البارت 20
من قصة من شاب خجول الى اخطر مجرم مطلوب في العالم
بقلم: hafida el
رجاء: شكرا اخالتي
دخلو لداخل لقاتها جمعات لڨاليز ديالها
رجاء: صافي غتمشي
سلمى: اه ابنتي غنمشي مع ولدي براكة المدة لي بقا فيها بعيد عليا
رجاء: اه اخالتي سيري معاه
سلمى: اه
رجاء: عمي محمد مغيمشيش
سلمى: معرفتش قال ليا غنفكر
رجاء: اه مزيان
سلمى: رجاء
رجاء: نعام
سلمى: واش كتبغي صفوان
رجاء تصدمات: انا هو انا
مجات فين تهضر حتى سمعو الدقان فالباب
رجاء: غنمشي نشوف شكون
مشات تفتح باش تهرب من السؤال فتحات لباب لقاتو هو غير شافتها بدا كيطلع وهبط فيها وهي حسات بالحراح وهي تقول: تفضل دخل
دخل لداخل لقا مو وجدة وقال: يلاه اماما نمشيو
سلمى: ستنا اولدي نمشي نسلم على ايمان ونجي
صفوان: اوك
رجاء: انا غنمشي معاك
صفوان: نن نتي محتاجك سيري الوليدة دغيا ورجعي
سلمى: وخا اولدي
خرجات وهو شاف فرجاء وبدا قيقرب منها وهس راجعا باللور
حتى طاحت على السداري وهو تحنا عندها ويديه على السداري محاوطها وكيشوف فيها فعنيها وهو نفس الشيء رجاء: ب بعد صفوان: علاش
رجاء: اولي كفا علاش هكاك بعد لهيه
صفوان: ولا مبغيتش
رجاء: هههه ضحكتيني بعد لهيه
صفوان كلس حداها وقال: هههه هبيلة
رجاء : بزاف عليك
صفوان: ياك
رجاء: اه هههه
بقاو كالسين حتى دخل محمد شاف فيهم وقال
محمد: باقي كي كنتو ملي كنتو صغار
رجاء: انا لي كنت صغيرة اما هو فكان كبير
محمد: اه الله اصلحكم
رجاء: امين
وطلع لبيتو وصفوان بقا كيشوف فيها بعد عاد هضر
صفوان : تمشي معايا
رجاء شافت فيه: ها علاش غنمشي معاك
صفوان: تمشي وصافي عادي
رجاء: لا منمشيش
مجوبهاش بقاو سكتين حتى صونا التلي ديال صفوان
صفوان كيهدر فالتلي: الو
اليسا: اهلا توتوز شي ليلة اليوم ولا
صفوان: اليسا ماشي وقتك دبا
🧐🧐🧐🧐
أنت تقرأ
من شاب خجول الى اخطر مجرم في العالم
Misteri / Thrillerجيت وجبت الجديد قصة ج.يدة من تصميمي انا قصة باسم من شاب خجول الى اخطر مجرم مطلوب تفاعلو مع القصة وغنلوح ليكم ديمة ان شاء الله قصة تحمل فيكل من فن الطرب الدراما # الحب # الغيرة # السفالة # القسوى # الكوميديا # التفرشيخ # هوا شاب خجول كان في...
