پشیلە ڕەشەکە

بەشی کۆتایی:

، بەبێ بیرکردنەوە، سوڕامەوەو چەقۆکەم لە دڵی هاوسەرەکەمدا! لە پەیژەکانەوە کەوتە خوارەوە بەبێ هیچ دەنگێک ڕاستەوخۆ مرد.چەند ساتێکم بەڕێکرد بە گەڕان بە دوای  پشیلەکەدا، بەڵام ئەو ڕۆیشتبوو.منیش ئیشی ترم هەبوو تاکو بیکەم، دەمزانی کە دەبێت شتێک لە جەستەکە بکەم، بەخێرایی ولەناکاو سەرنجی شوێنێكمدا لە خانەکە، دیوارەکە کە  بەکۆمەڵە بەردێک داپۆشرابوو وە بەهۆی ئاگرەکەوە چیتر ئەو شوێنە نەدەویسترا، وە دیوارەکان زۆر بەهێز دروستنەکرا بوون، وە زانیم کە دەتوانم بە ئاسانی بەردەکان لا بدەم، لە پشت بەردەکانیشەوە دەمزانی کە بۆشاییەکی گەورەی لێیە کە ئەوەندە گەورەیە جەستەکە شوێنی ببێتەوە. بە هەوڵێکێ زۆر تاکوو جەستەکەم خستە ناو بۆشاییەکەو بە وریاییەکی زۆرەوە یەکە یەکە بەردەکانم خستەوە شوێنی خۆی، زۆر قورس بوو بۆ هەر بەردێک کە هەڵم دەگرت و دەمکردە شوێنی خۆی. چەند ڕۆژێک تێپەڕی.هێشتا پشیلەکە دیار نەبوو.چەند کەسێک هاتن وپرسیاریان کرد دەربارەی هاوسەرەکەم، بە ئاسانی وەڵامم دەدانەوە.دواتر ڕۆژێکیان چەند ئەفسەرێکی پۆلیس هاتن.هەوڵیاندا بەڵام هیچیان نەدۆزیەوە، لێم دەپرسین و لەگەڵیان دەگەڕام.لە کۆتاییا ڕۆشتن بۆ گەڕان لە خانەکە لەسەرەتاوە تا کۆتایی، سەیرم دەکردن بە بێدەنگی، وەک چاوەڕێ بووم هیچیان نە دۆزیەوە، وە دەستیان کرد بە سەرکەوتن بە پەیژەکاندا، هەستم دەکرد لەلایەن هێزێکی نامۆوە دەمەوێ بە پۆلیسەکان بڵێم کە من لێتانم بردەوە.وتم:"دیوارەکانی ئەم خانووە زۆر بە بەهێزی دروستکراون، ئەمە خانوویەکی چاک وکۆنە."وە کاتێ قسەم دەکرد دەستم دەدا لە دیوارەکە ڕێک ئەو شوێنەی کە جەستەی هاوسەرەکەمی لێبوو. هەستم بە ساردییەک دەکرد لە پشتمەوە گوێم لێبوو لە دیوارەکەوە دەنگی گریانێکی ترسناک دێت.بۆ ساتێکی کەم پۆلیسەکان سەیری یەکتریان کرد و خێرا دەستیان کرد بە لابردنی بەردەکان، لە ماوەیەکی کەمدا جەستەی هاوسەرەکەم لە بەردەمیان دەرکەوت بەتەواوی ڕەش، خوێنی وشکبوو و بۆنی ڕزین. سەری جەستەکە چاوێکی دەرهێنرابوو دەمی کرابۆوەو پڕبوو  لە خوێن.
پشیلەکە دانیشتبوو وە دەگریا، ئەمە تۆڵەی پشیلەیە!

نوسەر:ئێدگار ئاڵان پۆی
وەرگێڕ:ستێلا

هیوادارم چێژتان لێ بینیبێ💗.