حياة جديدة 🖤✨ ج (1)
"~~~~~~~~~~~~~~~~~~~~~~~~"
اغرقت عيناها من الدموع و أخذت تبكي اكثر عندما تذكرت كل شئ احزنها و لكن لم تعطي لعقلها فرصه للتفكير وقفت علي سور البناية و دموعها تزداد شيئا ف شئ ....
"""""""""""""""""""""""""""""""""""""""
نظرة علي ما مضي :-
ـــــــــــــــــــــــــــــــــــ
اخذت ترتشف سيجارتها بشراهة كبيرة و كأنها ظمأنه و بيدها كوب ماء ...
اخذت نفس اخر و اغمضت عينيها بإستمتاع وابتسمت بإتساع بعدم وعي ......
_"إحنا كدا هنمـ..وت يا أحمد.."
ابتسم هو الاخر بعدم وعي و هو يقول..
=" ما أنا عارف... بس هنمـ..وت و احنا مستمتعين علي الأقل يا رغد"
و فجأه تساقطت الدموع من عينيها و هي تقول..
_" يعني مش هنعيش سننا يا أحمد هنعيش و نمـ.وت كدا انا معرفش عن اهلي حاجه بقالي شهرين و بعدين دا مش حل؟.. "
ادمعت عينيه هو الاخر و كأنه يدرك ان النهاية قد اقتربت...
امسك يديها بإطمئنان ...
="متخافيش انا متأكد ان لسه لينا عمر "
_"احنا لازم نروح نتعالج يا احمد ... اكيد اهلنا عرفو بعد ما اختفينا اننا اختفينا عشان نرجع نشرب تاني و لازم نرجع لهم تاني.."
="نرجع لأي تاني يا رغد؟!. ابويا اللي كل ما نشتغل ياخد فلوسنا ... لا عارفين ندرس ولا عارفين نتجوز ولا نحوش حتي ... دا كويس اننا عرفنا نشيل قرشين علي جنب و جبنا الشقه دي ... بقولك اي انتي خرجتيني من المود انا نازل..."
_"متروحش لصحابك دول يا أحمد بتشرب عندهم كتير و ممكن تمـ.وت فيها ... بلاش يا احمد و كمان مش فاضل فلوس كتير "
اخذ المال الذي كان امامه بعدم اهتمام و هو يقول مزامنة مع فتحه الباب ...
="ابقي بيعي سلسلة ماما اللي معاكي لحد ما تلاقي شغل.. "
خرج و تركها ف المنزل بمفردها نظرت اثره بحزن و امسكت عقد والدتها المتوفاه الذي علي رقبتها و هي تكمل ارتشاف سيجارتها و فجأة قامت بإلقائها بعنف و هي تصرخ بتعب...
هي تعلم انها في طريقها للهلا.ك و لكن للأسف يعزيزي فـ عندما يصل المرء لمرحلة الإد.مان يكون من الصعب الرجوع عنه....
•
•
•
كانت ترتدي ملابسها السوداء و تضع قبعة سترتها علي رأسها و تدخن سيجارتها كالمعتاد بشراهه و هي تسير و بجانبها البحر وقفت امام البحر و هي تنظر بعدم مبالاة لنظرات الناس حولها منهم المشمئز و منهم المتعجب و منهم من ينظر لها بشفقه ...
و فجأه وجدت من يقف بجانبها و اردف بنبرة هادئة تبعتها تنهيدة طويلة....
="و اخرتها يا رغد؟!."
نظرت بجانبها سريعا و هي تعرف هذه النبرة احق المعرفة ... و لكن تصنعت اللامبالاة و هي تنظر امامها مجددا و تكمل شرب سيجارتها..
_"عرفت طريقي منين؟!. "
ابتسم بسخرية قائلا...
="اما كلمت احمد اخوكي كان سكران و قر بكل حاجه وقالي لو مليقتهاش ف البيت هتلاقيها ع البحر .. "
_"اي اللي جابك هنا يا سيف؟!. ... اي اللي جابك ورايا؟!. "
التف لها و و نظر لها بعينيها بقوة و عندها هي نظرت له بنفس القوة و لكن عندها اكتشفت انها لا زالت تحبه حاولت الإشاحه بنظرها للجهه الاخري و لكنه امسك يدها ليدورها له مجددا...
="ما تبصيلي ف عيني ... ولا خايفه تبصي عشان مترجعيش تحبيني تاني .... من اول ما عرفتك و انتي مبتعرفيش تبصي ف عيني و انتي عارفه انك عامله حاجه غلط.. "
قال جملته الاخيرة و هو يشير الي يدها الاخري التي تحمل السيجارة..
قامت بدفع يده بعنف و هي تصرخ بوجهه و دموعها تتسابق علي وجهها بشده...
_"ايوة مش عارفه ابص ف عينك عشان انا مستاهلش انك تحبني يا سيف .... سيبني يا سيف .... سيبني و كمل حياتك و سيبني انا كمان اكمل حياتي ... المرة دي مش زي المرة اللي فاتت يا سيف دا مستنقع انا وقعت فيه و شكلي مش هعرف اطلع منه تاني... "
القت سيجارتها و قامت بسحـ.قها بقدميها بعنف و تركته عائده الي منزلها...
و عندما وجدت اخيها بالداخل اندفعت نحوه بعنف و هي تدفعه في كتفه بعنف و لكن لأنه لم يكن بوعيه سقط سريعا...
_"انت قولت لـ سيف علي مكاني يا احمد؟!. قولتله علي مكاني!. "
صرخت به عاليا و لكنه كان بـعالم اخر نظر لها و هو منتشي و يبتسم عاليا بعدم وعي قائلا...
="و فيها اي يعني مش حبيبك؟!. "
نزلت لمستواه و هي تمسك تمسك سترته بقبضة يدها و ترفعه قليلا لها و هي تقول بإزدراء..
_"قولتلك مليون مرة انا مش عايزة اعرفه طريقي بس باينك مبتفهمش .... خليك كدا لحد ما هتيجي ف مرة من كتر الشرب هتمـو.ت "
تركته بعنـ.ف علي الارض مما ادي الي ارتطام رأسه ف الارض بقوة...
نظر في اثر اخته بحزن و اخذ يبكي بشده إلي ما وصل بهم الحال إليه...
