☠️قــبـــاض الــرواح☠️
🔥حــر الـجـمـرة تـحـرق مـولاهـا لـي زنـدها🔥
🐺البــارت 1🐺
كوخ وسط الغابة معزول على البشرية وصعيب توصل ليه لماكنتيش عارف فين جا…
على برى كيهرس فالخشب ضربة وحدة كيتقسم على جوج ..فكل ضربة كيتنشنجو عضلاتوو ويترخاو …بنية جسمية ضخمة الطول والعرض جثة ديال غول ولا وحش تقول من العصور لقدام وهو راه من عصرنا هدا..مطول شعرو جامعو اللور لحية على وجهو زادتو هيبة وغموض نضرات حادين كيزرعو الخوف الهدوء ديالو والصمت ديالو عالم اخور ..
سالة اخر قطعة مع الصوت الهليكوبتر لي سمع صوتها قربات للكوخ واتنزل هز راسو كيشوفها فالسما وسط الشجر لي واصلين تا للقمة والريح ديال المروحية كيحركهم خربق المنضر ومشا داك الهدوء والسكينة لي كان فالغابة …رما داك الشاقور لبعيد وتم داخل للكوخ مامسوقش …
نزلو من داك الهليكوبتر وفيديهم واحد كيغوت مغمضين ليه عينيه كلهم لابسين الكحل ماحنوش فيه وهوما جايبينو للمو..ت برجليه
دخلوه للكوخ لكبير متاهة فيه …
كان فالكوزينة كيقاد فقهوتو على صوت لغوات ديال الراجل ماعارفش فين جايبينو
واحد من الرجال:قبااض الرواح..هاهو حي صدق من المخابرات محشي وصطنا …مافيه تا خبشة باقي صحيح فصيح محتاجين للقلب ديالو وعينيه هاد النهار..وكاينة جثة خرا شوية وتوصل دوبها مايبقاش ليها الاثار حيت البوليس قالبين الدنيا على مولاها ..المهم هاهوما جوج كسدات عندك اليوم
هو كيجغم من قهوتو ويتصنت ليه ..اما الراجل الحي غير سمع هاد لكلام بغة يتصطا بدا كيغوت عقلو ايخرج وقلبو ايوقف بالخوف:لا لا ماديروش فيا هكاا صافي انا وليت واحد منكم والله ما نغدركم ولا نوصل داكشي لي شفت عطيوني فررصة انا مزااااااوك نولي كلب ديالكم لا بغيتو
كان مربوط ومافيديه حيلة…خلاوه مرمي تماك وخرجو عندهم ما يتقدااا
جلس فوق واحد الكرسي كيشرب من قهوتو ويشوف فالراجل كيف مرمي فالارض وكيبكي ويغوت …سالة قهوتو وناض دخل لبس عليه لباس خاص بهدشي ليكات فيديه لكمامة على وجهو …كلو تقريبا مغلف..ورجع خرج لعند الراجل لقاه كيحاول يفك يديه وكيفركل فالارض ..تحنا جرو بحال شي حولي وهزو على دراعو بحال شي خنشة ديال السيما ما حاسش بتقلو مع العلم تا هاد الراجل وزنو زايد وبنية قوية…دفع واحد الحيط سري ودخل بيه للداخل وتسد داك الحيط ..هاد الحيط عازل للاصوات والروائح واي تسريبات…من مور الحيط كاينة غرفة بحال شي مجزرة طبية..معدات وآلات ..فران ..جميع انواع السكاكين ..برودويات كيماوية خاصة بالدوبان كل حاجة ولاش صالحة..معقمات..تلاجات ..عالم اخور…
حطو فوق واحد الكرسي وحيد ليه الغطا على عينيه ..
الراجل عينيه حومر بلبكا:عفاك رحمني وخليني نمشي والله ما نهضر وعمرك تشوف وجهي
ميل راسو كيشوف فلون عينيه لازرق فاتح لحية خفيفة ملامح معقودين بالخوف..مامسوقش للترجي ديالو ..بالنسبة ليت هدا اسهل ضحية ومجرد بريكول خفيف..سكاناه بعينيه كيقاد الخطة فراسو منين ايبداه ومنين ايساليه خدا الورقة لي جابو ليه التحاليل ديالو كلشي اجابي…يعني كاع الاعضاء ديالو صالحين
سمع واحد الطليفون كيصوني جاوب على الخط بلا تا كلمة:الجثة وصلات ..بغينا القلب دابة نديوه معانا
قطع عليه وشاف فالراجل كيهز راسو بلا …قرب وهزو تاني نيشان فوق واحد البياص وفيديه واحد الموص ماكايفارقوش.. وهز واحد الشوكة كيقادها بين صبعانو بهدوء …شوية تسمعات اخر غوتة ليه ودقايق تقطع ليه الحس …
دقايق وكان القلب ديالو بين يديه دارو فتلاجة صغيرة معقمة وسدها وخرج عندهم ومدها ليهم خداوها داك الساع باش يمشيو بيها فالهليكوبتر
حتى نطق واحد فيهم:غادي تعيط ليك جاوبها عندها ليك هدية كيف واعداتك
شاف فيه نضرات خلاو قلبو يمشي ويجي حنا راسو وخرج يزعمو على كلشي الا عليه هو مامعاهش اللعب
جر داك الجثة لي جابو ورجع فين كان كيكمل خدمتو… بصمت…..
دازو ساعات كان سالة ونضف كلشي..لي دوبو راه داب وما بقاش ليه الاثار والاعضاء لي خاصهم التلاجة راهم فالثلاجة علامن يجيو موراهم…حيد داك اللبسة كاملة تاهي دوبها ..عندو منها بزاف..خرج من داك لبلاصة كيتفقد الكوخ وكيحيد اي حاجة مشبوهة ورجع كل حاجة لبلاصتها وطلع للفوق ..للدوش وقف تحتو ما بارد بحال هاد الجو البارد ..عكس داك البركان لي شاعل فلداخل ديالو هدي سنين…سلا الدوش ولبس عليه مخلي صدرو عاري وهبط للتحت شعل لعافية فالتدفئة لي عندو وجلس من بعد ما هز كتاب كيقراه والنضرات الطبية على عينيه ماتقولش هو داك قباض الرواح لي ما فقلبوش ولو درة رحمة ولي عاد كان كيزهق روح انسان عيا يترجاه…دقايق وجاو تاني مور دوك الاعضاء
صونا ليه الطليفون هاد الطليفون خاص بيهم مصنوع خصيصا ليه باش يبقة على تواصل مع هاد المنضمة كان جهاز كيستقبل لاتصالات والفيديوات من الارقام لي محددين هوما فقط مافيه لا انترنت لا تطبيقات…
حط لكتاب وفتح الخط بلا تا كلمة حتى سمع:كيف واعدتك انخليك تشوف ختك
ومك
#يتبع كي جاكم #قباط_الرواح🩸مازال ماشتو والو🔥
أنت تقرأ
قباط الرواح ☠️🩸
Actionهـــديــة الـصيـف..مني ليكم انا ندى علامي ❤️ 🩸..☠️قـــــــــــبـــــــاط الـــــــــــرواح☠️..🩸 👑حـصريا عـلـى صــديـقـات الـعـمـر👑 من رجل قانون ..لرجل قتـ ال وقباط الرواح..من رجل حقاني وقاهر المجرمين والقتـ الة..لرجل ضالم ومجرم قهار وحكار ..من ر...
