ياعذبة الحسن رفقآ....

14

وببيت الجد يلي صار له شهوررر كئيب
الجد صالح بصاله وهو يهوجس
جات  لطيفه وهي تركض:يعمي يعمي ابشرك
الجد صالح فز :وشو يبنتي
لطيفه:ابشرك ان عيالنا طلعو ابرياء والبنات جايين اما العيال فابينسجنون ٤شهور
الجد صالح:الله يبشرك بالخير الله يبشرك بالخير
طلع الجد صالح وهو فرحاننن وحس جبال انهدت من على صدره والخوف يلي بقلبه راح وكل يلي صار نسيه بالحظه فرحته والارض مو شايلته :يلااا ياابو ميان ووابو فيصل وابو حمد وابو فهد وابو بندر وابو محمد مشيناااا
كلهم انطلقو وراه والكل مشتاق لعياله
وبمركز الشرطه بعد ما اعترفو بكل شي مسفر وشاش و الباقين انحكم عليهم بسنتين اما بالنسبه للجثه مسكو قاتلها فهو سلطان يلي كان صديق ميان وفيصل وكان بالنسبه لميان زي اخوها حكمو عليه بالاعدام بعد ٤سنوات  والبنات فا اطلقو صراحهم وفيصل والعيال ٤ شهور
ووصلو الجد وعياله لاحفاده
عبدالله:ميانن يابنيتيي
لفت ميان أبوها بلهفه وبكى : يبهههه
ركضت له وهي تحضنه بقوه وتبكي والكل راح لبوه
الجد صالح:بمناسبه الفرحه ذي لازم عشى بكره كبيرررر يلا مشينا ياحبايبي
الشرطي:عمي العيال ما بيروحون
رفع حاجبه الجد صالح بتعجب:وليه ان شاء الله مابيروحون بيروحون معي غصب
الشرطي: الله يسعيدم ياعمي محكوم عليهم ٤ شهور باذن الله يطلعون لكم بسلامه هاذي بس عقوبه
فيصل:معليه ياجدي ان شاء الله نرجع لك رح الحين وروق وافرح  وكننا معك
لفت ميان على فيصل بكسره وتبيهم يروحون معهم او بالخص فيصل
غمز لها فيصل وضحك اما هي فا انحرجت ولفت عطول والكل ودعو العيال ومشوا للبيت
دخلو فيصل والعيال للحبس وهم يحصلون معهم شاش وسلطان ومسفر والباقين
ناظره شاش وهو يقول بضحك: وراه جدك مشى مكسور ولا يحسبك بتطلع معه لايكون مايدري ان الكلاب المتوحشه مكانها السجن هههههه
ضحكو سلطان ومسفر
وفيصل طارت اعصابه من كثر القهر مسكوه العيال وهم يحاولو يخلونه يمسك اعصابه
محمد:بس يفيصل معليك منه
فيصل بضحك:كلاب متوحشه اجل اقول ورا  ماتخمد وراك سنتين سجن
سكت شاش وهو يتذكر انه بينسجن سنتين فعلا جلسو العيال والكل يفكر وش بيصير بالربع شهور ذي
اما عند البنات كل وحده راحت لامها وهي تبكي
لطيفه: وراك تبكين هاه دام رجعتي لي وششش ابي اكثر يابنتي
راحو البنات لغرفتهم وهم مبسوطات ببرائتهم و شايلات هم العيال
الهنوف: بنات احس مو متقبله الوضع يعيني متعودات على العيال وضحكنا مع بعض وزعلنا وخوفنا كله انتهى شلون كذا
وسن بضحك: بيرجع ياروحي يوم تتزوجين brother مالي هههههههه
الهنوف:من زينه اخوك مابيه
ميان وهي منسدحه:من بتاخذين يعني هاه
الهنوف:مدري مدري يمكن فيصل
طبعا الهنوف قالت كذا عشان تثير غيره ميان
ميان:من من فيصل وليه يعني مالقيتي الا فيصل ويع ذوقك مخيس
نواهل بضحك:واضحه واضحه يميان غيره مو نقد على الهنوف خلونا نكون صريحات ونعترف لبعض
وسن : بقولكم تراني احب بندر
الهنوف: اففف اففف اخوييي حركات متى بتعرسون ان شاء الله
وسن:وراك متحمس كذا ترا مادري اذا يحبني ولا لا
الهنوف:ميه بالميه يموت عليكك
استحت وسن وهي تتلحف وتنسدح
نواهل:وانا بعد احب حمد
ناظرتها ندى بضحكه: معليك معليك حتى هو يحبك
ناظرو الهنوف
ميان بغمزه:وانتِ هاه
الهنوف:بنات بقول بس لاتطقطقون
ميان:ادري فيصل من غيره يلا رايحه اتروش
دخلت ميان الحمام وهي تصك الباب بقوه فجعت البنات
ندى وهي ميته ضحك: النار اشتعلت
والبنات فاطسات من غيره ميان اما الهنوف فا هي يلي ماتت ضحك حرفيا صرخت بضحك: يامهبوله والله ما احبه ولا ابيه تطمني
قربت منها نواهل وهي تغمز :من تحبين هاه
الهنوف:بنات والله ماش ما احس احب احد
وسن :وفهد
الهنوف: صراحه فهد ماصرت ادانيه بعد يلي سواه فيني
نزلت عيونها وسن وهي تتذكر ايام الثانوي
كانت وسن والهنوف طالعات من المدرسه ويصادفون فهد وهو واقف مع بنت وقتها كانت الهنوف حبيبة فهد ويوم راحت له جلس يتهزى فيها قدام البنت وتضحك
استغربو ندى ونواهل منهم
وقالت الهنوف: بنات لا تناظروني كذا
قامت وهي تتجه للحمام تدق على ميان:بنت اخرجي سنه
ميان من جوه: هاذا انا خلصت
فتحت الباب وناظرت عيونها يلي كانت مليانه دموع:بنت علامك وش فيها عيونك
دخلت الهنوف بدون اي كلمه وهي تقفل الباب وميان مصدومه وش فيها
لفت ميان على البنات وهي تاشر بيدها(وش فيها)
تنهدت وسن وهي تقول بصوت خفيف عشان ماتسمع الهنوف: اخوي فهد كان يحبها وهي اكثر وكانو حبايب وقتها ايام الثانوي ومره من المرات طالعات الا نحصله واقف مع بنت وهي راحت لهم وجلس يطقطق عليها والبنت تضحك وراحت وهي تبكي من بعدها كرهت فهد كره مو طبيعي ليومنا ذا
ميان وهي تنشف شعرها: صراحه يعني ما تنلام حرام يلي سواه فيها
وسن: اي والله حتى هو ندمان على يلي سواه
ندى:مارح يفيده الندم لانه غلط بحقها وما راضها
نواهل: كيف ندمان وهو مافكر يعتذر لها
وسن:انا معكم بس اكثر من مره حاول لاكن مافي جدوه
ميان وهي تطفي الاستشوار: ماله الا يصلحها لاكن بطريقتنا
البنات:شلون
ميان : اذا طلعو العيال من السجن بسلامه
اما ندى ضحكت وهي تتذكر محمد وهي تقول بصوت عالي : كيف نخفي حبنا والشوق فاضح وفي ملامحنا من الهفه ملامح يامحمد
ناظروها البنات وهم يضحكون
ميان: كيف نخفي حبنا اجل هههههه
انتبهت ندى لهم ولفت باحراج
طلعت الهنوف بعد ماهي اخذت شور بعد وهي عيونها منتفخه من البكى وحمرا
ناظروها البنات بحزن وهي تاخذ لبسها وترجع تغير وطلعت وعطول انسدحت نامت بدون ما تقول ولا كلمه
راحو البنات عند امهاتهم وجلسو يسولفون
واما بسجن عند العيال وكل واحد نايم ع ثاني بعد ما حطوهم بغرفه لحالهم
حمد:ورا ماتغني لنا يافصفص
فيصل: تامرون امر
العيال:حييي عينك
ضحك فيصل وهو يتنهد ومتخيل ميان قدامه: ياصاحبي شلي جرا والي حصل ولي طرا يغلا لوادم وش بلاك عقب المحبه والغلا هاجرتني ضد المدى وانا الذي همي رضاك من غير ذنب ولا خطاء ولا جفى ولا مضى اقفيت والخافق معك في صداك ويش السبب ليه الجفاء يغلا العرب مني الخطا ولا خطاك ياراعي الطرف الكحيل ماعد لي بالبعد حيل عود عسى العالم فداك ياغايتي يامنيتي لا لا لاتخيب هقوتي يازين وانا في رجاك جعلت لك في القلب بيت سكنت فيه من يوم جيت وحدك ولا احدن معاك غلاك عندي فوق فوق يجري مع مجرى العروق ماله حدن في مستواك فرقا الثريا والثرى فرقت عن كل البرا في عني محبوب شراك الحب الاول والاخير مالك مع العالم خشير والله يعلم عن غلاك مالي بغيرك فالبشر واحد واسوا لك عشر مالي بغيرك ياملا يازين ياعمي الغزل والله ياحبك ما يزال فلقلب ودك واعتراك فديت اما ذيك العيون ذيك المحاجر والجفون سبحان من صور حلاك والخد ب طاقه لمع والزين كله مجتمع في طلتك والله عطاك ثويت بعلوقي ثوي تخصر قلب قوي وضبطت بي عند الهلاك قربك ينسني العنى لاعاد تجفاني وانا مالي من العالم سواك يا اخر غرامي واوله عليك ذابح بالوله يسقى علي في لقاك عود ولا تبطي ترا عيني محاربها القرى من جفاك
فهد:اففف ياصوت الفخم او ادري والله
بندر:مبدع يا بعدي
حمد : اهههخ ينواهل
لف عليه فيصل وهو رافع حواجبه:وشووو
حمد بلع ريقه وهو يضحك:ولا شي
محمد: يلعن ابليسك فنان يالعضيد
فيصل ابتسم لهم وجلسو يسولفون ويشكون همومهم لبعض
وا عند البنات باخر اليل تقريبا الساعه١بالمطبخ
ميان:نواهل بتطلعين تشوفين الهنوف ماصحت للحين
نواهل:قاعده اسوي بالبطاطس شوفي البنات
وكل البنات مشغولات طلعت ميان فتحت الباب حصلت الهنوف جالسه ومتنحه بالدولاب
قربت منها ميان وجلست جنبها وهي تمسك يدها
ميان:ترا قالت لنا وسن ليه تعذبين نفسك كذا
الهنوف:اكيد برررت ان اخوها مو غلطان صح
ميان:لا والله كانت تقول لنا وش كثر ندمان على يلي سواه فيك
بكت الهنوف: ويحسبني بسامحه على فعلته ذي
ميان:والله ما الومك لانه فعلا شي يحز بالخاطر بس اتبعي عقلك لا تتبعين قلبك انتِ كذا تتعبين نفسك يالهنوف بيني له قوتك مهما ابتعد عنك
الهنوف:وشلون ياميان انا اسمه لا ذكرته فز قلبي كنه شي غالي لذي الدرجه
ابتسمت ميان وهي تدق صدر الهنوف:شفتي ذا هو يلي يقولك كذا انتِ يلي عليك الصبر وسامحيه لعل يصير خير
الهنوف: ليه انا ماعندي كرامه اسامحه
ميان:خلي الكرامه على جنب اعترفي انتِ تحبينه صح
الهنوف هزت راسها بنفي
ميان:الهنوف انا يلي قدامك لا وسن ولا نواهل ولا ندى انا ميان قولي لي تحبينه
الهنوف جلست تشاهق : يمياننن مو بس احبه اموت فيه بس فهد فهد مايبيني يبيها هي
ميان:هو ندمان شلون يبيها هي هاه
الهنوف:حتى لو ندمان فهد طابت نفسه مني ماعد له لذه فيني ياميان
ميان:وش يدريك انه مايبيك
الهنوف:قالهااا  لي والله قالها لي
ميان:وش قالك بالضبط
الهنوف:قال ان انا ماحبك ولا تحتكين فيني انا احب سدن وخري عني
ميان ضحكت:مصدقه فهد انتِ هاه واللله لو انه مايبيك كان ماندم صح انه مو شرط يكون الندم بسبب حبه لك لاكن انا عندي احساس والله لايخيبه انه يبيك انتِ يلي عليك الصلاه والدعاء الحين يلا قومي صلي الوتر وادعي لعل يفرج همك يلا قومي معي
قامت الهنوف بصعوبه وميان رجعت شعرها وهي تضفره وتقول:  لبى الشعر الاسود يلي لين الخصر
لعلها تضحكها او حتى تبسطها ابتسمت الهنوف ودخلت للحمام وميان لفت وهي تتنهد بفرحه انها سمعت الكلام  طلعت الهنوف وصلت وميان بمكانها ماتحركت
الهنوف:وراك تنتظرين ما مشيتي
ميان وهي تحضنها:اخاف تسحبين علي وتنامين
ضحكو مع بعض ونزلو للبنات وابتدت سهره البنات يلي مافي احلا منها وضحك وسوالف لين الفجر والساعه ثلاثه تقريبا
نواهل:يلا يلا ميان غني تطربينا شوي
وسن والهنوف:تعرف تغني
ندى:يوههه من زمان ومره خليناها تغني مع حبيب القلب
ناظرتها ميان وهي تدفع بشويش وضحكت
البنات:يلااا
ميان: طيب وش تبون
البنات:هيفاء وهبي
ميان :طيب(انا كنت هقولك ايه انا ناسيه ليه وكلامي مش فكراه بتوه قدام عينيك مابقولش ليه كل الي انا حساه حد يقوله اني بحبه دنا وانا جنبه حيريني هواه حبه فقلبي ملخبطني ومسكتني ودا حالي معاه انا كنت هقولك ايه انا ناسيه ليه وكلامي مش فكراه انا مش على بعضي ليه وجرالي ايه حيرت قلبي معاك بحس باحاجه ليك مشغوله بيك واتمنى اعيش وياكككك)
وجابو البنات السماعه وما انتبهو للي يراقبهم من فوق
كان جدهم يناظر وهو يبكي وكان حلمه يشوف احفاده مع بعض وكان يقول: باذن الله ميان لفيصل ونواهل لحمد ووسن لبندر والهنوف لفهد وندى لمحمد وقفل الستاره وراح لفراشه وهو مبسوط وحزين بالعيال
اما البنات جلسو يرقصون ومستانسات وميان يلي وقفت رقص بعد ما كانت تتوهم شكل فيصل يرقص ورا ويضحك راحت تركض والبنات يناظرونها باستغراب
ندى:شفيها
البنات:مندري
رجعت ميان وهي خايب املها لانها تشوفه هاذا وهو اول يوم جلست والبنات مكملين رقص وجاء الصباح وكان الخبر الصادم للبنات
لطيفه:يلا ميان جهزي شنطتك بنمشي
ميان صحت وهي منفعه وراها البنات:وش ماما بنمشي
لطيفه:ايوه وانتِ يانواهل بعد خلونا نمشي
ناظرو بعض البنات بعد ماعرفو ان اهليهم بيروحون
وفعلا راحو البنات يجهزون اغراضهم وهم مكسورات
ميان:جدي
الجد صالح:هلا
ميان:قول ميان راحت تجيب شغله وراجع بعد كذا ساعه تمام
صالح:روحي روحي الله يستر عليك
لبست ميان عبايتها وهي تاخذ مفتاح سيارتها وتتجه(مركز الشرطه بي......) كانت متوتره لاكن دخلت لهم
ميان:سلام عليكم
الضابط:وعليكم السلام تفضلي اختي نخدمك بشي
ميان:الله يعطيك العافيه الزياره مفتوحه
الضابط:لا والله اعذريني ذي اليومين مو مفتوحه ابد
ميان:الله يسعدك ضروري اشوف السجين
الضابط:والله لو بيدي خليتك بس مقدر
مشت ميان وهي تبكي بصمت وناظرت لمكان كان شبه غرف كثيره
وجات باتجاهه وهي تبكي ناظرت الا اشوف فيصل والعيال نايمين حاولت تدور طريقه تقدر تكلمه فيه بس ماكان يسمعها طلعت وركبت سيارتها  واتجهت للبيت و مشوا اهلها بالعصر اما هي فقررت تاخذ نواهل ويمشون ليل وفعلا جاء المغرب واتجهوا للرياض بامان الله
وانا بنسبه لابو حمد وندى وام حمد اتجهو للدمام واهل وسن و الهنوف اتجهو للطائف والكل راح وهو منكسر ونبقى الا الجد وزوجته وابو فيصل وام فيصل
وبطريق السفر كانت ميان بحاله صمت
نواهل: نقدر ندق على مركز الشرطه يلي لديره يعطونا العيال
ميان:اذا دقتي وردو وجابو فيصل لاتقولين انك راكبه مع ميان قولي مع اهلي
نواهل:طيب
وفعلا ردو :الو معكم مركز الشرطه بمنطقه..... اي خدمه
نواهل: لو سمحت اخوي ممكن تعطينا السجين فيصل و العيال يلي معه
العسكري: ابشري اختي بس شوي ويدقون على نفس الرقم
نواهل:تمام الله يعطيك الله عافيه.
قفلت وبعد ٥دقايق جاها اتصل فتحت وهي فرحانه وحطت اسبكر
نواهل:سلام عليكم
فيصل:هلا ومسهلاااا بحبيبه اخوها يمرحبااا
بكت نواهل: حبيبي انت شخباركم شعلومكم عساكم بخير
فيصل:الحمد لله بخير وانتم اخباركم وجدي وجدتي ويبه ويمه وعماني وزوجاتهم كلهم بخير
نواهل:الحمد لله بخير ياروحي
فيصل:ياجعله دوم عطينا البنات نكلمهم
نواهل:والله ماني عندهم
فيصل باستغراب:ليه وينك فيه
نواهل :راجعه الرياض
فيصل:مسرع ومن معك الحين
لفت نواهل على ميان : مع عمي وخالتي لطيفه
فيصل:صدق وميان
نواهل وهي تغمز لميان:بسيارتها
فيصل:ورا مارحتي معها
ضحكت ميان بخفه
فيصل:متاكده مع عمي وخالتي ولا مع احد ثاني
نواهل:مع عمي متاكده
فيصل:عطيني اياه
نواهل:مشغول بسواقه وخالتي نايمه
فيصل :طيب
وجلسو يسولفون مع نواهل العيال الا ان خلصت المكالمه.
نواهل:قطيعه وراك ماكلمتي اخوي  المسكين يسأل عنك
ميان: مدري
نامت نواهل و وقفت ميان السياره طلعت شرشف من ورا وهي تغطيها فيه  وتناظر لاسم الديره:استودعتك الله ربي
دمعت عيونها وهي تمسحها وتكمل طريقها
.
.
.
. بنات الاجزاء باذن الله بعتمد انزلها كل خميس  عشان اخليها طويله لكم🩶