وحسيت حرفيا شيء مو طبيعي
حسيت بحساس غريب كأنما ايكلي يلا براءه روحي حرري نفسج وبنتج من كل القيود بس الخوف والتوتر رجعن سيطرا اعليه وتلاشت الافكار من راسي ورحت كملت شغلي خلصت جزء من شغلي وروتيني اليومي ورحت ،ابريك سريع، للجهاز كلت خل اشوف المنشور جنت مفكره اذا محد شايفه ممكن احذفه خلص التوتر والخوف كلش مسيطرات عليه .. المهم رحت فتحت المنشور وشفت ع المنشور الي مصارله بس ساعتين اكثر من الفين تعليق الرقم ارعبني بالبداية خفت بس جرئت نفسي ورحت قريت التعليقات كالهن وجان الكل متفق انو اعوفه واشوف حياتي ونفسي وبنتي لان الحياة وياا حرفيا موت خيالي
بصراحه كلش تشجعت ودخلت الكذا وحده كاتبه انو هيج وضعه مقارب الوضعي وهسه حياته افضل مليون مره تواصلت وياهن على الخاص وشجعني كلش ونصحوني اهواي ...
اكثر شيء جان مرددني ومخليني اخاف من هل خطوه انو بعد الطلاق اشمنتضرني ؟؟ وين اروح ؟؟ الاهلي..!
ابوي نفس زوجي ومراح اتحرر بالعكس راح ياذيني اكثر كوني مطلقه وصغيره وعندي طفله.. لا مستحيل هذه مو حل لازم الكي حل اخلص بي من كل القيود واتحرر من زوجي وابوي.. بس شنوه..؟ مااا اعرف.! الشي الوحيد الي جان ايخليني ااجل الموضوع هل سؤال المعندي جواب اله
المهم رحت اكمل شغلي واحاول افكر بحل وعدت الساعات واجه زوجي ونفس الحياة المزريه.. ايام اتعيد نفسه وصلت الدرجة اقرف منه وحتى صوته يزعجني... بس ماعندي حل مرت الايام و الوضعية اتعيد نفسه ما يقارب الشهر الصبح نايمه دك جهازي رفعت الخط زوجي جان ايكلي كومي روحي الأهلج ابوج مات... حرفيا بهل اسلوب.. ابوج مات..
من بشاعة الموقف وقسوة الاسلوب حسيت الكلمة ضلت اترن براسي الى الان
" ابوج مات..ابوج مات..ابوج مات.. "
اخذت بنتي ورحت الاهلي ضليت يمهم اسبوع ما عرف ليش احس وفات والدي كلش شجعتني ع خطوه الانفصال بعد الاسبوع رجعت البيتي واني مصره احاجي ابهل موضوع جمعت كل قواي وبنفس الاسبوع الي رجعت بي اجرئت وكتله ابكل هدوء
- اريد ننفصل وكل واحد ايعيش حياته..!
جان رده اسواء شيء شفته بحياتي رد اعليه
الكاتبة:هدئ الفتلاوي
انستا: @had0osha_ah
أنت تقرأ
لحظة ادراك
Krótkie Opowiadaniaهل قصه هي نبذه عن قوه المرأه.. الي المجتمع يحاول يجاهله ويقنع نفسه انو تنكسر بدون الرجل وان الرجل سند المرئه الأول والأخير وبدونه تضيع هل قصه اكبر دليل انو المرئه كائن مستقل قوي بذاته ويسند مو ينسند
