_عمو عمو عمو
=نعم؟
_شوفت انا حلوه ازاي
=عاديه يعني
_عمو عمو عمو
= نعم ي شروق !؟
_شوفت انا طعمه ازاي
=اي شغل الاطفال ده؟
_انت شايف ان ده شغل اطفال؟!
=ايوه طبعا هيا مش دي اغنيه اطفال اصلا!
_ايوه بس يعني .. اتنهدت وسكت .. خلاص ي احمد فكك
=يلا ننزل طيب مش خلصتي لبس؟
_لا مش قادره انزل خلاص
=يعني ايه مش قادره ؟
_يعني مش قادره هبطت ي احمد عادي
=تمام انا نازل سلام
"قام ورزع الباب ونزل زعلان"
ماما دخلت
-فيه ايه ي بنتي اي اللي حصل مع احمد
_معرفش انا يماما ابقي اسأليه
-فيه اي بس حصل حاجه
_لا مفيش بعد اذنك "دخلت اوضتها"
رنيت عليه اشوفه
_مش هترد يعني .. تمام
قعدت افكر ف حياتي
ف بالها" احنا مش متوافقين يا احمد مع بعض كل حاجه مختلفه وانت مش حاساك فاهمني
=يعني ايه الكلام ده
_يعني مش عاوزاك ي احمد مبقتش عايزه اضيع وقت تاني ف علاقه مش ناجحه
اتكلم بتوهان كده وقال
=بعد ايه بعد كل الي عملته ليكي
استغربت وقالت
_عملتلي ايه معلش فهمني ؟!
قام وشوح بأيده وعلى صوته
=يعني ي هانم بعد ما حسنت مستواكي واديتك كل اهتمامي جايه دلوقتي وتقولي كده ليه آن شاء الله
_كلوا منك انا مقولتش كده غير من افعالك
=افعالي!! .. تمام هيا وصلت لنهايتها
قلع دبلته وقام مشي
مسكت الدبله رميتها ف الارض وسكتت لان اللي حصل ده الصح
فاقت من سرحانها "
هو ده الصح احنا مش هينفع نكمل فعلا قلوبنا مختلفه ف ما بالك بطباعنا !
اتصلت بيه تاني لحد ما رد
_الو
=الو ... خير؟
ابتسمت بسخريه وردت عليه
_كل خير فاضي امتا ؟
=عاوزه ايه يعني " قالها بزهق منها "
_تعالالي البيت بعد اذنك
=تمام جاي
قفلوا وهو ف باله انها جايباه عشان تصالحه يعني
جه وقعد
_بص ي احمد انا هخش ف الموضوع ع طول
=تمام اتكلمي
_احنا مش هينفع نكمل مع بعض !
=اتصدم وسكت .. ؟؟؟؟
=اعقلي واسكتي طيب
_منا هسكت بس بعد ده
قامت وراحت نحيت الترابيزه وقلعت الدبله وقالتله كلمه واحده بس عبرت عن كل الانهيارات الي فيها بسببه
_محتاوتنيش .'
=ممكن افهم اي العبط ده
_من غير شرح كتير " انت محسستنيش بأمانك متطمنتش بوجودك ومعرفتش تحتويني صح بالعكس كنت بتيجي عليا وتزعلني ومش بيهمك فا متلزمنيش ي أبن الحلال انا استاهل واحد يجري ورايا طول الوقت ولعلمك ده ميقللش من كرمته بالعكس ده يزيده شرف وقيمه ف عيني يجي يجري عليا لما ازعل منه ويصالحني حتي لو انا غلطانه .. وهو صح يفهمني غلطي بهدوء ورقى ميجيش عليا من الاخر "
فاكر لما غنيتلك اغنيه الاطفال وقولتلي بطلي شغل اطفال عارف انا كنت مستنيه اي ؟
اتكلمت بشهقات من كتر العياط وقالت
كنت بس مستنيه منك تمسك ايدي وتبوس كف ايدي من جوا وتغني معايا الاغنيه من غير م تتريق عليا كنت مستنيه احس بحنان يخليني عايزه انجز ف جوازنا عشان بس لما تعمل حاجه زي كده اترمي ف حضنك واتدلع عليك وانا عارفه انك فاهمني وعمرك ما تزعلني او تكسرني بأي تصرف زي الي حصل ده
وبعدين قامت ودخلت الاوضه
-انا سمعت كل حاجه يبني
=طنط انا .......
-متكملش بعد اذنك اطلع بره
بنتي عملت الصح
=طنط والله انا مظلوم هيا فهمتـ..
-قولت متكملش انت ملكش كلام معانا تاني مش عشان البت ابوها ميت يبقي ملهاش راجل فا تيجي عليها .. يلا برا
( قام مشي وهو كله ندم ع البني ادمه الي ضاعت من ايده جماعه الندم صعب اوي بلاش حد يعمل حاجه يندم عليها بعديين )
ف الاوضه......
ف بالها( يارب انا عملت الصح هون عليا بعده وابعده عني ووفقه ف حياته " اه بتدعيله مش معقول عشان سابته تدعي عليه ده مهما يكون انسان وحرام تدعي عليه " )
بعد ٣ شهور ......
اتخطبت لواحد كان زميلها ف الجامعه اكبر منها بسنه واحده
_عماااااااااار
~ايه يبت اي الصوت ده طرشتيني
_عمااااار
~خلاص خير عاوزه ايه
_غنيلي العنكبوت النونو
ابتسم بحب ومسك ايدها وبدأ يغني
~العنكبوت النونو .... خطفت قلبه العنكبوته
_من يومها جن جنونه
~وقلبه اتلغبط لغبوطه وهيصههههه
قعد يزغزها وهيا تضحك ومامتها واقفه بره وسامعه صوته وبتبتسم وتدعيلهم
_عمار
~قلبه وروحه
_انت عارف اني بحبك
~لا مش عارف
_طيب انا بحبك ي عَمار الروح وعَمار القلب وعَمار ما بعد هدم كل حياتي
~طيب بس عشان لو حضنتك دلوقتي امك تيجي تقول بس اقف عندك بتتحمرش بالبت عيني عينك
_ههههههههه يماماااا تعالي عمار عاوزه يتحمرش بياااا
......تمت ي حلوين❤️......
النصايح الي موجوده ف الاسكريبت ده مهمه جدا
اختاروا صح اختياركم متوقف ع حياتكم بعدين وحياة اولادكم يا تختاروا صح وحياتكم تبقي كلها موده وحب ورحمه يأما تختاروا غلط زي تجربه شروق كده لسه مخطوبه حتي متجوزتهوش وكان بيعاملها ازاي!! ما بالك ببعد الجواز وضغط الشغل والظروف الي اي زوجين بيتحطوا فيها!!؟ لازم نكون فاهمين بعض عشان نقدر نكمل طول العمر سوا والا هنبقي مع كل نفس مشكله وخناقه جديده
يارب تكونوا استفادتوا من التجربه دي وقدرت انصحكم نصيحه ف وقت صح ❤️
❤️
