دعواتكم لي لاتنسوني🥺❤️
البارت الثاني والعشرين
مر اليوم على ابطالناا
وبعد يومين ابو جوري كلم ابو عبدالله ان جوري موافقه ويقدرون يجون ويتفقون متى الملكه وتحليل الدم والمهر وغيره من هالاشياء
ام عبدالله فرحت ان جوري بتكون مرت ولدها (كنتها)
سديم فرحانه ان جوري بتصير قريبه منها واحتمال تسكن عندهم في الجناح الي فوق
والبنات كلهم فرحو لـ جوري وفرحو ان زوج صديقتهم يكون من قسم الشرطه وفوق ذه رئيس مركز
ولاننسى بطلنا عبدالله من فرحته عطا كل الموجودين في المركز اجازه ثلاث ايام وحجز شاليه لـ اهله وجوري واهلها وربعه
وقضيه مصعب مافيها اي تغيير وعبدالله وكل احد يراقب اي حركه من مصعب
وصح عبدالله كان مستعجل وطلب يحللون وبالواسطه طلب يطلعونها بسرعه واليوم وهم في الشاليه بتطلع
*********************************************
كانو اهل عبدالله موجودين في الشاليه والشباب بعد جاو وكان في قسم للشباب علشان البنات يأخذون راحتهم، وكانو ينتظرون وحتى الشباب(الشباب:فارس واحمد وياسر وصقر ورائد وخالد ومشاري) ينتظرون معاهم يبون يشوفون لقاء عبدالله بأهل جوري
عبدالله توه بيدخل الشاليه الا بصوت فارس
فارس:عبودد شوف في سياره جايه
ياسر:كأنها ذي سياره ريان
لف عبدالله:الا ذي سيارته
قرب عبدالله من السياره الي وقفت ونزل منها ابو ريان
راح له عبدالله وباس راسه:هلا ي عم نورتنا
بوريان:بنورك ي وليدي
جاء لهم ريان:وانا مالي ترحيب ولابس الترحيب حق عمك ابو زوجتك ترا حتى انا اخوها
سحبه عبدالله وضمه:انت عضيدي لك ترحيب خاص
ريان:افكر بعد بتسحب علي بعد ماخذت اختي
بعد عنه عبدالله:وانا اقدر اسحب عليك
ريان بصوت خفيف:اي سكتني بهالكلمتين تفكر ماادري انك تبي مني شي
عبدالله ضحك على خفيف:ي فاهمني ي انت(يقلد الهنود)
انتبهو عبدالله وريان على ام ريان وجوري نازلين من السياره وينزلون الاغراض معاهم
عبدالله راح لـ عند ام ريان:عندك ي خاله
ام ريان:لا ي وليدي ماتقصر انا وجوري بنزلهم
ريان:وانا وي رحتت
ام ريان:ساعد اختك في الشنط
لفو عبدالله وريان على جوري شافوها تتهاوش مع الشنطه لانها مب راضيه تطلع من (شنطه السياره او دبه السياره او مدري شنو تسمونها انتو😂😂 المهم الي تكون وراء السياره مب كبوت السياره قدام ذي تكون وراء... انشاءالله فهمتو) كانت حاطه عفش شكثره في هالشنطه من ملابس من عطور(لانهم بينامون يوم في الشاليه فجابت دولابها نصه) من سماعات حق وقت الاستهبال والعاب للتسليه ومسليات وغيره من هالعفش
كانت تتحلطم:افففف يربي الشنطه ثقيله وهالسياره نازله(مدري شدخل السياره ذيلي اغراضك😂) مدري شلون بطلعها
ضحكو عبدالله وريان عليها وراحو لها
ريان:والله العله مب من السياره العله من شنطتك الي ماادري شنو حاطه فيها
ردت بدون لاتلتفت:مالك دخل في شنطتي
والتفت:بدالـ..... انتبهت لـ عبدالله وسكتت
ريان:ادري بتقولين بدال لاتنزلها وخري بس خل ننزل الاغراض
بعدت جوري شوي عن السياره وناظرت في البحر
عبدالله نزل شنطه جوري وحطها في الارض:الله صج ثقيله
لفت له جوري ماحست الا بشخص هجم عليها بقوه وضمهااا
(لايروح تفكيركم بعيد ترا مب عبدالله هههههههههههههههههههههههه)
سديمم:ي حما****لك يومين غايبه اشتقت لك
جوري:تبين اجي ويستلموني البنات تعليقات
سديم:طيب الحين يوم جيتي ليش مادخلتي على طول مادريت انك جيتي الا يوم شفت امك وسألتها عنك قالت برا عند السياره جيت لك ركض حتى ماامداني البس الشبشب حقي
جوري بعدت عنها وناظرت رجول سديم صج بدون شبشب ولاجزمه(الله يكرمكم) ضحكت عليها:هههههههههههههههههههههههه كل ذه شوق
سديم:واكثر بعد
عبدالله:ماخلصتو الدراما حقتكم
سديم غمزت له من وراء النقاب:الا قول غيران
عبدالله:لاغيران ولاشي بس علشان تدخلون عن الشمس حاره
طقتها جوري على بطنها
سديم مسكت بطنها:اخخخ وجعع مب كوع عليك
جوري بهمس:علشان مره ثانيه تسكتين
عبدالله:شفيكم
سديم:لابس زوجتك المستقبليه متوحشهـــ... ماحست الا بكوع ثاني على بطنها
سديم:وجععععع خلااص مب بتكلم انااا
عبدالله:احسن امشو يلا
ومشو معاه والاغراض الاشياء الخفيفه دخلتهم ام ريان مع بو ريان والاغراض الباقي ريان مع عبدالله شالهم وجوري خذت شنطتها بس مو شنطتها الكبيره لا الصغيره الي حاطه فيهم الاستلزامات الشخصيه لانهم ما لهم مكان في الشنطه الكبيره
كل ذه الي صار تحت نظرات الشباب الي تراقبهم والعاشق المجهول بينهم
العاشق المجهول في نفسه(لو انا مكان خطيبة عبدالله وتجيني كذا مستانسه وتضمني كاان ماتركهاا تمشي عني.... والله تبي اخطبها من ابوهاا مو تجلس تتخيل.... خل امشي مع الشباب قبل احد يحس) ي ترا من هذا الشخص؟
*********************************************
دخلت جوري مع سديم وام عبدالله رحبت بـ جوريي
جوري:الله يحييك ي خاله
ام عبدالله:فطرتي ي بنتي ولاتبين فطور قبل وقت الغدا
سديم:اشوف الاهتمام راح كله حق جوري
طنشتها امها
جوري:شربت نسكافيه يوم جلست
ام عبدالله:ما ذابحكم غير هالنسكافيه
سديم فهمت من تقصد امها ورفعت يدها:الحمدلله مب انا الي اشرب في هالقهوه صج اشرب بس مو كثرهم
ام ريان:اجل مين إذا مب انتي؟
سديم وهي مبتسمة:عبوود
ام ريان:اجل اثنينهم اشتركو في هالنقطه
سديم:وانتي الصادقه ي خاله
جوري:خلاص عاد سديم
ام عبدالله:جوري قومي معاي
جوري:وين ي خاله
ام عبدالله:المطبخ بعطيك فطور
جوري:شبعانه ي خاله بعدين مااشتهي اكل غدا
ام عبدالله:ادري فيكم انتو البنات الحين تطلعين مع سديم وتجيك ضربه شمس ويغمى عليك
جوري:بجلس هنا مب اطلع بس ماابي فطور
قامت سديم مسكت يدها وسحبتها المطبخ:تعالي يماا وديتها لك المطبخ
ام ريان:الله يحفظكم
في المطبخ
سديم جلست جوري على الكرسي
قامو ام عبدالله وسديم يحطون لها اصناف من الفطور واهي منصدمه من كميه الاكل الي حطوه لها بعدها كلت شوي وقالت شبعت
*********************************************
..... :قلت لي ان خطب
..... :اي طال عمرك توه من كم يوم تقريبا
..... :وليش توك تقول؟
...... :كنت بتأكد بنفسي إذا الخبر صحيح او لا
...... بابتسامه شريره:تماممم تجهزو في اعصار بيصيرر
...... :شنو طال عمرك
...... :انت والشباب خلكم جاهزين ولا لك شغل
! مين ذه؟؟ وشنو قصده بالاعصار الي بيصير؟؟ ومين بيتضرر في هالاعصار؟؟
*********************************************
دخل الصاله شاف بنته:انت هنا
.... :امر يبه تبي شي
ابوها:تعالي جلسي جنبي
جلست جنب ابوها
ابوها:نوف بنتي انتي عارفه ان الدنيا قسمه ونصيب صح
نوف:صحح
ابونوف:طيب، عبدالله ولد عمك خطب وحده غيرك
نوف:كيف واهو خاطبني؟
ابونوف:جاني امس وفسخ خطبته منك لان خطب وحده ثانيه
نوف:معلقني طول هالسنوات في النهايه يفسخ الخطبه
ابونوف:الرجال صل صلاه استخاره ومارتاح واهو عارف ان الدنيا قسمه ونصيب وراضي باللي الله كاتبه له
نوف نزلت راسها ولاردت
بونوف:حبيت اخبرك انا بنفسي وانشاءالله يجيك الي احسن من عبدالله يعزك ويحترمك، يلا اخليك بصعد اريح
صعد ابوها تاركها في افكارها
*********************************************
كانو يتمشون على البحر بعد ماخلصو غداا
.... :عبود شوف مين قدامنا
عبدالله لف ينااظر قدامهم(كان يمشي عكس) انتبه ان في بنتين دقق الا اهم سديم وجوري
احمد:هييي ي الاخو احنا قلنا شوف ولاتسرح
لف له عبدالله:من قال سرحت
فارس:ماسرحت بس ناطرتهم وابتسمت
ريان:تعالو نغير اتجاهنا لاينتبهون لنا ويستحون
فارس جلس على الرمل:وهذا جلسه قومه مب قايم المكان عاجبني
ياسر جلس معاه:حتى انا معاك مب مغير المكان
عبدالله:اجل كلنا بنجلس بروح اجيب سجاده نجلس عليها
راح عبدالله يجيب السجاده والشباب ينتظرونه
..... :(يراقب حركات سديم من بعيد/وفي نفسه/حتى حركاتها بريئه ي ربي خذت عقلي، سدووم حبيبة قلبي انتظريني قريب بخطبك من ابوك)
جاء عبدالله بالسجاده وفرشها لهم وجلسو يسولفون وضحك عندهم
قاطع عليهم صوت صراخ بنات عاليي
لفو باتجاه الصوت شافو جوري وسديم يرمون على بعض رمل وكل وحده تنحاش من جهه قربو من جهه البحر وقامو يرشون على بعضهم مايي وصوت ضحكهم في المكان
فارس:رجعو لي ايام الطفوله ودي اقوم العب معاهم
الشباب:هيييييي اهجد
فارس ارتاع:بسم الله امزح شفيكم
عبدالله:افكر بعد صج كان احش رجولك قبل تقرب منهم
حسن غمز له:قول تغار
عبدالله:اكيد اغار اختي وخطيبتي وقريبا بتكون زوجتي
ريان:احم احم ترا انا هنا
عبدالله:صيرر هنا ماقلت شي غلط انا
رائد ضحك:هههههههههههههههههههههههه قصفو جبهته
ريان:لاقصف جبهتي ولا شي عادي
صقر:عبدالله او ريان واحد منكم يجيب لهم فوط يمكن الحين يكثرون ماي وبتلصق العبايه على اجسامهم
مشاري:زيين طلع في احد مؤدب مب انتو
فارس:انا اتفق مع كلامه
صقر:مثل مااخاف على خواتي ولاارضى احد غريب يكلمهم او يشوفهم حتى بنات الناس ماارضى عليهم
صفقو له الشباب:كفووو والله ونعم التربيه
فارس:تعلمو تعلمو الادب والاخلاق منه
خالد:شايفنا صايعين ونمشي ونرقم بنات الناس
مشاري:مدري عنه ذه
فارس طنشهم وكلم صقر:ليش ماصرت صديقك من قبل
صقر ابتسم:لانك ماتكلمني الا حق لقافتك
حسن:بوممممم طيرو جبهتك
فارس يلمس جبهته:ماطارت ولا شي شفها موجوده
احمد:عبيد وريان نسيتو البنات
عبدالله:اصقر عيالك علشان تقول لي عبيد هذا وانا رئيسك في الشغل
ريان:كملو هوشتكم بروح اجيب لهم فوط
وقام دخل داخل
*********************************************
هالفتره نوف خطيبة عبدالله السابقه ساكته تتوقعون بتظل ساكته والوضع عادي ولاهامها شي ولا بتسوي شيء؟
