"سُــر دَلـــهـــم"
﴿الكاتبة::- مــيــم الأكبر✨🤎﴾
«الـفـصــل_الـثـالـث»
══━━━━✥✨✥━━━━══
دُلـهـم....
بقيت ساكته ما حجيت شي ، ردت أدخل للبيت
استوقفني كلامة..
::- سمعتي شنو گتلچ؟!!
::- شنو گلت؟
::- مثل ما گتلچ لا تصيرين طرشة
باوعتله بسخرية عفته ودخلت للبيت بقيت بالمطبخ
كلها نايمه محد بالبيت ، بعد نصف ساعة ويأذن الفجر
يكعدون لصلاه الفجر بقيت افتر ما عندي شي أسوي
سألت نفسي ليش الحجي ما كال عندي ولد ثاني ؟؟!!
وخالة سمية هم ما كالت معقولة ما يردونه..
كنت أتساءل بيني وبين نفسي ما أحس إلا وجدان كدامي واكفه
شبيچ فززتيني!
وجدان::- شعندچ كاعده ؟؟
::- اخوچ كعدني.
جاوبتني بصدمه::- شنوو ؟! محمد كعدچ؟!
ليش شيريد ؟!!!
باوعتلها بملل واردفت::- لأ مو محمد واحد ثاني ما اعرف إسمه چنت نايمه وكعدت على حركه بالغرفه فتحت عيوني لكيت واحد واكف باب الغرفة ، من شافني سحبني حيل من أيدي وشمرني بالحديقة
وكال وصلي للحجي رجع ابنك شد راسك يافروسي....
اردفت بفرحه::- ياييييي أبو دَجـى رجع أروح أشوفه.
_ راحت تمشي بحماس وصلت لباب مطبخ ورجعت
هاا شو رجعتي؟!
_ أكيد نام هسه باجر أشوفه ، وأنتي تعالي نامي يم جــوري.
ابتسمت مجاملة إلها::- لأ ما بقى شي ويكعدون لصلاه وهم احضر الفطور ألهم.
أنتي روحي نامي وراچ دراسة
::- جؤ جؤ ما أروح ، ما أنام هسه إلا أصلي يلا أنام
ومن اكعد أقرأ ولا يهمچ.
سحبت كرسي وكعدت ، عبالي تروح لأن ما اطيقها
لا هي ولا أخوها محمد نوب هذا طلعلي صفح
أحسها كاشفتني مرات ، لأن ما تثق بيه عكس أمها وأختها وأبوها ، لحد الان ما شايفه غرفتها وما تقبل انظفها أو ألمس غرض من أغراضها....
دائما أشوفها تحجي ويه محمد ومن يشوفوني يسكتون لو يسون نفسهم يقرون
چنت صافنه عليها واحجي بگلبي ، فزيت من صفتني على صوت جامع...
شوي وكامت تتوضى ، راحت لصاله تصلي ، كمت احضر ريوگ ألهم.
حضرته وخلصت خليته ألهم ، نزلت جـوري و مـحمد
وجدان وأمها اجو
أنت تقرأ
سُــر دلهم
General Fictionمن انـتِ؟؟؟ _أنا التي لا تعرف من هي ، التي عاشت في المـلاهي وأماكن جبرت على العيش بها مـن رُميـت على قارعة طـريق و انتـشلتها ايـادي البغـي و الانحـراف اكـلت حتى شبعـت مـن ارغفة الخبز المحـرمة غُمـست بعـالم يسـوده اشبـاه الرجـال و ارخـص النساء ان...
