من شاب خجول الى اخطر مجرم في العالم

🔪8🔪

البارت 8
من قصة من شاب خجول الى اخطر مجرم مطلوب في العالم

بقلم:hafida el

صفوان: لا هي لا ياله كلسي تكلي عاد سيري دوشي
رجاء: هئ هئ طلقني اشفار طلقني
صفوان طلقها: يلاه سري دوشي
هزات دوك لحوايج ودخلات لدوش وهي كتمسح خنونتها دخلات دوشات ولبسات عليها عاد خرجات عندو كانت لابسة بيجامة صخونة ديال المشة عندها ودنين ديال المشة فاللون لبيض ضحك عليها جات فنكيشة  وحنيكاتها الحومر ضحك وقال: اجي
رجاء: لا مبغيتش
صفوان: واجي بلا عناد
رجاء مشات عندو وهو جرها كلسها على حجرو حولات تنوض ولكن زير ليها على خصرها وقصحها حتى تاوهات
رجاء: احح بشوية قصحتيني
هو بهاد الهضرة لي قالت دوخاتو ومشا بالو لبعيد
صفوان: كولي
رجاء: وطلق مني وغناكل
صفوان: كولي هكا يلاه دوري وكولي
تنهدات وخنزرات فيه ودارت عندو بضهر وهي كالسة على حجرو وبداة تاكل معندها كانة غير دايرة ليه الخاطر حتى تلقة كيف دير وتهرب اما صفوان بقا كيحرك يديه على ضهرها بشكل دائري وهو كيحس بالصهد طالع معاه سلات الماكلة وناضت وقفات وشافت فيه
رجاء: بيت نمشي فحالي
صفوان: سيري كلسي ونتي معندك فين تمشي فهمتي
رجاء:  عافك اخوية خلني نمشي فحالي عافك
صفوان جرها كلسها فوقو وفرق ليعا رجليها عليه : لا هي لا سمعتي ومتبقايش تقولي ليا خوية مفهوم
رجاء: شوف راه اليوم كانت اتكون خطبة ديالي ومت مكتعرف عليا والو ومكنعرفكش حتى سرقتني من دارنا وعلم اللع ماما كي غتكون دبا عافك خلني نمشي فحالي

صفوان: غتنوضي عليا تمشي تنعسي ونسمعك جبدتي ليا مضوع الخطبة ديالك وتشوفي سمعتي
رجاء خلعها بنبرة صوتو ونضرات لي كيدير فيها : و و وخا
ناضت طايرة تكات ففراش ودارت فوق راسها لغطا اما صفوان فعصباتو ديال بصح ناض هز كاس ديال الوسكي ونزل عليه دقة وحدة وهز كارو وبدا كيكمي حتى تهدن شاف فيها لقاها مغطية راسها بلغطة مشا عندها حيد ليها لغطة على وجها لقاها ناعسة بقا كيشوف فيها مدا عاد باسها فجبهتها وناض حيد القبية وتكا حداها عنقها ونعس

صبح صباح فقت رجاء فتحات عنيها وبقات كتتكسل شافت حداها لقاتو ناعس قربات ليه وتحفض تفاصيل وجهو بدون شعور هزات يديها كدوزها على وجهو حتى حات عنيها على الاسوارة لي فيديها رجعات شافت فيه وقالت بدون شعور
رجاء: صفوان

☺️☺️☺️☺️☺️☺️