لحظة ادراك

لحظه ادراك
احلى شيء بالصباح من يلاشي نومك صوت زقزقه هادئة ظاهره راحه نفسيه وباطنه تسبيح وحمد
بس بعد متتلاشه النومة وتصحصح بالعادة ارتب اساسيات اليوم ونبلش ننجز المهام شوي شوي ونشطب من اللائحة المهام اليومية ونشوف الجاي شنو
هاي بالعادة بينما اليوم مكتئبة وماعندي طاقه ابلش بيه يومي ولا اعرف يومي اشضاملي اهم شيء استنتجت زوجي مموجود مدام الهدوء سيد المكان يعني بس اني وملاكي بالبيت بعد تنهيد وملل اخذت جهازي فتحته جانت ساعه ب9 الصبح دخلت ع مواقع التواصل اسخت اشوي واصلا راسي مصدع وكلش شاغل بالي ايامي الي جاي تحترك كدامي واني ابعز شبابي وحياتي وحياة بنتي يوم عن يوم جاي تسوء لازم الكي حل وسبحان الله كل المنشورات الطلعة ابوجهي اتكول الحياة تنعاش مره حرام انعيشه ونضيع ايامنه واحنه مكسورين الله خلقنه احرار نقبل بالقيود ليش.؟؟

ليش اودع ايام واستقبل ايام واني عمر فات مني مفاهمة منه شيء طيب اجامل بحياتي ولنفترض حريه شخصيه بنتي شنو ذنبه.؟؟ تتحمل ثمن اخطائي ليش.؟؟؟

اكثر منشورات انطتني جرئه وشجعتني حتى اجراء وبلحظه حماس مليانه بالخوف والتردد والقلق والتفكير دخلت ع كروب تجمع نسوي دخلت وفجئه احس اصابيعي وحده كتبت قصتي.. من اول لحضه وعيت بيه ع الدنيا للثانية الجاي اكتب بيه شنو صار وياي او حتى الافكار البالي شنو

ومن بين كل هل ذكريات والمشاعر وكميه الالم والماسات والخوف والتردد المحتلتني والصراع النفسي العايشة بي كلشي ابداخلي مقسوم نصين نص مؤيد نص معرض الشيطان البداخلي ايكلي يلا سوية وتحرري والملائكة البداخلي متردد لا لتسويه انتِ اوعى من هيج منشور اجلي الموضوع اكثر.. مو وكته هسه وبدون وعي انهاريت وكمت ابجي ابكل طاقتي كلش اختنكت وحسيت احساس غريب ايكلي خلص لو هسه اتنشرين وتتحررين وتخلين النقط ع الحروف لو للابد اتعيشين ذليله وبلا حول ولا قوه مو كل يوم تأجلين لازم تواجهين لمنتظرته شنو..؟؟؟

التأجيل مجرد عذاب نفسي وجسدي ع الفاضي..

كافي تردد كافي خوف كافي صبر كافي اللم ودموع وجع نفسي وجسدي

الكاتبة:هدئ الفتلاوي
انستا:  @had0osha_ah