ياعذبة الحسن رفقآ....

ياعذبه الحسن رفقآ....

التعريف
الجد /صالح/متشدد مره وعصبي وكلمته تمشي على الكبير والصغير /عمره٧٧سنه
الجده/النايفه/حنونه بشكل ماتتصورونه نقطه ضعفها احفادها/عمرها٧١سنه
اكبر عيال صالح/نايف/شديد مثل ابوه /بس فيه حنيه خفيفه/عمره٤٩/يعيش بالديره /همه رضى ابوه وامه وبس/عنده ٣عيال
زوجته/مزنه/لطيفه مرههه/تحب شي اسمه الديره/عمرها٤٥
ثاني عيال صالح/فالح/حنين بس عصبي/يعيش بالديره/عمره٤٨
زوجته/مرزوقه/كريه بس بنفس الوقت طيوبه/عمرها٤٤ /عندها٢بنات
ثلاث عيال صالح/منى /طيوبه مره/تعيش بالدمام مع زوجها وعيالها /كل اجازه تجي لديره /عمرها٤٤
رابع عيال صالح/عبدالله/حنون  ومتفتح/يعيش برياض ومايجي لديره واذا راح لديره يجي لوحده بسبب شغله/عمره٤٦
زوجته/لطيفه/اسم على مسمى /عمرها٤٠
خامس عيال صالح/بدور/حنونه على الكل /عايشه برياض مع زوجها واولادها/عمرها٤٠
سادس عيال صالح/بدر/خثيث والكل مايطيقه بس يحبونه/يعيش بالخبر مع زوجته وبنته وولده /عمره٤٧
زوجته/خوله/كريههه مره/عمرها٤٦
سابع عيال صالح/متعب /حنونن مره  يعيش مع زوجته بجده\عمره٢٩
ثامن عيال صالح واصغرهم /هند/تجنن بشكله وملسونه/عمرها٢٦
................................................................................
تعريف عن احفاد صالح
محمد بن فالح/ عيونه حاده  وجميل/عنيد وثقيل/صديق فيصل اقرب واحد له/عمره١٩
البطل/فيصل بن نايف/بارد برود الارض وثقيل وقاسي /اقرب واحد له محمد/عمره١٩
حمد ولد منى/خفيف دم بس اذا حقد على احد يويله/عمره١٩
نواهل بنت نايف/جماله يسحر/لطيفه بشكل كبيروعنيده وملسونه/عمرها١٨
ندى بنت منى/جميله /ماتحب الغلط ومثقفه ملسونه/عمرها ١٨
البطله/ميان بنت عبدالله/ملسونه جميله بشكل مو طبيعي والكل يناديها ام العيون الوساع بسبب جمال عيونها/عمرها١٨
الباقين بنتعرف عليهم بالاجزاء الجايه بأذن الله 🩶...

..........................................
في بيت عبدالله ابو ميان
عبدالله:ابشر يا يبه
لطيفه:خير ان شاءالله  وش فيه
عبدالله ابتسم:يبه مسوي عزيمه عازم الديره كلها  وبنجلس للعيد
لطيفه بفرح:الله يبشرك بالخير
عبدالله:اجل قومي بنتك وجهزو اغراضكم نبي نوصل بدري
لطيفه:ابشر
اما عند ميان يلي بسابع نومه صحت على دق الباب
ميان بنعاس:مين
لطيفه:امك امك افتحي
ميان:هلا
لطيفه بابتسامه:جهزي شنطتك واغراضك
ميان باستغراب:وليه عسى خير
لطيفه: عند جدك عزيمه وكبير وابوك يقول بنجلس للعيد
ميان بتاففف:يليل مابي اروح هناك
لطيفه باستغراب:وليه ان شاءالله
ميان:والله مثل ما انتِ خابره ماني طايقه المخيسه ابتهال 
لطيفه:شعليك منها جهزي اغراضك اخلصي ابوك مستعجل وبعدين ترا كبرت اكيد عقلت وذا كله من وانتم صغار وانتِ من صار عمرك ١٨مرحتي لديره
وفعلا راحت ميان تجهز اغراضها وامها اتجهت لغرفتها
خلصو بعد ساعه من التجهيز
عبدالله:يلا ياميان وانا ابوك يلا البسي نقابك بسرعه ومشينا
ميان:هاذا انا خلصت
واتجهو لديره بأمان الله وكانت الديره تبعد عن الرياض٨ساعات
(((في الديره)))
وصل عبدالله لديره والكل يستقبله بحب ويسلم عليه وتناثرت الكلمات (حياك الله ،الحمدلله على السلامة ،تو مانورت الديره)
اما ميان يلي كانت تناظر ومستغربه كل شي بالديره بسبب انها ماجات لها من زمان  وهي تناظر ثبتت عينها على ولد كان عريض وطويل وكان جميل ماهتمت ورجعت تناظر الديره
((ببيت الجد صالح))
وصلو للبيت وميان مذهوله من عدد عيال عمامها الكبير وبنص ماهي  تناظر جات عينها بعين الولد يلي شافته  وكانت نظراته حاده وتخرع وتلفت الانتباه وكانت تناظر كيف حاط  غترته على كتفه  وكان بنظرها طعس  نزلت وهي تدخل
اما فيصل لفتت انتباهه العيون الوساع كانت عسليه فاتحه ورموش كثيفه بس شال نظره وراح يسلم على عمه اما ميان جوا البنات الصغار يسلمون عليها البنات الصغار ومسكت وحده فيهم من فضولها وقالت:ياحلوه ذا مين
البنت :ذا فيصل
ميان ماعرفته ابد وقالت:اها تمام شكرا
واتجهت ميان للبيت بس مسكها ابوها وهو يوريها عمامها وكانو كلهم 
مبهورين من جمال عيونها
اما حمد الخفيف همس بأذن فيصل:اذا هاذا جمالها بالنقاب كيف بدونه
هبده فيصل بقوه وكلهم لفو عليهم وميان يلي كانت بتفطس ضحك لاكن مسكت نفسها
نايف:الله يحفظها لك يعبدالله
عبدالله:الله يسلمك ي عضيدي
وراحت ميان وهي تناظر البيت كيف انه  شعبي وحلو اما حمد يلي بعد هبدت فيصل جاه تبلد
وفيصل اتجه لباب المطبخ الخلفي وهو ينادي:يا نواهل
نواهل:سم
فيصل:صلحي قهوه عمي عبدالله جاء
نواهل :ابشر 
صلحت نواهل القهوه واعطتها فيصل بسرعه وركضت لميان يلي اخر مره تقابلو فيها وهم بعمر١٠سنين
كانت ميان تتلفت ماتعر من نواهل من ندى ركضت نواهل من المطبخ:مياننن
انفجعت ميان وضحكت:عاد من الصرخه عرفت انك نواهل
نواهل بمزح:اهبي نسيتيني
ميان:انت لاصقه براسي وشلون انساك
نواهل:يابعدي والله امشي امشي لندى
اتجهو ميان ونواهل يلي بتطير فرح بميان لغرفتهم يصحون ندى
ركضو لها وهم يصحونها
ندى بفجعه:اعوذ بالله  هااااه ميانننن
ميان بضحك:اي ميان اي
ندى حضنتها بقوه  وبدات فقره سوالف البنات ويقولون وش صار وايش ماصار
نواهل:يابنات انتم  دريتو وش صار على ابتهال
البنات :وش صار
نواهل: تخيلو انها تحبك اخوي فيصل
البنات :وفيصل يدري
نواهل :لا انا سمعتها مع الشينه راما
وبنص السوالف نامو البنات
..................................
عند العيال
حمد:ابك شوف يا محمد هبدت المخيس فيصل علمت علي
محمد:ههههه لا لا معليك
فيصل:تستاهل ماجاك اقولك اثقل يارجال اثقل ماتفهم
حمد:ابشر ابشر
محمد غمز لحمد وقال:عاد شفناك يافيصل وانت تناظرواضح عجبتك
وطبعا فيصل انسان بعيد عن الحببب مره وبنسبه له شي تافهه
لحقهم فيصل وجلسو يتضاربون وقطع عليهم صراخ جدهم :عمى انت وياهه شبلاكم  تتضاربون هاه بزارين انتم
حمد:نمزح الله يطول بعمرك
الجد صالح:اقول قم انت وياه جيبو الشاهي والقهوه
وراحو العيال وهم ميتين ضحك
اما بالمطبخ كانو موجودين نواهل وميان وندى وجالسات يتقهون ويضحكون  وقطع ضحكهم دخول العيال وانخرشو البنات وخرجو
والعيال يلي جاهم تبلد بس دخلو اخذو القهوه وصلو للمجلس وهم في حاله صمت من يلي شافوه ومن حظ البنات ان العيال ما انتبهو  لوجيههم بس شعورهم والبنات من الصدمه  يناظرون وجوههم  حمر من الخرشه
نواهل ببكوه:بنات شفتم وش صار ذا من حظنا النحس
البنات ضحكو عليها
ميان:يلا عوافي اهم شي ما انتبهو لوجيهنا
ندى بضحك:تصير تصير
تدخلت راما (بنت وحده من عماتهم)ا:شعندك انتِ وياها تتهامسون هاه
البنات:شدخلك
تفشلت راما وراحت وهي تشمق
اما البنات يلي جلسو يضحكون عليها وراحو لغرفتهم
عند العيال بالمقلط
حمد: يليل وش ذا الطفش
فيصل:اي بالله انه طفش
نقز محمد من مكان:تبون الطفش يروح
العيال:ايه
محمد بضحكه خبث:مالنا الا نروح نقث ابو مسفر
فيصل:احلا شي قلته
حمد: مشينا ياشباب
طبعا الشباب يكرهون ابو مسفر مره بسبب انه انسان يحب النفاق ولا احد يطيغه بالديره نهائيًا وهو كذالك يكره كل الديره وبالاخص فيصل وحمد ومحمد يكرههم كره العمى
فيصل بضحك:مساك الله بالخير يابو سفوري
ابومسفر:الله لا يمسيك بالخير لانت ولا يلي معك
محمد:افا علامك علينا ولا بعد يلي صار  قبل اسبوع مأثر فيك للحين
ابو مسفر:وشهو يلي صار قبل اسبوع 
حمد:يوم شيبان الديره طردوك
ابو مسفر:تخسي انت وياهم
فيصل وهو يناظر بخبث:ابك ذيك مو ام مسفر تأشر لنا 
ناظر ابو مسفر وهو مخروش:الا ياعيال الكلب
وركض وراء العيال والعيال ميتين ضحك طاح ابومسفر وهنا العيال فطسو ضحك وانفجعو من صراخ جدهم :وش اقول انااا الى متى وانا اقولكم اتركوه بحاله
انحاشو العيال للمقلط ومسوين  انهم ماسوا شي
..................................
عند البنات
جات عمتهم زوجه عمهم نايف وهي تنادي:يابنات قوموا  يلا ورانا تنظيف
نواهل:يمه تنظيف لمين
ام فيصل:وش لمين الله يهديك جدك مسوي عزيمه كبيره بمناسبه جيت عمك
ميان قامت وقالت:والله مالها داعي الكلافه
نواهل بضحك:خفي علينا يشيخه انتِ لو احد تبرعلك بريالين تحسسيني مليون ريال
ميان:اخخ  منك ينواهل
طلعت ام فيصل وهي تضحك وتقول:يلا يابنات مافيه وقت
صحوا البنات ندى يلي لو يحطون سماعه عند اذنها ماصحت
ندى:عسى ماشر
ميان :لا لا مو شر خير
نواهل:انتِ علامك كل ماقلنا شي قلتي عسى ماشر
ميان:متعوده عليه
صفقتها ندى على كتفها طلع البنات واكثر شي كرهوه انهم ينضفون مجلس الرجال
نواهل:مالقيتم الا المجلس لنااا وليه حنا خصيصآ
ام فيصل :يابنت اص حنا اخر اليل جدك نايم الحين يقوم يصطرك بالخيزران نظفي المجلس ولا الحمامات(الله يكرمكم)
البنات:لا لا المجلس 
طلعت نواهل  فوق وسالوها البنات:فين رايحه
نواهل: رايحه انام شرايكم.
البنات:ليه خير
نواهل :خبلات انتم صدقتو بروح اجيب السماعه واجي
البنات:اي بالله نبي ننطرب
وفعلا راحت جابتها ونزلو البنات للمجلس وهم يضحكون 
بدو البنات بتنظيف وقفت هواها وهي تقول : بنات اسمعو ذي الشيله