قيود النهشل (الاصلية)

Part 20

السلام عليكُم شلونكم؟
لا تنسون التصويت
و التعليق بين الفقرات
⭐️⭐️⭐️⭐️⭐️⭐️⭐️⭐️⭐️⭐️
#رواية_قيود_النهشل
#للكاتبة_يناير
—-––––––––––———————————-

أحِن واتذكّر السويتهَ ويايهَ
ما خَلاني ليلهَ
وچَي اكثر مكَان الحَاچي بي وَياك
گُمّت اكرهَها للغُرفةَ
وما مستوعبهَا هالحالة ..!
بسهولة تعوف هيِچ إنسان
چَنت انت الوَحيد العايش بباله!
وبس انت الوحيد الچنت
تتحَكّم بحاله ..
ما حَنيت ؟
شلون أيامي تنسَاهن؟
عيُونك من يُمرهن خَوف
مو چنت ابچي وياهِن !
التَفاصيل العشتها وياك ..
صعب يم غيرك الگَاهِن !..
ومِن سألوني عن أيامنا الحلوات
گلت الله على سنينك ..
وتَرهَ لَـمن رحت مَجبور!.
ما ردت اصغر بعينك..

ألنَهـــــــشــــــل
صعب انسى صمود گلبي ، او من المستحيل انساها!

امي من كلتلي على هاي البنية صديقة ألق ما ادري شصار بيه!

قبل چنت اخون بصمود وبالي مرتاح بس هسه كلشي اختلف احس بعدها وياي احس بروحها يمي احسب للشغلة الف حساب قبل لا اسويها

للحضات رجعت لواقعي بدون صمودي  .
صحتني امي من صفنتي وهيَّ تگول

-شوف ولك والحسين الشهيد اذا ما تزوجت هسه اتبرا منك وبعد لا اعرفك ولا تعرفني لشوكت تضل هيج عايش دور الضحيه ؟
البنيه متونسه وعايشه حياتها انت ضال تطحن بروحك گوه !..