ميان:وبكذا بتكون خطتنا جاهزه
نواهل: كفو يابنت العم
ميان:كفوك الطيب
فيصل:يلا بنروح انا والعيال للبقاله تبون شي
ندى:بنروح
فيصل:اجل البسو ومشينا
طبعا ذي خطه من فيصل عشان يسحب على البنات وفحطو العيال بوجيه البنات
نواهل شوي وتبكي:الله ياخذهم لعبو علينا
ميان:انتظروني ثواني بس راحت ميان جابت مفتاح سياره ابوها
ميان؛والله ما اخليها بخاطرنا
ومشت ميان وراهم وكل عيال الديره يناظرون وبنسبه لهم البنت عيب تسوق
وصلت للبقاله يلي وقفو عندها العيال وهي تشوف فيصل والعيال
فيصل: يارجال خلها على ربك مامعنا فلوس
عامل البقاله: مافيه يقدر انا بلاش انت كل شي بلاش انا في مدير يطردني
ميان وهي تطرح الفلوس على الطاوله:على حسابي
انصدم فيصل: خطيره يا ام العيال
صفقته ميان وراحت تجيب اغراض ورجعت حاسبت
حمد:الحين من وين جيتم انتم
نواهل بمزح:من بطنك شرايك بسياره عمي
حمد :من يلي تسوق ماشاءالله
اشرت نواهل على مياني بيدها وكلهم تحركو
وبنص الطريق صرخ واحد:يابنت تسابقيني
حمد:لا ميان لاتسايقينه تراه قوي بعد فيصل طبعا
ميان بسخريه:وش المكافأه يا الاخو
الولد: بالمناسبه اسمي مالك المكافأه فيصل يعطينها
كان فيصل خايف يصير شي للبنات ونواهل وندى نزلو وراحو لفيصل
ميان وهي تمسك الدركسون بقوه: كذا اضمن سلامتكم بنات
نواهل:معليك
ميان: بدينا استاذ مالك
وفيصل يلي متاكد ان مالك بيفوز
وبدا السباق وكانت ميان مهديه وكلهم يقولون مالك بفوز لاكن بنص تشجيعهم لمالك انصدمو من ميان يلي فازت عليه وقفت ميان عند خط الفوز وهي تقول: هاه قالو لي انك ماهر باسباق
مالك: تعرفين يابنت ال صالح
اما عند ندى ونواهل يلي خايفين على ميان انبهرو انها فازت ومحمد وحمد متعجبين وفيصل يلي راح يركض : كفووو كفووو يابنت عمي
جلست تضحك ميان
مالك: اخذتي المركز الثاني علي بعد فيصل
مشوا ميان وعيال عمامها متجهين للبيت وحمد يحفز ميان وميان ميته ضحك
ندى باستهبال:يع يع صرتي طعسه
ميان تقلد فيصل: خطيره يام العيال
الكل جلس يضحك وفيصل يناظرها بحب
دخلو البيت ويسمعون صرخه جدهم :مياننن
انفجعوا كلهم من صراخه وركضو لها
فيصل:شفيك جدي
صالح:وين ميان
ميان بخوف:هنا جددي شفيه
صالح: شفيه هاه شفيه شوفي شفيه
اخذ الجوال من ابتهال وهو يحطه بوجهها
صالح:هاذا وشو هاه وش بقول عند القبيله والله حفيدتي متقصد
ميان ببكى: طيب ماسويت مصيبه
صالح بصراخ: الا سويتي مصيبه مسويه سباق ومع ولد مين ولد شيخ القبيله وتقولين ماسويت مصيبه
عبدالله: هاذي اخرتها ياميان معلمك السواقه وذا صار لك حادث وش بسوي هاه وش بسوي حسافه تربيتي تطعسين مع ولددد ليهه ليهه
ميان: يبه اسمعني طيب
راح عبدالله وهو متفشل من تصرف بنته يلي ما احد يرضى فيه
الجد صالح:عقاب اسبوعين ماتطلعين من غرفتك اكل يجيك وكل شي يجيك والجوال ينسحب وانتم قدامي للصلاه يلا
راحت ميان للغرفه وهي تصيح وندى ونواهل يلي جو وراه ووقفت ابتهال بطريقهم: قال جدي ميان بس
دقتها نواهل بقوه ودخلو عند ميان
نواهل : ميان ياعمري لاتبكين عادي
ندى بحزن: ميان انت ماسويتي ذا الشي الا بلغلط وكلنا ندري وكله بسبب مالك ذاك خلاص لاتبكين
ميان: ابوي ابوي وش اقوله طيب بلغلط يبه هاه
دخلت الجده النايفه:ياحبيباتي انتم عادي عادي وانتِ يميان معليك اسبوعين وتهون حضنتهم جدتهم بحب وطلعت نواهل وندى من الغرفه بحكم ان الجد قال بس ميان تكون بالغرفه
ميان:وين بينامون طيب
النايفه: مع ابتهال
نطت نواهل: انام بين كلاب ولا انام معها جدتي نوموني بالسطح لو تبون تكفون لا
ندى: جده تكفين مانبي معها ذي ابليس بكبره
طلعو من عند ميان يلي بس تبكي وتتحسب على ابتهال
أنت تقرأ
ياعذبة الحسن رفقآ....
Acakبطلنا فيصل انسان جميل يعيش بالديره وبعيد عن الحب والخرابيط اما بطلتنا ميان انسانه اهتمامها في ادق التفاصيل وشخصيتها جدا طموحه وتجذب الانتباه ميان ماتجي للديره ابدا وذا بسبب شغل ابوها واخر مره جات للديره قبل٧سنوات ................. بالبدايه...
