الفضول..الفضول سم قاتل يحرق من يقترب منه زوجي و جدتي و أبي و أمي منعوني من الاقتراب من هذه الغرفه ولكن الفضول لعنه تحكمت فيني ولم استطع السيطرة عليه اقتربت من الغرفه و يا ليتني لم اقترب و منذ ذلك الوقت وانا لم أكن انا
*ميرنا عبد المجيد الهلالي*
((الفصل الثالث)) انا هدخل قصص تانيه جوه الرواية عشان انا مش بحب ان الرواية بتاعتي تتركز علي موضوع واحد بس اه خليكوا فكرين اننا عايزين نعرف ايه اللي حصل ل ميرنا بعد ما كشفت سر اللعنه بتاعت الغرفه هنعرف مع الفصول اللي جايه🙃♥️👌🏻 ▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎ في مكان آخر ................... نجد رجل و فتاة يجلسوا في إحدي محلات الذهب و الفتاة الأخري تختار الشبكه المناسبه لأن يوم زفافهم علي الأبواب راويه بإبتسامة صفراء:ها يا رغده اختاري ولا اقولك اختارلك انا احسن إسماعيل بضيق من حركات والدته:ماما ممكن تسيبي العروسة تختار شبكتها براحتها ولا ايه ولاء ببرود:اختاري يا حبيبت أمك اللي يعجبك لأنها شبكتك اللي هتكمل معاكي طول العمر واللي مش عجبوا يمشي راويه بغيظ:جرا ايه يا ولاء انا اتكلمت انا كل اللي قولتوا اني هساعدها تختار بس مش اكتر رغده بتسرع عشان الخناقه متكبرش:خلاص انا مش عجبني المحل ده إسماعيل فيه محل جمبه تحفه التشكيلات بتاعتوا إسماعيل بتفهم:ماشي يا حبيبتي اللي يعجبك تعالي..راويه بغيظ مشيت وراهم ولاء مشيت مع بنتها بإنتصار و غرور مصطنع راويه في نفسها:ماشي يا ولاء والله لبوظ الجوازة دي انا مستحيل اخلي ابني يتجوز بنت الجنايني دي _______________________________________ في الفندق عند ميرنا... كانت تتجهز للسفر كانت ترتدي Jumpsuit لونوا موف و عمله تسريحه شعر جميلة مثلها فاجأة ليقت نقاط دم تنزل من رقبتها ذهبت لإحضار مرأه صغيرة رأت ندبه غريبة تنزف بغزارة لكن لا تشعر بأي ألم
Oops! This image does not follow our content guidelines. To continue publishing, please remove it or upload a different image.
سميرة:ميرنا حبيبتي يلا تعالي عشان تكلي ميرنا بتزمر طفولي:يا ماما انا قولتلك اني مش بحب اللحمه دي انا عايزة اكل حاجه تانيه إحسان بإبتسامة:وانا ميردنيش انك متكليش حاجه يا جلب تيته خدي عملتلك فراخ و ملوخيه يستهلوا خشمك يا جلبي ميرنا بفرحه:يسسسس شكرا شكرا يا تيته عايزة العيش يا داده داده بإبتسامة:من عنيا يا بتي عبد المجيد بضيق:ايه اللي بتعمليه ده يا أمي ده دلع ماسخ و لازمن تاكل من الوكل اللي قدامها شيلي الوكل ده يا سميرة سميرة بضيق:ما تسيبها يا عبدو البنت مش بتحب اللحمه مش هنخصبها علي حاجه عبد المجيد بغضب:لاهه مفيش حاجه اسمها مبحبش بجول خدي الوكل ده دلوك مش عايز الدلع الماسخ ده ميرنا بعياط:يا بابا انا مش بحب اللحمه دي طعمها مش حلو عبد المجيد بلجهه غاضبه:انا جولت جبل اكده متجوليش علي الوكل وحش حرام و هتأكلي اللحمه يعني هتأكلي و إلا مش هتخرجي مع اصحابك يوم الإجازة بتاعتك و هتنضفي مع جدتك و أمك ميرنا بتزمر و عياط:يوووووه خلاص مش عايزة اكل هطلع انام ميرنا طلعت تجري علي طول عشان هي خايفه من باباها لسه هيطلع وراها سميرة مسكت ايدوا قالت:بالله عليك يا عبد المجيد ما تقرب من البت سيبها وهي شويه و هتاكل عبد المجيد بصريخ:انا مبحبش الدلع الماسخ ده والله لو ما أكلت لضروبها البت دي لازم تتعلم الأدب من اول و جديد سميرة بغضب:ما بزداك صياح عااااد انا مبحبش اخصب علي بنتي حاجه هي هتاكل بس كمان شويه محصلش حاجه يعني عبد المجيد ببرود:داده يا داده الداده بإحترام:نعم يا يبه عبد المجيد ببرود:خدي الوكل اللي هي الفراخ و الملوخيه للحراس اللي برة يأكلوا منيها سميرة بضيق:عبد المجيد حرام عليك ده اكل البنت عبد المجيد ببرود:اسكتي خاااالص مش عايز اسمع حسيك يا وليه انتِ و أمي مدلعنها وانا بجي مش عجبني وانا هيبقي ليا تصرف معاها مرة واحدة عبد المجيد حس انوا مش قادر ياخد نفسوا سميرة اتخضت و حاولت تساعدوا فاجأة سمعوا صوت صراخ ميرنا و لقوها بتقع من علي السلم و صراخها مسمع البرج كلوا و بعدها سكون تام... سميرة بصريخ:ميرنااااااااااااا عمار بتعب:يا ميرنا روحتي فين ميرنا فاقت من سرحانها وقالت:ها انت بتنادي عليا يا عمار عمار بتعب:بنادي حبيبتي انا صوتي اتنبح حرفيا عمال انده عليكي لدرجة أني فكرت نفسي علقت ميرنا بإبتسامة:انا اسفه يا حبيبي سرحت شويه يالا بينا امسك يديها و نزلوا خرجوا من الفندق و سافروا و عاشت ميرنا أيام جميلة و سعادة مع عمار ________________________________________ في بيت راويه... كانت تجلس في بيتها تفكر ماذا تفعل لتخريب هذه الزيجه مع هذه الفتاة أبنت الجنايني كما تلقبها امسكت هاتفها و طلبت رقم معين بعدها بدقائق أتها الرد... راويه:ازيك يا توحه عاملة ايه يا حبيبتي وحشاني توحه:اخص عليكي يا راويه كده تغيبي عليا كل مدة دي ولا خلاص عشان بعدتي عن الحارة و سكنتي في الفيلا نسيتي أهل حتتك راويه بضحك:ههههه ما انا بكلمك اهو بعدين هو انا اقدر انساكي المهم عايزاكي في موضوع كده توحه بسخريه:مش قولتلك انا قولت انتِ اكيد بتكلميني عشان مصلحة مش عشان انا وحشاكي ولا حاجه خير يا راويه راويه بإبتسامة:طيب عشان اثبتلك اني بكلمك عشان وحشاني انا هبعتلك عريبة مخصوص تجيبك لحد عندي و تقعدي معايا شويه زي زمان ولا ايه توحه بتفكير:اممم مش عارفه يا راويه طيب هشوف العيال كده و هرد عليكي راويه:قوليلي صحيح ازي البت إسراء عاملة ايه اتجوزت ولا لسه توحه:لا البت لسه في ثانوية عامة ادعيلها يا راويه دي دخلت علمي علوم و بتشتغل كمان عشان تجيب حق دروس و الكتب منتي عارفه أبوها طلع معاش و مفيش حاجه يسترزق منها و أخوها في جيش و اهو الحمد لله كل حال راويه:الحمد لله ان شاء الله تنجح و تعبها ميروحش علي الفاضي ابدا خلاص بصي الساعه ٦ كده ابعت السواق توحه بإبتسامة:تمام يا راويه سلام يا حبيبتي إسراء جريت علي أمها و قبلتها وقالت:انا نزله يا ماما توحه:رايحه فين يا إسراء إسراء و هي تلبس الحذاء:رايحه درس كيمياء يا ماما عايزة حاجه اجبهالك وانا راجعه مصطفي بتعب:بقولك يا إسراء خدي الفلوس دي تجيبي دواء عشان خلص امبارح إسراء بعتاب:بابا مقولتليش امبارح ليه انا كنت بجيب ل ماما الكريم خلاص حصل خير ياريت يا بابا تبقي تقولي لو فيه دواء تاني خلص اجيبوا اول بأول مصطفي بإبتسامة فتح ذراعه و هي جريت و حضنتوا وقال:ربنا يحفظك ينجحك يا إسراء يا بنتي يلا خدي بالك من نفسك و متتأخريش تخلصي درس علي الصيدلة علي طول إسراء بإبتسامة:حاضر يا بابا يالا سلام بقي هتأخر إسراء وصلت السنتر سمعت صوت فتاة تعرفها جيدا... ياسمين بسخرية:الدحيحه وصلت اهي..إسراء تجاهلتها تمامآ و راحت تسلم علي أصدقائها إسراء:سوسو عاملة ايه سلمي بحب:كويسه يا سو قوليلي عملتي واجب مستر ناصر اصلك عارفه صعب هو المساعدين إسراء بثقه:طبعا عملتوا كلوا وانتِ يا شوشتي شهد بحزن:معملتوش و خايفه ميدخلنيش من وقت ما أختي توفت ف نسيتوا خالص إسراء و سلمي بحزن:الله يرحمها إسراء بتفهم:متخفيش هما هدخلوكي بس انتِ فهميهم ظروفك و كده انا و سلمي هنخش و نحجزلك مكان جوه شهد:تمام ياسمين بحقد:اقسم بالله ما هسيبك يا إسراء لازم اعمل اي حاجه عشان تكوني فاشله و مش هستسلم ابدا ________________________________________ في مكان مجهول ......................... _ها ايه العمل دلوقتي _الجثه دي اترفضت يبقي للأسف لازم ننفذ كلاموا و نجتل طفله _وه لاهه مجدرش اجتلها مينفعش نطلب منوا يغير الاتفاق _نعم انت بتهزر عاد ولا اهيه هو احنا نجدر نعمل اكده اكيد لاهه لو اعترضنا هتلاجي مراتك مجتوله _لاهه لاهه خلاص هنجتل طفله للأسف بس انا مش هجدر اجتليها انتِ انتِ عملتيها جبل اكده _ماشي يا جبان يلا ورايا جبل ما حد يصحي ______________________________________ في بيت كيمي و عمرو... كيمي بفرحة:ميرنا هترجع بكرة يا عمرو عايزين نروحلها عمرو:من بكرة كده اصبري يا حبيبتي يومين يستريحوا شويه كيمي بحزن:يوووووه طيب هصبر حاضر عمرو:طيب انا نازل مع صحابي عايزة حاجه كيمي:اه افتكرت عمرو هنروح أمتي للدكتور عمرو بتفهم:بكرة ان شاء الله يا حبيبتي و عايزك متقلقيش احنا مش اول ناس أو آخر ناس متخلفش لحد دلوقتي كيمي بحزن:ايوة يا عمرو بس دول ٣ سنين و هيبقوا ٤ كمان انا لما بشوف طفل أو طفلة قدامي تلقائيا بخدها في حضني و بعيط بيبقي نفسي اسمعها بتقولي يا ماما وانا عارفه اني مش أمها انت فاهمني يا عمرو عمرو قربها منوا و حضنها بكل حب وقال:فاهم و حاسس بيكي يا قلب عمرو متقلقيش و ان شاء الله هتبقي احلي ماما في دنيا يلا سلام عشان متأخرش كيمي بحب:سلام يا حبيبي بعد ما نزل هي دخلت في اوضه تنام شويه غمضت عيونها فاجأة شعرت بأحد في الغرفه بصت ملقتش حد نامت تاني ظهر ظل أسود و كان يقترب منها ببطء شديد و نبضها بدأ يدق بقوة عند اقترابه منها وقال:كاميليا..كيمي مازالت نائمه و لكن تشعر بإزعاج من حولها الظل:كاميليا استيقظي كاميليا صحيت فاجأة ليقت شخص مرعب في وشها صرخت بعلو صوتها لدرجة أن الجيران سمعوها خبطوا علي باب شقه محدش فتح حد من رجال كسر الباب كان سكون في المكان دخلوا بهدوء كانوا مسكين حاجه حادة عشان لو فيه حرامي دخلوا اوضتها انصدموا يا تري ايه اللي شافتوا كيمي؟؟ كان المفرود ينزل يوم الأحد بس انا نسيت 🙃🤦🏻♀️ يا تري كيمي شافت ايه🤔👹🚪
