#مـتـاهـة_ديـهـيـا (جـنـتـي الـمـلـتـهـبـة)

الجزء 43

#مـتـاهـة_ديـهـيـا (جـنـتـي الـمـلـتـهـبـة)
#ميار_إنصاف
#الجزء_43

وفتحت الباب كانت يما تبكي جايها خويا وسيم دخلتها حضنتها هي تبكي وانا نبكي _ راحو فيها خاوتك دوك يباصيو _ درتلها بيدي علاه، قاتلي بلي حكمو امين بردوه بطريحة طحت على ركايبي معرف علاه جا في بالي بلي فضحني مع الناس على هذي ضربوه ياربي واسطر … وقف عليا غيلاس طلعت راسي شفت معاه وانا نبكي هو ملامحو باردة ماتقدري تفهمي منها والو مدلي يدو باه ينوضني في لحظة فات عليا كلامو واهناتو ليا كامل خاصة كي قالي عفتك يد موليتش نقدر نثيق في مولاها منقدرش نزيد نغامر ونخليه يوقني وبعدها هو لي يرميني ركزت بيديا على الأرض ونضت وحدي انا برك سند نفسي هو والو بالنسبة ليا _ جات لينا ماما، دخلي ابنتي راجلك لصالون ضحكت بإستهزاء على كلمة راجلك كنت حابة نعيط ونقولها وين راجلي ويييين راجلي لي سمح فيها على جال غلطة صرات في الماضي ولا راجلي لي فضحني قدام دارنا وبسبابو شهرين ونص وانا متعذبة ولا لي بسبابو مات اعز الناس على قلبي خليتهم ورحت لوسيم _قتلو اعطيني تيليفونك مدهولي كتبتلو فيه _ واش صرا مع خاوتي علاه ضربوه ، قالي بلي ضربوه على جالي وعلى واش دار فيا من قبل زدت كتبتلو مافضحنيش مع الناس _ لالا متخافيش لعزيزة مايتجرأش ويديرها وراهو دا طريحة تاع الكلاب وفاصاو من عندو تصاورك يعني كونك هانية من اليوم ورايح صاي الكللب هذاك خؤج من حياتك ضحكت معاه وحضنتو بادلني الحضنو _ والله صح ماكذبوش ناس زمان كي قالو الدم عمرو يولي ماء خوك خوك مايغرك صاحبك، زدت كتبتلو وين راهم دوك _قالي بلي هزوهم لابوليس بصح حسام دوك يخرجهم درتلو براسي ايه وجيت رايحة للكوزينة سمعت صوت غيلاس نطق _ علاه ماكيش تهدري وين راح صوتك، رحت لشومبرتي وخليتو كنت راح نحي خيماري حتى دخل هو خليتو على راسي _درتلو بيدي واش، واش بيه صوتك علاه ماكيش تهدري _مادرت حتى جاست بقيت غير نشوف معاه قدم ليا، صح راكي بلكرش _ درتلو براسي هيه، دوك كي يفريو خاوتك لمشكل هذا نجيب امام نديرو فاتحة نرجعك _ درتلو براسي لالا، قالي ماشي رأيك انا لي نقرر هنا مشي انت ووليدي مايترباش بعيد عليا، دخلت علينا يما _ قالها بلي غدوة يجيب امام ويعاود فاتحة جديدة شافت معايا درتلها براسي لالا، بصح هي قاتلو ايه جيبو بصح حتى تهدر مع خاوتها اذا قبلو _ قالها بلي حسام قابل وهو لي قالو عليا بلي راني اونسانت، ماحبيتش نسمع همرتو لي توجع القلب كثر خرجت وخليتهم رحت لصالون وين قاعدين نساء خاوتي لقيت اميمة تهدر مع حسام _انا قعدت وحطيت راسي في حجرها وبالي بعيد، حايرة اذا نرجعلو ولا منرجعلوش كيفاه راح نقدر نعيش معاه بعد ما طاح القدر بيناتنا تكسرت ثقة راح الحب لي عمرو اصلا مكان بيناتنا انا مراح نقدر ننسى ونعيش معاه كأنو ماصرا والو بعد الشيء هذاك كامل خاصة موت بابا عمري نسامحو عليه مالڨري علبالي بلي قضاء وقدر وكان مكتوب لبابا يموت نهار هذاك لكن مننكرش بلي بسباب غيلاس وبسبابي مات وهو مراحش يقدر ينسى الماضي تاعي بسهولة غيلاس ونعرفو راح يبقى الماضي تاعي مداير فجوة كبيرة بيناتنا … بقيت في حيرة كبيرة حطيت يدي على كرشي ونخمم من جيهة منيش حابة لبيبي تاعي يعيش بعيد على باباه ومن جيهة خايفة منو و مني يارب دير لي فيها خير …