وبين كل هل صراع والحرب النفسية الداخلة بيه والمشاعر والافكار فجئه انفتحت باب غرفتي رفعت راسي اشوف عيون صغيره اتفتش ابخوف بأرجاء المكان عن متهم بريء بنضر المجتمع والعائلة عن قاتل بلا دليل عن مجرم بلا جريمة.. بالعكس عد المجتمع هذه قدوه ومثل اعلئ بالشهامة والقوه... عدهم هذه رجال..!
حسيت بنضرات الخوف البعيون بنتي الي كلش تشبهني وذكرني بنفسي وحياتي وعذاب ابويه... مسويت شيء اكثر من نظرت امان..
ابكل بساطه نضره معناه مموجود الوحش تعالي الحضني.. حسيت جنت كلش مختنكه حضنته من كلبي بدون وعي كل قوتي حضنته وكأنما اتمنئ لوعندي القدرة ال احضنه الدرجة نلتصق ابعض وانصير جسد واحد ابروحين واحميه من كلشي بالدنيا أبوه وكل العالم..
هذي روحي من الدنيا هذي ملاكي البريء
وبين كل امنيات والافكار اتخلل راسي صوت بريء..وعاني ع زماني صوته الهادئ
- اااااااخ ماما ع كيفج جسمي يوجعني
بدون وعي نزعته ملابسه وضليت صافنه ع الاثار البجسمهه اريد مكان مآبي اثر ماكو.. اثار التعذيب ابكل مكان وهيه طفله كل عمره 7سنوات
بدون وعي ولا ادراك وحرفيا اضلمت الدنيا ابعيني كبل سويت تعديل بسيط ونطيت نشر وعفت الجهاز وكمت اريد اي طريقه.. اي حل.. اخفف الوجع عنه اقلل عليه اللم طفله ماله ذنب سبحته وريكته وأنطيته علاج
ردت اشوي اغير جو الكئابة العايشة بي وقررت اشغل اغاني واشتغل فتحت اليوتيوب اول اغنيه طلعت اكبالي " الى هنا " حسيت محتاجه اسمعه شغلته ورحت اشتغل حاسة بكل كلمه بهل اغنيه وحيل تعنيلي .. ومحتاجه اكول خلص الى هنا وتنتهي عشرتكم الموحلوه بس ما عندي الجرئه الكافية..
والغريب بالموضوع الأغنية الي اشتغلت وراه اغنيه بلقيس فتحي " انتهئ " حسيت شعور غريب وكأنما رساله من القدر ضليت افكر بالموضوع الى ان خلصت الأغنية.. واني ع نفس الصراع البداخلي
واشتغلت وراه اغنيه " لسا في الايام امل مستنينا "
بشاعة منضر بنتي الكدامي ولطافه الكلمات والحنيه البصوت شيرين خلاني افكر ابجديه 10 اضعاف جديه قبل ...
الكاتبة:هدئ الفتلاوي
انستا: @had0osha_ah
أنت تقرأ
لحظة ادراك
Short Storyهل قصه هي نبذه عن قوه المرأه.. الي المجتمع يحاول يجاهله ويقنع نفسه انو تنكسر بدون الرجل وان الرجل سند المرئه الأول والأخير وبدونه تضيع هل قصه اكبر دليل انو المرئه كائن مستقل قوي بذاته ويسند مو ينسند
