الحياة في نظر طالب جامعي

الفصل الأول

أول يوم دراسي جديد

بداية عام دراسي جديد لجميع الفصول الدراسية وبداية جديدة كطالب جامعى.
فى وسط البلد الدنيا زحمة زحمة جدًا وكل الناس بتشترى حاجات الدراسة.

ياااه بقى كل الناس دى بتشترى! أيه عايزين تقنعونى أن الشنط أتبهدلت والزمزميات أتخرمت ده أنا من أولى ابتدائي لتالتة ثانوى وأنا بنفس اللنش بوكس والزمزامية ( بصراحة هما كانوا كيسة شفافة وورق جرنال بحط فيهم السندوتشات وإزازة بيبسي بحط فيها المياه وأحياناً عصير مانجا أو ملوخية ما تضرش بس ده قبل المقاطعة).

= ها هنروح على بتاع اللبس الأول ولا نروح للمكتبة نشترى الكشاكيل لعزة ؟

- لأ نروح لبتاع البالطوا الأول

= يا ماما نفسي حضرتك أنتى وبابا تقتنعوا إن الموضوع ده بعد الجامعة بكام أسبوع كدة وأحتمال كام شهر كمان. نجيب الأساسيات الاول وبعد كدة نشوف الرفاهية دى

* أنت بتقول لماما رفاهية طب ألبس بقى

- رفاهية! أنت بتقول على لبس الطبيب البالطواااا رفاهية ! ده البالطوا ده أهم حاجة ده أهم من الدكتور ذات نفسه. يالا

روحنا هناك عند الراجل اللى معرفش أسمه أيه بتاع البالطوا ده وكان جمبه بقى واحد بتاع شباشب وأم وبنتها بيشتروا من عنده شبشب. باين جدا أن الست دى زبونة لراجل ده:

- أيه أخبار التشكيلة عندكوا عاملة أيه السنادى أنا فى عرضك يا خويا عندى ٣ شهادات السنادى

_ فى تشكيلة جديدة يا أبلة بترقص العيل على سبعة ونصف هتجيب من الآخر

- والله يا أخويا ما بينفع معاهم حاجة ده أنا السنة إللى فاتت حدفت عمرو بالطاسة إللى بقلى فيها الزيت البجح قال لى مش وجعتنى على فكرة.
ليه كدة يا رب ليه ما أنا حدفته بالطاسة كذا مرة ليه مبقاش زى عتاب ويبقى عنده ذاكرة فوتوغرافية بس هنقول أيه طالعين أغبية زى أبوهم.

_ طب أيه رأيك فى دى حاجة المانى مدام صباح جارتك جابت ده والله أكبر بنتها دخلت هندسة

- عقبالك يا بنتى يا رب تجيبى أى حاجة إن شاءالله تكون معهد الإشراف على الكتاكيت وهى تبيض. وبعدين جامعتها دى خاصة

_ آه ما هى بنتها نجحت فى إنها تجيب مجموع كلية خاصة وبعدين مش عيب يكون ده أقصى طموحك

- ياخويا ده مش فالحة فى حاجة ده احنا مخلينها تخش ثانوى علشان يقول بنت زينب دخلت ثانوى أهو على الأقل تجيب عريس عليه القيمة ميبقاش تعليم وجواز بلا خيبة

_ عموما ده بقى صينى بس بيجيب من الآخر

- ماشي صينى صينى بكام بقى

_ ١٠٠ج

- كتير قوى ده حتى صينى

_ بصى يا أبلة الشبشب ده أيه؟

- صينى

_ أذكى طفل فى العالم

- صينى. أنا أشتريت مش خسارة فيك حاجة يا واد يا محمود

وأنتهى الحوار على هذا الحال وأكيد أكتشفنا أن العيال وراثين ذكائهم الخارق ده من مين
لأن:

أولا: الاحصائيات أثبتت أن توريث ما يصل إلى 40% فقط من ذكاء الأم والباقى يكتسب فالجينات المسؤولة عن الذكاء موجودة بكروموسوم "إكس".

ثانياً: لأن أذكى طفل فى العالم بتوع سنغافورا والصين بعدهم على طول.

* يالا يا سليمان نمشى مش عاجبنى التشكيلة بتاعته شكلهم وحش

_ شكلهم وحش أيه يا حبيبتي هما يليهم شكل أصلا كلهم زى بعض

* لأ لأ لأ مش داخلين دماغى أنا هفصلك عند عم أحمد و خلاص

_ تفصلى ! وهو البالطوا محتاج مقاس....

° خلاص يا سليمان خلى أم الدكتور تعمل إللى هى عايزاه

* أيوة بالضبط كدة يا عزة أنا هفصلوا

( أنا فى سرى ): بس أنا الدكتور !