في قبضة الأنباري

البارت الأول (1)

﷽.      

  lnst: 8_alamre
«دعــاء العامري»
ليس لدي كلمات تصف ما بداخلي شعوري
كالسيف يخترق اعماق قلبي ..

#في_قبضة_الأنباري

           والروحه محتركه اعله روحه بيش يطفه.
_____________________________

                         العراق الأنبار.
في احد مناطق

ليالي الشتاء البارده قطرت المطر التي تنزل بشده
صوت الرعد الذي يخترق مسامعي وخفقان قلبي من شدة الخوف كل هذا انتهى بحض أمي الدافئ

استمر الوضع هيج الوقت طويل واني خاتله بحضنه تمسح ع راسي وتهدء بي
فتره قليله وسكن كل جسدها انفاسها انخفضت لحد ما حسيت بيه تصلبت

صوت ابويا بالبيت رايح جاي بالو على اخوي الي ما اعرف ليش اتأخر اليوم شوي وفات اخويا بدا بابا يعيط عليه لان اتاخر واخويا يرد عليه

صوت بابا العالي صوت
اخويا صوت الرعد
صوتي واني اناديها
كل هذا ما اخترق مسامعها وماخلاها تكعد خفت كثير عليها خرجت بسرعه ناديت بابا
:- بابا شوف ماما شبلاها ماتكعد

اجه ابويا اخذ ايدي وصعدنه لماما  صاح ابويا عليها ماردت اتقرب منها بخطوات بطيئه نزل راسو على نحرها يتحسس نبضها وهيه ماتتحرك

رفع ايدها لكن سرعان ما وكعت الوحدها صرخ بابا بأسمها بأعلى صوتو

فزيت من صوتو العالي راجعه بخطواتي للخلف اجو اخواني وراحو لبابا مجرد ما خلو ايدهم على مكان النبض صرخو بصوت فاق صوتو لأبويه
اجت سجى وضلت تصرخ وتبچي

زين فهموني امي شبلاها.؟
كل هذا العياط وماسمعت.؟
ما كعدت وهيه من نسمة الهوى تفز

اخذوها اخوني شالوها وحيلهم مهدود وبابا وراهم يجر بنفسه جر قبل لا يطلع اقترب مني صفن بي ومسح على راسي بعيون تلمع من الدموع وطلع

ورا ساعات الناس بلشت تجي ناس تعيط  وتلطم وبيت جدو واهل ماما الكل اجو كل هذا واني بس اباوع يردوني ابچي ماكو
أصلًا ع شنو ابچي.؟

مر يوم كامل ماشفت لا اخوني ولا بابا ولا ماما ضليت كاعده الوحدي بالغرفه كل شوي تجي فاطمه بنت عمي تتفقدني  شوي وفات الي الاكبر اخذني الحضنه ينحب يغص بالكلمه ومايكدر يحجي انكسر قلبي ع حالتو اردفت واني مهضومه

خيال :شبيك علي ليش تبچي.؟ماما وين .؟

من سألتو عليها شهك وبچى كأنو طفل مو الأكبر يحاول يهدء نفسو ويحجي مايكدر يغص بالكلمه شوي واجه تيم هم  اخذني الحضنه  بس حالتو مو احسن من الاكبر اردف تيم واني بحضنوو
تيم:حبيبي خيالي
خيال:همم
تيم:تعرفين وين امي هسه
خيال:لا تيم انتو اخذتوها وينها