السلام عليكم شلونكم
#رواية_قيود_النهشل
#للكاتبة_يناير
————————————
البَين يؤلمني والشوقُ يجرحني
والدار نازحةٌ و الشمل مُنشعبُ
كيف السبيل إلى ليلى وقد حُجبت
عهدي بها زمنًا ما دونها حُجُبُ
گاعده على سريري و شجن تفتر گبالي و تبني احلام
شـجــن: شوفي يعني إذا إذا اجانا ولد فَ اكيد راح اسمي على ذوقي ، اريد اسماء حديثة، شوفي يعجبني اسم ايليا صح مسيحي ومو حديث بس كلش حلو واذا بنيه فَ هو يسميها الله تخيلي يسميها على اسمي كلش احب هيچ
سكتت لثواني صفنت عليه بعدها نترت
شـجـن: مو جاي احاجيج شبيج ما تسمعيني
گاعده افكر بالبلوه الجديده الي وگعت على راسي وهاي تكلي ما تسمعيني صحيت على روحي بعيطة ثانيه منها
شوق: ها ها كملي جاي اسمع
شـجـن: وين شارد بالچ؟ المهم اسمعي و بعدين نسافر شهر عسل اريد اروح لماليزيا يكولون حلوه و هو اعرف بي يحب السفر .. تدرين اني عندي سجل كاتبة بي كلشي يحبه و كاتبه أحلامنا وكلشي يخصه بي اوگفي اراويجيا
طلعت من الغرفه مخبوصه و اني ميته قهر عليها لو تدري شصارله شنو ممكن تسوي؟ اكيد تنتحر اكيد بدون تفكير اصلاً.. حاضنه رجلي ومنزله راسي واهز بجسمي حايره شسوي بهاي الأثناء طبت شجن ترجف من الفرح و تبچي وهيه تقرالي
أنت تقرأ
قيود النهشل (الاصلية)
Misterio / Suspensoرمقت كل الگاعدين بنضره و حچيت بأنتصار صمــــود: اجه الوقت الي راح اخذ بي حق اهلي .. كل الي گاعدين هنا يطلعون من بيتي وفورًا قبل لا يحچون طلعت الهم ورقة البيت الي صار بأسمي صفنوا عليها مذهولين تقربت عليه ام جلال بحقد بهاي الاثناء سمعت..
