لمحة عيونها السود من بين الخيول البيض

البارت ١٧

ف اليوم الثاني قامو الكل الساعه ١٠
فبيت ابوحاتم تحديدا ف غرفه سلمى
ام حاتم : سلمى بنت
سلمى : هلا هلا يمه
ام حاتم : قومي قومي عند ٢ح
سلمى الي قامت وراحت تروشت وبخرت شعرها وتعطرت ونزلت فطرت ودخلت المطبخ تجهز للغداء
اما عند بيت ابو نايف
ام نايف : عنووود
العنود : لبيه
ام نايف : قومي تجهزي
العنود : ليه ؟
ام نايف تخصرت  :  خطوبت سلمى اليوم انشاء الله المغرب والغداء عندهم قومي قومي ساعديهم ف التحضيرات
العنود قامت بحماس ودخلت الحمام وتروشت وتعطرت ولبست فستان احمر مخصر وحطت مكياج خفيف وجدلت شعره وستشورته وسوته على ويفي وبخرته وحطت روج احمر ولبست عباتها  ونقابها ونزلت مع امها ومعها حلا وقهوه وقرفه
راحو متجهين ل بيت ابو حاتم
اماعند بيت ابو عبد العزيز
كانو يفطرون وقالت الجده هدباء
الجده هدباء : معسله وشفياء وشلوة اليوم بعد الغداء نشاءالله تروحون البيت ترتبونه
البنات : طيب
ام عبد العزيز : اجل روحو يبنات تجهزو الغداء عند ام حاتم انشاءالله
البنات الي راحو لبسو جلابيات وتعطرو وتبخرو ولبسو عباياتهم وراحو لبيت ابو حاتم
عند مركز الضباط
مكتب خلف الي جاه اتصال من نايف
خلف : هلا
نايف : ولد متى بتجي
خلف : يعني الساعه ١ هه ٢ ليش ايش بغيت
نايف : ابد والله اليوم الغداء عند عمي ابو حاتم و اليوم عايض بيخطب و منصور بيجي
خلف : يله يله
اما عند البنات الي دخلو المطبخ يساعدون سلمى ف الغداء
...اما عند الحريم ...
الجده هدبه : اليوم منصور بيجي وخطبت سلموه اليوم
ام نايف : ايوه الله الله يبارك فيهم
.......●●......
الساعه ١ وصل خلف وجهزو  البنات الغداء
وبدء الكل يتغداء
بعد الغداء الكل راحو يجلسون فمكان واحد
الجد مصلح : شرايكم انتم بعد تعرفون ي عيال خلونا نفرح
نايف بمزح : ابد والله تبغا الحين
الجد مصلح ضربه : اسكت اما انت لسانك طويل
نايف انقلع
اماعند البنات الي دخلو بيت الجده هدبه وبدءو ينضفونه وما جات الساعه ٦ مغرب  الا والكل مخلص
اما عند عايض الي تروش وتبخر  ولبس
ونزل وشاف امه  الي جاهزه
عايض  بإستعجال : يله يله
راحو متجهين ل بيت ابو حاتم
اماعند سلمى والبنات الي كانو يسوون شعرها والعنود تسوي مكياجها
والي تكوي ملابسها
نزلو ف  مقلط  وبدء الكل يسلم عليها  جلست
عند عايض الي ووصل وستقبلوه الرياجيل استقبال حااار
دخلو الحريم البيت والرجال بدءو يرحبون
وجلسو
عايض : ياعم انا جي طمعان ف نسبكم والقرب منكم جاي اخطب بنتكم سلمى على سنه الله ورسوله
الجد مصلح وابو حاتم : هاذي الساعه مباركه وابد موافقين
ابو حاتم : لكن يا ولدي الشور شور البنت ولا ايش يايبه
الجد مصلح : ايه والله عاد انت اخذت زينة البيت وشورها يهمنا كلنا و الكل له قسمه ونصيب ولا تزعل ان كان نصيبك مو عندنا والله يعلم كم انت غالي عندي وابوك الله يرحمه كان في قلبي غبر عن عيالي كلهم ويشهد الله
عايض ؛ ابد خذ راحتك ومن حقتكم تاخذون رأيها
راح  حاتم وقال :بنات
دخلو البنات وقالو من ورا الباب  :هلا
ابو حاتم : في حد قدامي ف المقلط
العنود :  ابد ادخل
دخل حاتم وجلس جنب سلمى
وسلمى الي كانت منحرجه جداا
حاتم : سلمى عايض متقدم لك وانا وابوي موافقين لانه تعر فين انه متربي معي اخوك حاتم الرجاال  ومحترم و عكيد وقدها انشاءالله
سلمى: اذا انت موافق وابوي موافق شوركم وهداية الله
حاتم : اجل الله يبارك فيك وفيه يارب
قام توجهه للريجايل  وقال ل ابوه 
ابو حاتم : الله يكتب لكم الي فيه الخير يا ولدي البنت وافقت
وقف عايض وهو الي ما كان متوقع موافقت سلمى و من الصدمه ما عرف ويش يسوي وقف معه ابو حاتم و اول ما طاحت عين عايض على ابو حاتم قام يضمه ضحك ابو حاتم وهو يضمه وراح وضم حاتم
عايض : والله مدري وش اقول لاكن والله لاحطها داخل عيني
ابو حاتم بضحكه : عارف عارف
ابو مصلح بضحكه : ههه اسمع يا ويليدي خير البر عاجله ودخل الشوفه الليله
عايض : الي تشوفونه
دخل عايض وشاف سلمى   واقفه جلس وجلست سلمى 
عايض : مبروك ي سلمى
سلمى :  الله يبارك فيك
عايض : كم تبغين شهر تجهزين
سلمى : ثلاثه شهور
عايض :ثلاث شهور اففف كذا طويل ي سلمى
سلمى : اجل
عايض قرب منها وقال : شهر
سلمى  ماتت احرااج : اا. خلاص شهر شهر بكيفك
دخل حاتم وقال : هيييي فليتها
عايض ابتسم وقال : امش امش
اما سلمى الي ماصدقت ع الله انه يروح وتحط رجلها ل عند البنات
البنات : يله يله قواي لناا كلل شييي سرعه
تربعت سلمى وقالت: ابد والله بارك لي و باركت له و قالي كم تبغين شهر ....
اما عند الرجاجيل الي جلسو ف مكان معين عندهم ف الحاره و جلسو وشبو النار 
خلف الي قام وقال : انا رايح ابدل واجيكم اخلص شغلنا
.....●●.....
اماعند خلف  الي لبس لبس جدا عادي حق ذبايح يعني  ولف  عصبه على راسه ودخل المطبخ واخذ الخروف ف مكان عندهم حق ذبايح  طلع من المطبخ وشاف هند
هند بخوف من شكله : يمه ايش قومك كذا شكلك رايح تذبح انت
خلف بضحك : اي رايح اذبح
هند شهقت : ياويلي يمه منك
طلع خلف وهو يضحك ووصل للذبيحه
وسدحها وقال  وقال بصوت مرتفع  : بسم الله و الله اكبر  ونحرها وطش الدم ع ثوبه ووجهه كل الحاره شاهد ه  رجوله خلف شهامه   والكل يحبه ويخاف منه
خلف الي صلخها وخلص وقال :  ي نايف كمل
نايف: معليك رح بدل
زايد وانا بروح اجيب سكين اساعدك ف الأمور
رح زايد للمطبخ وصار يدور سكين من بين الدواليب اخذ سكين وقام
دخلت العنود المطبخ وقفت بصدمه وشهقت وقالت : يمه
ركضت اسرع ماعندها ودخلت للمقلط عند البنات
اما زايد الي انصدم من هي البنت وانصدم من جمالها اخذ سكين وراح للر ياجيل
وصار يشتغل معهم
اما عند البنات الي شافو العنود وسالوها
العنود ؛ ولا شي  بس شفت قطوة
سلمى : يووووه ياذي البنت
حنين شكت بس ماعطت اهميه
اما عند الرجاجيل الي جابو الصحون العشاء
وحطوها  وراحو يصلون والبنات الي صلو وراح يجهزون العشاء
خلصو الرجال من الصلاة وراحو يتعشون
كذالك الرجال
بعد العشاء البنات راحو ف جلسه بيت الجده هدباء
الي معها شاهي والي معها الكيك و القهوه والتمر والكِرام
اما العيال الي كانو جالسين ورا البيوت  الي يدخن ويشرب شاهي  والي يلعب باصره (بلوت) خلف سكر دخانه لما شاف عمه
ابو نايف : يله يعيال ايش فيكم كذا جالسين
خلف : ابد والله بس يعني نجلس كذا نريح
ابو نايف: ها انتبهو
خلف ونايف ؛ ولا يهمك
دق نايف خلف وقال : شرايكم يعيال نروح عند راشد و عبد السلام
خلف و حاتم : قداااااام
شغل نايف الدتسن وراحو متوجهين لل عبد السلام و راشد
البنات الي شافو العيال راحو
العنود : بنااات شرايكم ندزها ل نوفه ذيك قليليه الخاتمه
سلمى شمرت وقالت : قداااااام
راحو البنات عند نوف
اما العيال الي وصلو وشافو ابو راشد و راشد
وعبد السلام جالسين دخلو وسلمو وتقهوو
....تعريف بسيط ل ابو راشد ......
ابو راشد (عادل )عمره ٧٩
ام  راشد (حصه )عمره ٧٥
الاولاد :
راشد /متزوج عمرة ٤٤
عبد السلام/عمره ٢٤
نوف البنت الوحيده عمرها ٢٢
.........●●.......
البنات الي دخلو البيت كان مفتوح  لفو  للحوش الخارجي  وشافو نوف جالسه فيه
مع امها انتضرو لحد ماشفو الام خلاص دخلت البيت ونوف ترتب المكان من بعدهم
نطت العنود وقالت  بصون ناعم :  اهليين
نوف :اهلين من انتي
العنود بمزح : معك خطيبة خلف العنود تذكرتيني
نوف شهقت وقالت : خ. خ خلف تزوج!
العنود  : اي وجايه اقلك انك لا عاد تحتكين لا ف خلف ولا في عايلتنا
سلمى والبنات نطو وقالو :فاهمه ولا نفهمك
نوف بضحك : هههههههه ياويلي يا ذولا الربحان(قرود )من وين جاين
سلمى بعصبيه : معليش مننا من وين حنين معليش فاهمه !
نوف : اقول انقلعووو وعععع
العنود : بنروح ي حبيبتي بس بعد مانفرك وجهك ذا
نوف : من من انتي  تبغين تفركين وجهي
العنود: اي ي عيوني
نوف : اقول انقلعي بس
العنود وسلمى الي شمرو وطلعو فيها ضرب ضرب
نوف تصارخ وتبكي :عبد السلام راشد
العنود : امشو امشو اهربو
هربو البنات ورجال الي جو : وش وش العلم
نوف : تكفى تكفى ي عبد السلام
عبد السلام بعصبيه : وش وش
نوف : بنات .... هم الي ضربوني
نايف وخلف كلو واحد  الي مسح وجهه وهو يضحك لأنها ثاني مره
نايف يهمس لخلف : يارجال والله طلعو مو هينين بناتنا
خلف : احسن شكلها مسويه غلط  بناتنا مايسون شي مرتين الا وهي مسويه غلط كبهم
عبد السلام  الي دف نوف وقال : ادخلي انتي  ما تنضربين مرتين الا وانتي مسويه  شي
نوف ببكي  : لا لا لا والله
راشد لف للعيال : وقال نحن نتعذر
خلف : لا لا شدعوه عادي خذ راحتك نحن نستأذن
راشد : ي رجال اجلسوا شوي
نايف : لا رح شف اختك بعدين نتقابل ع خير نشالله
راشد و عبد السلام الي تفضلو وقالو : حياكم الله ف اي وقت
راحو العيال للبيت وهم خلاااص ميتين ضحك
اما عند عبد السلام الي دخل واخذ العقال ودخ ل توف وضربها وضربها ضرب وقال : البنات مايرجعون مرتين ولا يضربون مرتين الا وانتي مسويه غلط
نوف  ببكي : والله والله مو انا شفيك ماتصدقني
عبد السلام بعصبيه : روحي روحي فشلتينا قدام الرجال
دخلا نوف الا و راشد دخل بعد ماطفى النار دخل بعصبيه وقال ؛ وينها وينها
عبد السلام يهديه : يارجال خلاص قد لعنت خيرها
راح راشد لغرفته وسأل زوجته اذا سمعت صراخها
بشاير : لا والله ما سمعت شي انا ف الدور العلوي وهم ف الحوش كيف تبغاني اسمع
راشد : قهرتني الحمارة قهرتني
بشاير : خلاص هد ريح يالك ونام
.......●●......
اما عند البنات الي اول ما رجعو البيت جلسو ع الجلسه وشغلوا سماعه ورقصو ولا كان شي صارر
اما العيال الي وصلو للحارتهم
وسمعو المسجل وقف خلف ب استغراب وقال:  ياويلي ذولا متى امداهم يشردون
نايف : مهبولات
جلسو العيال ف جلستهم
والبنات الي دخلت كلل وحد ببيتها
خلف : يله انا رايح
نايف : وانا بعد رايح للشغل
راحو للعيال كل واحد ببيته
نايف دخل البيت وسمع صوت ضحك البنات ف الصاله
نايف: والله وطلعت البنت صادقه انتم الي ضربتوها
شهقت العنود ؛ ايوه ايش عندك
نايف بضحك : نفسي اعرف ليه ليه ضربتوها
سارة : كذا طناخه فينها
نايف :  اقول روحي ولعي فحم
ساره بتافف :افف ياخي ليه ليه انا
نايف : اقول انقلعي
راح سارة ولعت فحم
ونايف الي دخل اخذ شور وتعطر ولبس نزل تحت وشاف الفحم الي نست عنه سارة ونامت شافه خلاص شوي ويصير  رمااد
أخذه وحط عوده وتبخر وراح
وكذا نامو البيوت الخمسه
_______
كذا خلصت البارت ١٧