قيود النهشل (الاصلية)

Part 13

السلام عليكُم شلونكم؟
لا تنسون التصويت
و التعليق بين الفقرات
⭐️⭐️⭐️⭐️⭐️⭐️⭐️⭐️⭐️⭐️
#رواية_قيود_النهشل
#للكاتبة_يناير
—-–––––––––————————-

طب عليه مستغرب وضعي بس لا سأل ولا حچه
قطعت الصمت الي بيناتنا وگلت::-

-نـَـهشل آنــي حامل

صفن عليه وعيونه تلمع ركض عليه وكعد بصفي گال:
-صدك تحجين صمود لاتشاقين بداعتي عود صدك حامل يعني راح يجيني طفل؟

استغربت رد فعله كنت اتوقع يضوج او يكُلي نزلي بس صدمني الصراحه!

گلبت عيني وگلت:
-اي حامل وليش اشاقه واجذب عليك وانت منو حتى احلف بداعتك

لزم ايدي راد يبوسها بس سحبتها رأساً وگلت
-عوفني لا تلمسني ما اريد اتلوث بوصاختك

-عادي مقبوله منج ، كولي شمشتهيه تردين اجيبلج شي لا تستحين احجي

-ههههههههه واني مخبله اكل من فلوس حرام؟
اصلاً ما مشتهيه شي وهاي حركاتك وانقلابك كله علمود الطفل مو علمودي اكيد

-عندي فلوس مو مال حرام مال ورث ابويه هذا حلال تره وبعدين اني احبچ بس انتي دائماً تعصبيني

ضحكت ضحكه طويله بحيث دمعت:
-هههههههههه خوش نكته هاي حلوه بس بعد لتعيدها