.
.
.
لا احد قادم لانقاذك حياتك هي مسووليتك .......
مرة شعرها اسود بسواد الليل طويل والوجه مشوه نصَ تباوعلي بنظرات بيها ضحكة لحظات حسيت روحي راح افارق الحياة من كمية الرعب الي بداخلي كلما تتقدم خطوة ب اتجاهي ارجع خطوتين للخلف اللعاب يوكع من حلكها بطريقة مقرفة الف سوال
وسوال اجه بالي
منو هاي
شجابها هنا
شلون عايشة
واني افكر نركعت بالحايط دليل اني وصلت بنهاية والغرفة وماكو مهرب منها
تقدمت ناحيتي وخمشت صدري كانما تريد تقتلع گلبي مكانة
دفعتها بكل قوتي
وركضت بكل ما أوتيت من قوة اخرج من هالغرفة ومن هالبيت ومن كل شئ يخصة
بطلت اريد اعرف شي
بطلت اريد ادور شي
خلص اهم شي سلامتي خلاص ماريد شي ثاني
على الاقل هالايام راح اترك كل شئ ما عدت اكدر اتحمل
اركض بكل حيلي وقوتي بس حتى اطلع من هالبيت ما فكرت لحظة وحدة التفت واباوع وراي شكو استمريت بركضي احس الممر صار علية شطولة من الخوف رسم بداخلي الامل وآني المح الباب الخارجي كبالي
دفرتة وطلعت اركض من البيت اللهث صدري يعلو ويهبط من سرعة تنفسي
احس على لحظة يوكف گلبي من الركض ما توقفت حتى بعد ما غادرت البيت
بقيت اركض الى ان ابتعدت كلش عنة
وصلت الشارع العام حركة قليلة بشارع
دنيا شتاء منو يطلع بهل الوقت غيري
تابعت خطواتي بهدوء احاول اطمن نفسي هدئت اوصالي بمجرد ما شفت أكو بشر بشارع شفت مرة وياها ابنها شكلهم كلش حلوين بس جانت مستعجلة عني
مالحكت احاجيها
خفت من سرعتها بالمشي
ف كملت طريقي ب اتجاه معاكس لطريقها
احس بالضياع وين اروح
ما ندل كل شي اطب من فرع واطلع من الثاني
افوت بشارع واطلع من ثاني
اغلب البيوت ظلمة
والي بيتة مو اظلم تلكة مشغل اضاءة خافتة
بقيت امشي بشوارع خايفة
جوعانة
وحدي
والخوف مسيطر علي
ومادري وين اروح وين أوصل
تعبت من المشي والركض وراح حيلي
أكو بيت بي دكة عالية استراحيت عليها
وكعدت التقط انفاسي بصعوبة احس نفسي حيل تعبت ماكدر
اقاوم بعد لشئ
ارتجيت على الباب بدون حتى مادري المن هالبيت
من التعب غفيت
أي غفيت ما حسيت الا على ايد شخص تحرك بية ناحية جتفي
فتحت عيوني صار كبالي وجه رجال عجوز
ابتعدت مرعوبة
الدنيا فجر الضوء طالع خفيف
اباوعلة بعيون خايفة
ويباوعلي بعيون مستغربة
طرق مسامعي صوتة الغليظ وهو يكول
منو انتي؟
شجابج لهاي المنطقة ؟
شوصلج لهنا ؟
ليش كاعدة على بابي؟
تسابق علية بالاسئلة وآني ماعندي جواب لاي سوال منهن
استقاميت أريد اسئلة
بمجرد ما طرفت عيني
اباوع ماكو احد
الرجال العجوز ماهو
التفتت يمين يسار ماهو الرجال ما موجود
آني متاكدة
جان كبالي
زاد الخوف بگلبي وآني اشوف باب البيت مفتوح
وصوت صرير الباب مزعج بشكل
بسبب هدوء المنطقة شفت مرية فتحت باب البيت المقابيلي
تقدمت اتجاهة عسى ولعل تنطيني اكل
او حتى اكدر اغسل بيتها
الطين مالي رجلية على كد ما ركضت البارحة
وملابسي كلها تالفة
حاجيتها
خالة خالة مرتين تلاثة ماردت علية على الرغم آني مقابيلها وما تفصل بيني وبينها سوء بعض خطوات
تقدمت احاجيها
خالة فدوة بس اغسل بيتكم
ماعدي احد وكل شي ما ندل
بدون ما تحجي اشرتلي ادخل
دخلت أكو مغسلة بداية البيت معلك يمها مراية
تقربت غسلت ادية وجهي صرت احاول ارفع رجليني حتى اغسلهن ماكدرت صرت أخذ مي واذب على رجليني اغسلهن
بعد ما خلصت وكفت على اطراف اصابعي
أريد اشوف وجهي بالمراية
وآني اباوع على المرأية
شفت.....
