من شاب خجول الى اخطر مجرم في العالم

🔪64🔪

64

البارت 64
دازت 3 سنوات بلحساب شي دازت عندو سريعة شي دازت عندو بطيئة شي عاشها عاظي شي فحلا معاشهاش

فتاة اصبحت من الماضي   قلبها اصبح من حجر   لا يضيبه حر الحب مهما اشتد  ولا تجمدها برودته   ثابت لا تحركه الرياح مهما عصفت   ولا يجرفه السيل مهما سال لان القلب مات في الماضي مع شخص كان القلب له هدية  رحل ورحل معه ورحلت معه الضحكات العالية

نازلة من الدروج لابسة جينس كحل مع تشورت بيضة مع فيستة كحلة جامعة شعرها ديل حصان ولابسة مني بوط فلكحل مكياج خفيف مشات بتجاه الطابلو لقات سلمى وايمان ومحمد كالسين كيفطرو صبحات عليهم وكلسات كتفطر فصمت
سلمى غمزات ايمان باش تهضر  : احم بنتي كي صبحتي
رجاء بلا متشوف فيها: صفا
ايمان: غتعطلي اليوم فالخدمة
رجاء: علاش هاد تلسوئال
ايمان: لا والو غير بغيت ندير ليك الطجين لي كيعجبك
رجاء وقفات : لا بلاش متحسبي عليا لغدا مغنجي تليل
ايمان: وخا ابنتي الله اعانك
رجاء: بسلامة
هزات ساكها وخرجات تلاقا ليها لكارد عطاها سوارت ديال اللوطو ركبات وكسيرات بتجاه الشركة لي ولات هي لي مكلفة بيها واكيد كاينة مساعدة من صهيب وايهاب مي غير من بعين حيت كل واحد فبلد وكل واحد وخدمتوتما ومعاونينها ونهار كتحتاجهم كيجيو تلعندها ودب شي عام شافتهم