جحيم الضبع

بارت 18

-لا ضبعي بس اني اعرفك زين
-ههههه عيوني انتِ مو بس تعرفيني اني زين لا تعرفين الاف مو بله
-اممم تكدر تكول بقيت بس انت بالي
-لعد مسحيني او اذا اكلج ارجعي للمله الي اجيتي منه احته تعيشين لحضات جديده ويه غيرنه زين آنسه او مدام مرام
-هههههههاااي حبيبي اني طلعت مناك مراح ارجع اريد اشتغل واتعب على روحي
-ملايكتلج بس شغل الكح... يلوك لهل وجه ديلا عني اودعناكم
-اوكف عوف الحساب عليه
-ومنين تجيبن تنطين لابو المحل تسلمينه نفسج
-لا حبيبي اني وياه شراكه
-مدريت فلوس الحرام هلكد هواي
-(طلعنه وشمر الفوس بحضنه )

-منو هاي
-شعليج
-فضول لا اكثر
-لعد اسكتي
-شكد متعجرف لو اني حاجيه ويه واحد جان خبصت روحك حتى تعرف
-دنجبي لج
-وليي مو صوجك والله
_____________________
شهرزاد ..
-واخيراً راح يتحقق حلم الضبع اليوم العقد بس الاخت كالبه وجها عبالك حماره مطلكه
-ها خلصتو
-اي خاله كلشي جاهز
-تمام حبيبتي ان شاء الله اردها بعرسكم انتِ ومرتجى
-هههه تسلمين شكرا

شهلاء-كملتو
-اي
-يعني كلشي راح يصير صُدك
-شبيج ماده بوزجج متر
-اسكتي عني مطايقه احد اني
-دولو شلون ناس نفسيه

-طبعا رحت ويا شرار للصالون وخبصتنه هناك كل ساع وتبجي وكل ساع ومخربه خلقتها كفختها على ضهرها
-كافيييي عاد زهكتيني الله يساعدك يا اخوي
شرار-هئ انجبي راح اموت من القهر ربي
-ليش وافقتي
-اسكتي لا اموت روحي
-خوش سكتنه

-طبعا كلش انقهرت على عُلا ضلت تبجي وتنوح هي تحبه وهواي هم بس للاسف مو من نصيبه اففف مو كل واحد ويحصل الي يتمنى بس الف الحمد لله والشكر على كُلشي ..رحت ساعدت شراره على لبس الفستان الجويتي لان ضبع وصاني عليه واني ضليت ساعه مثل الخبله اقنع با المطيه الكبالي صبرك ربييي
بس عين البارده طلعت حلوه بشكل مكياج مأل للبيجي الشعر مرفوع منه ليفوك والباقي جوه مفلول وصاير ويفي طلعت حلوه بمعناها
-تبارك الرحمن تجننين
-كون هيج اجنن اخوك الطنطل
-انجبي لج طنطل بعينج ترحيله فدوه اخوي ابو عيون الكحيله
-اننن كحيله
-لا تغارين صدك عيونه مكحله
-ادري
-ها ولج مركزه بعيونه
-دولييي
-هههه ديلا البسي الصايه والشال حتى نروح وهااا لا تتمضيكين وتكولين لا ومدري شنو لان اني مو ضبع واتحملج اسطرج بطراك اغير معالم وجهج الفاهي
-كافيي شبيج بالعه مسجل
-حتى متحجين
-استغفرك ربي
-ام عمت عيني متدينه مو بيدها
-هاي شبيج
-ما بيه اتشاقه

-اجه جحيم واخذنه ويا وهو كل ساع ويباوع على شرار
-ولج شنو هاي شهرو طالعه تجننين
-فدوه لكلبك حبيبي
-انزلي ولا تتلفتون ابد الزلم هيناك ليغاد
-خوش حبيبي
-وانتِ هم يبا اشاير
-تمام
-محتاجين شي
-تسلم
________________
شرار ..
-احس اجه اليوم الي راح انكسر بيه اني خايفه منه وعلى نفسي واهلي والكل خفت لا يرفض مرتجى او يسجن مرتضى اوو يأذي شهلاء اعترف اني جبانه ...دخلت للبيت وهلهوله كامت تجر هلهوله امي فرحانه اختي هه ضايجه باقي بس تفترسني انقهرت منها وعليها
-يروح امج الف مبروك
-يبارك بيج يعمري