البارت السابع عشر
..... :جوجي شفيك؟
جوري هزت راسها بـ لاا
سديم:شنو يعني تهزين راسك تكلمي
جوري بـ صوت خانقته العبره:مافيني شي
سديم انصدمت من صوت جوري:شلون مافيك شي وانتي اختنق صوتك وتغيرت لهجتك
جوري ماقدرت تمسك دموعها:شنو تبين اقول لك، تبين اقول لك اني احب اخوك وكنت ادري ان خاطب بنت عمك بس من كلامك ان مايلتفت لها ولايفكر فيها حتى قلت يمكن يصير لي نصيب فيه وكنت اشوف نطراته لي من يشوفني وابتسامته لي تخليني فوق الغيوم تجين الحين تقولين ان ماله نصيب في بنت عمك وبتخطبون له وحده تشبهني في شعري وعيوني وتصرفاتي ماامداني افرح ان مب يتزوج بنت عمك تكسرين فرحتي بـ خبر خطبته من وحده غير وكيف ماتبين يختنق صوتي واتغير في ثواني،(صوتها اختنق زياده) سرق قلبي وخلاه مايشوف غيره صرت انادي الناس بأسمه خلااني مجنونه بحبه والله احبه حبب لايعلم به الا الله
سديم انصدمت من تصريح جوري القوي من حبهاا لـ عبدالله وغيرتها الغير مباشره
قربت منها وضمته:كل ذه كاتمته وتقولين مافيك شي هدي هدي خلينا نتكلم بالراحه
مرت دقايق وجوري ضامه سديم وتبكي على حبها الي بيضيع من يدها واحلامها الي رسمتها بتتلاشى في الهواء وسديم ساكته تخليها تطلع الي في قلبها، شعور سديم في هاللحظه ماتقدر توصفه اهو فرح ان جوري تحب عبدالله وعبدالله يحبها وقريب بيخطبها ولا اهو حزن على حالة جوري الي تفكر ان عبدالله خادعها بنظراته وابتسامته لهاا
بعدها هدت شوي وتركت سديم مسحت دموعها بيدها لان ماعندهم مناديل المناديل في شناطهم وشناطهم عند البنات
جوري:وصخت بلوزتك بدموعي
سديم:البلوزه وصاحبه البلوزه حلالك
ابتسمت جوري خفيف
سديم: المهم خلك هنا بروح اجيب شنطتك وشنطتي ونطلع مكان نغير جوو
جوري:مايحتاج نطلع عندنا اختبار بعد ساعتين تقريبا
سديم:يمدي نرجع
جوري:تمام سوي الي تبين
راحت سديم عند البنات خذت شنطتها وشنطه جوري ومشت ماتركت لهم مجال يتكلمون
وهي تمشي طلعت جوالها وكتبت رساله وارسلتهاا ورجعت الجوال في شنطتهاا
*********************************************
..... :جوري اخت رياان
رائد فتح عيونه على كبرها:رياان رياان ماغيره صديقنا
عبدالله:واحنا نعرف ريان غيره
رائد:صراحه صدمتني، اعترف صاير شي بينك وبينها هاللي خذت عقلك وقلبك وفكرك وروحك وحياتك وكل شي فيك
عبدالله ابتسم:بعدين اقول لك تعال الحين ندخل داخل
توهم بيدخلون توصل رساله على جوال عبدالله طالع الاسم واتصل على صاحب الرساله
عبدالله:شفيهاا؟
..... :بسم الله الناس تسلم اول
عبدالله :سديم قلت لك شفيها لاتهذرين
سديم:الي عطيتني ماادري وينه
عبدالله:شتخربطين انتي اسئلك عن جوري شفيها تقولين الي عطيتك وانا ماعطيتك شي
جوري تكلم سديم:بروح الحمام الله يكرمك على ماتخلصين مكالمه
فز قلب عبدالله من صوتها وكيف متغير
سديم:طيب، اسمع الحين اهي راحت الحين اعرف اكلمك
عبدالله:ليش كذا صوتها متغير لهدرجه اهي تعبانه
سديم: انت اسمعني......................................... وقالت له السالفه كلها حتى اعتراف جوري الا استهبالها مع البنات قبل ماقالته
عبدالله فرح ان جوري تبادله نفس الشعور وانها تغار عليه وانقهر من سديم انها كذا فجأه قالت لهم في وجههم وخلت دموع حبيبته تنزل
عبدالله:خبله انتي ماقلت لك سوي كذا شفتي خبالك خليتيها تبكي على الفاضي
سديم:وانا شدراني انها تحبك كذا
عبدالله:بس ولو المفروض ماقلتي انها تشبهها
سديم:ييوه عاد خلاااص لاتكبر السالفه
لمحت جوري جايه
سديم:عبدالله هذا هي جات
عبدالله:سمعي بجي لكم انا وبوديكم المكان الي تبونه إذا رنيت عليك طلعي
سديم:تمام
وسكرو
جوري:لين الحين مصره نطلع
سديم:اي وكلمت عبدالله يطلب لنا سواقه بنت
جوري من سمعت بـ اسمه تجمعت الدموع في عيونها
سديم:نو نو نو لاترجعين تبكين
جوري ماردت لفت لبست عبايتها ونقابها وسديم بعد لبست عبايتها ونقابهاا وجلسو ينتظرون
*********************************************
..... :رائد تكفى احتاج سيارتك شوي
رائد:سمعت طاري حبيبة القلب عسى ماشر
عبدالله:بعدين اقول لك الي تبي بس الحين احتاج سيارتك ضروري
رائد:سيارتك فيها شي؟
عبدالله:لاا بس جوري تعرف سيارتي وانا ماابيها تعرف ان انا الي جاي لهم
رائد:مايحتاج انت تروح لهم
عبدالله:والله مااقدر قلبي يعورني من سمعت صوتهاا
رائد:خلاص خلاص لاتصيح علينا، السياره حلالك بس وصلني البيت قبل
عبدالله:تمامم ومشكوررر ي رائد
رائد:لا شكر بين الاصحاب
وركبو السياره وصلو بيت رائد ونزلو رائد وعبدالله
رائد:انتظر هنا بجيب لك شي تلبسه بدل هاللبدله العسكريه الي عليك
عبدالله:طيب بس بسرعه
دخل رائد يركضض وجاب له ثوب وغتره وكمام ورجع يركض
رائد عطاء عبدالله:امسك وبسرعه بدل
عبدالله:ابدل في الشارع يعني
رائد صفع راسه:يوووه نسيت انت الله يهديك عجلتني معااك، تعال معااي حياك في المجلس
ودخل عبدالله بدل ملابسه بالثوب والغتره وشال ملابسه معاه وطلع
عبدالله:الحين عرفنا الثوب والغتره بس ليش كمام بعد
رائد:علشان ي الغبي ماتعرفك وانت بعد عندك نظاره شمسيه مايحتاج اجيب لك البسه الي عندك
عبدالله:تصدق مافكرت فيها من وين جبت هالفكره
رائد:هههههههههههههههههههههههه اضبطك
*********************************************
دام عبدالله بيروح حق جوري وسديم تتوقعون يصير موقف بينهم؟
شنو التغيير الي بيصير في الأحداث؟؟
الۛكَاּتبهِهِ/سۜجۚى علۛيۧ💫
