سُــر دُلهم

بارت سادس

سُــــر دُلـــهـــم

﴿الكاتبة::- مــيــمــي✍️✨﴾

الــفـصـل الـسادس

🎀🎀✨🎀🎀

﴿من بارت السابق ﴾

::- شكيت اكو شي والرسائل مو مال كروب ، صار عندي فضول أعرف شنو ، بلكت اكدر الزم شي عليها.

..........

ااخخ لو الكاچن كسرتن ضهري
وگلبي وخليتن يسوه وما يسوه يضحك علي ويشمت.

خليت كوب على سنگ وطفيت الاضوية وطلعت

لغرفتي أنام.

.........

وجدان:- من صعدت دكيت الباب ما سمعت جواب عرفتها نايمه..

عفتها ورحت لغرفتي.. طلعت ملابس ، بدلت وشمرت نفسي على چربايه ونمت بكد ما تعبت اليوم...

هستوني غفيت وفزيت على صوت تليفون

استغربت محمد متصل بوقت متأخر...

جاوبت::- هاا محمد صاير شي ؟؟؟

🎀🎀✨🎀🎀

صعدت لغرفة واغراضي بيدي حاولت أخذ تليفون ما كدرت دخلت لغرفه خليت الأغراض بالارضية وبقيت افتر بالغرفة وادي ثنينهن على خصري وأروح وأرجع
آخر شي تعبت كعدت على جرباية وسحبت جنطة ملابس..

صفتهن بالكنتور ورتبت عطوري واغراضي باوعت على غرفه وضحكت بغصه..

::- ههههه أييي يا دلهم وأخيراً غرفة لـ وحدچ
ومكان نظيف وحلال.

اتذكرت باكيت جكاير لـ أخذته من محمد باقي بي ثنين فتحت سحاب الصغير يصير بيسار جنطة لكيته
دورت على گداحة (چداحة) ما لكيت..

:- اوووفف هسه شينزلني لمطبخ نوب شبعده
كمت وإني مزعوجة ، فتحت باب غرفة على كيف
ونزلت بهدوء

كلها نايمة ماكو صوت ، شغلت اضوية مطبخ
أخذت چداحة ألتفت أريد أطلع وكمزت من شفتها كبالي.

هـ.... اايي انتي خالة؟؟!!! كمزتيني.

:- كعدت عطشانة ومَــي مخلص العدنه بالغرفة أجيت أخذ ، أنتي ليش كاعده بهذا الوقت؟؟!!!
وشنو بيدچ ضامته؟؟؟!!!!!

اردفت وإني أحاول أخفي توتر::- أي... أي هاي ماكو شي جداحة اريد أحمي الچاي لأن راسي يوجعني.