار عكس ذلك_منا هكملك اهو بعد ماروحت بيها المستشفى أهلها عرفو وراحو المستشفى وكانو عاوزين يحبسونى بس انا حليت الموضوع وهما كان عندهم شرط انى لازم افضل لحد متفوق وادفع تكاليف المستشفى فعلشان كدا اتأخرت وتلفونى كان فاصل معرفتش اتصل بحد
يشعر زين ان أخاه ليس بخير _طب بعد اذنك يابابا هاخد معتصم عشان يغير هدومه انت ناسى الناس اللى مستنيانا
ويذهب زين وهو يجذب أخاه معه إلى الأعلى
يتطلع إليهم سليم بعدم اقتناع بما قاله معتصم هو يعرف ابنه اكثر من نفسه هو لا يقول الحقيقه ويقول فى نفسه _اكيد مش دا اللى حصل الموضوع دا فيه إن
ثم يقول بتنهيده قلق_ربنا يستر ومتكنش عملت حاجه توديك فى داهيه بعدين يا معتصم
فى الأعلى يرمى معتصم نفسه بتعب على التخت زين وهو ينظر إلى ما يفعله أخاه _انت بتعمل اى يا حبيبى فى ناس مستنياك من الصبح قوم غير هدومك وهنتكلم بعدين واحاسبك على غيابك الطويل دا
ثم يسحبه زين من ثيابه بعنف_يعم قوم خف بقى
ويرمى به فى المرحاض ويلقى فى وجه المنشفه_خمس دقايق وتكون جاهز انت سامع
ينظر له معتصم وهو يغلق باب المرحاض _اوووف ام الخطوبه الفقر دى هى باينه من اولها هتبقى حاجه زفت وبعدين غيابى الطويل هو انا غبت غير يوم بليله ليه محسسنى انى بقالى اسبوع غايب عن البيت
لم يسمع رد من زين يبدو أنه خرج ليبدل ملابسه ايضا_بقالى ساعه عمال اكلم نفسى اخيييه ياربى
ثم يقول وهو يستوعب انه فى المرحاض _بقول ياربى
فى الحمام استغفرالله العظيم واتوب اليه
اى الهطل اللى بعمله دا انا هروح اخد شاور انا شكلى دماغى باظت ولا اى
ويذهب لكى يستحم ويزيل تعب هذا اليوم
