قضيتي التي اتبع...!

آلفصـل آلثآلث

فتح يامن الظرف الذي كان محتواه:
ان كل بصمات الادله ليست موجوده فنظر يامن للظرف في صدمه وذهب لعمر وقال / الحق ده مفيش بصمات يعني مفيش دليل
عمر/ ده القاتل محترف بقي
يامن/ يابني بطل بقي انا عايز اعرف مين الي ممكن يكون كده ده كده ممكن يكون قاتل متسلسل
عمر/ طب هنعمل اي
يامن / احنا نسال حوراء هي الي في العاده بتبقي عارفه هتعمل اي
ذهب عمر ويامن لحوراء التي كانت تكلم احدي الظباط في القسم
يامن / حوراء عايزينك
عمر /حور خدي
حوراء / في اي يا شباب
عمر / مفيش ادله للقضيه
حوراء/ يعني اي ده ده مين الي هيكون بالاحتراف ده ومش هيسيب ادله
يامن/ مهو انا خايف اشك في حد يطلع مش هو ونظلمه
عمر / هو هيثم فين عايزينه في تحقيقات
حوراء/ خرج انهارده الصبح اكيد رجع بيته
يامن / طب انتوا مستنين ايه بينا نروحله
عمر/ اه يلا
حوراء / تمام ثواني هودي اوراق القضيه واجي
خرج يامن وعمر وحوراء سريعا علي بيت هيثم
عمر/ مش عيب نرن الجرس علي الراجل
حوراء/ ونبي مش وقته ياعمر خبط

رن عمر الجرس اكثر من سبع مرات ولا يوجد رد
يامن / يمكن مرجعش هنا
حوراء/ لا هو هنا
عمر/ وعرفتي منين بقي
حوراء/ مكانش فيه علامات كوتش والاسوره دي مكانتش هنا غير كده الباب التاني مفتوح
عمر / حصل ثواني كده
فا نده عمر وقال/لو مفتحتش احنا هنكسر الباب
يامن / اكسره
كسر عمر الباب فا دخلو وجدوه ملقيا علي الارض سائح في دماءه

حوراء في صدمه / ده اتقتل الي كان مشكوك في اتقتل في ايييي
عمر ارجعي لورا وطلعي السلاح
يامن/ احنا ملناش حق نبص في البيت
حوراء مؤيده لرأي يامن / صح مينفعش
عمر / احنا بنتصرف في حدود جريمه هنا يبقي لازم نبص في البيت
يامن لحوراء/ خلاص هنبص انا وعمر في البيت وانتي اطلبي فريق دعم من القسم
حوراء / تمام

دخل يامن وعمر المنزل وهم يبحثون فيه عن القاتل فلم يجدوا اي اثر له
خرج عمر ويامن بخيبه/ ملقناش حد جوه ها هما جايين
حوراء/ خمس دقايق ويكونو هنا
عمر / طب مين الي ممكن يكون عدو للعيله دي
حوراء بحيره/ معرفش
يامن/ انا عايز ابص في حاجاتهم يمكن نلاقي اي دليل
عمر/ لازم اما ييجي فريق الدعم عشان ميقولوش اتصرفنا من دماغنا

بعد خمس دقائق:
كانت الشرطه حاوطت المكان كله ودخل يامن وحوراء وعمر ليبحثوا في اشياء العائله
عمر / انا لقيت الورقه دي معليهاش توقيع

يامن/ وريني
يامن وهو يقرا بصوت عالي / انا حبيبك المخلص الذي حافظ علي وعده وانت خنتيه وخنتي عشقه لك لا تبكي علي ما سافعله لانك انت من قتلتي قلبي

بصوا كلهم لبعض
عمر/ ادي اخره الحب والمحن
يامن / ده قاتل تلت انفار ده راجل جاحد
حوراء / ياجماعه ركزوا دوروا في حاجات مراته يمكن تلاقوا رسايل او صور نعرف بيها الشخص ده
عمر / صح يلا ندور
حوراء بعد مده من البحث/انا لقيت الصندوق ده فيه حاجات قديمه
اخذه عمر وافرغ محتوياته علي السرير وقال /ياريت نلاقي حاجه القضيه دي بقت شخصيه اوي
يامن قال / حصل
حوراء/ في رسايل كتير من غير توقيع والمدام بترد عليه ويرد عليها في ورق

يامن / وواضح ان الصور القديمه دي لهيثم لاني شوفتها متعلقه برا
عمر / صح بس اي حكايه الاسوره دي كانت واقعه قدام الباب
يامن/ حاسس انها بدايه الخيط
حوراء / يمكن بس حتي لو عليها ادله بصماتي انا عليها
يامن / صح
عمر / احنا كده فهمنا ان عشيقها القديم الي عمل كده
حوراء / صح
يامن / في راي نتواصل مع صديقتها المقربه مدام يمني ونسالها عنه
عمر/ عندك حق واهو نبقي بنحاول
يامن / يلا نقوم نروحلها طيب

حوراء/ يلا بينا
خرج الفريق الثلاثي سويا وذهبوا الي منزلها
عمر / خبطي انتي يا حوراء
حوراء خبطت علي الباب
فتحت مدام يمني في صدمه وقالت/ خير يا فندم في حاجه

حوراء / كل خير يا مدام يمني احنا بس كنا عاوزين نستفسر عن صديقه حضرتك الاستاذه نهله ومحتاجين شويه معلومات يمكن يفيدونا في القضيه

يمني / اه طبعا اتفضلوا
دخلت يمني وحوراء وعمر ويامن فقالت يمني/ اتفضلوا اقعدوا
حوراء / بصي مدام يمني احنا لقينا في ورق قديم للراحله نهله
يمني / الله يرحمها
ورددو جميعا ورائها
اكملت حوراء/ لقينا ورق من عشيق ليها بيهدد وبيقول انه هينتقم لانها الي قتلت قلبه السؤال هنا يا مدام يمني هل مدام نهله كلمتك عنه

يمني/ اه كتير بس ولا مره قالت اسمه كانت بتقولي بيقولها متقوليش لحد بس هي كانت بتعشقه فا جيه هيثم اتقدملها في فتره حبهم ونهله رفضت بشده الموضوع وكانت تيجي تعيط جامد ليا لكن استاذ فضل بيه الله يرحمه صمم علي الجواز لحد ما تزوجوا بعد الاتفاق ب6 شهور

عمر / يعني مدام نهله مقالتش اي معلومات عنه
يمني/ لا كل الي اعرفه انه كان عشيقها المجهول
عمر / تمام يا فندم
حوراء / اسفين قلقنا راحتك
يمني / لا اسف علي واجب ده واجبكوا
فاكملت / اشربوا العصير طيب

يامن / مره تانيه يا فندم احنا مستعجلين خالص
يمني / تمام ربنا معاكوا يارب

حوراء / ومع حضرتك يا فندم

خرجوا من المنزل وقال عمر/كده. مقدمناش غير اننا نحط الورقه دي في القضيه وندور علي دليل في مكان الجريمه
يامن / بس احنا لازم نرجع القسم حاليا عشان الي هناك ميتكلموش
حوراء/ تمام يلا بينا علي القسم

ذهبوا جميعهم علي القسم فالقوا السلام. علي ياسر وخالد في دخولهم وقال عمر/ مساك مصري يابو الخوالد انت ويسوره
ياسر وخالد / مساك مصري يا عموره

حوراء / هو مالك فين
عمر /في الملجا
حوراء /انا هاخده يقعد معايا
يامن بعدم فهم / لي
حوراء / لانه كده مهدد انه يتقتل وانا وعدته احميه
يامن / تمام هنروح الملجا ونجيبه
عمر /روحوا انتوا انا تعبان اوي
يامن / طب اسبقني علي بيتي
عمر / لا ده انا كده لزقه كنت لسه عندك
يامن / يابني تعالي اقعد معايا بدل ما ابقي لوحدي
عمر / تمام هجيب اكل ليا وليك وهظبط الدنيا علي ما تيجي

خرج يامن وحوراء الي الملجأ وعمر ذهب للمنزل

في الملجأ...
يتبع...

بقلمـ/ نور مـحمـد