لمحة عيونها السود من بين الخيول البيض

البارت ٢١

وقفو الرجال كلهم ورحبو به تقدم ومسك فك سيف وقال : اسمح لي ي جد مصلح
الجد مصلح : استهد ب الله ي عبد السلام
عبد السلام بعصبيه : يا جد ذا الرجال لا اشوفه معرس عندكم
الجد مصلح : وليه
ابو سيف بعصبيه : وخررر يدكك
عبد السلام: ومن قالك اني راح اوخرر
ولدك قليل الحياء جاي امس واليوم وهو مغير يجي و يكلم بنتنا الي مايستحي دمه
ناضر ابو سيف وقال : انت شقاعد تقول
عبد السلام بعصبيه : ايه ايه ولدك قليل حيا ولازم اربيه
تقدم نايف وابو نايف : واحنا ماعندنا لك حرمه وطلق
تقدم سيف وقال : اعطوني دليل
عبد السلام اعطه صفقه قويه وقال : اسكتتت
وصار يضرب ب سيف بس منعه خلف وقال : خلاص خلاص ي عبد السلام
وقف عبد سلام ودخل نايف عماته وقال : طريق
اما عند بشرى الي سمعت كال شي و نزلت ب اسرع ما عنده وقالت : وش وش صاير
دخل نايف وقال :بشرى!
بشرى : هلا
نايف: سيف طلقش
بشرى : كيف ؟
نايف : مو وقتك وهاذي الورقه وقعي
وقعت بشرى ولفت ع العنود وابتسمت وحضنو بعض
.........
اماعند عبد العزيز الي طار من الفرحه ووقف وقال : انا طالبك ياعم انك تزوجني بشرى
ابو نايف انصدم وقال : هاذي الساعه مباركه وابد البنت رأيها من رأي ابوها
وقف ابو سيف وقال :امش امش ياسيف سودة وجهي امش
سيف بعصبيه وقف وقال : عبد السلام والله ما اخليك والله
عبد السلام و خلف بعصبيه : اذلف لا اكمل عليك ي قليل الحيا اذلف
راح سيف وقال ابو سيف : انا اعتذر ي عبد السلام واله اني نا علم عن ذا كله لكن ابشر بي والله لا اصلخ جلده صلخ
عبد السلام وقف وقال : ارتاح ارتاح ي عم وانا مالك دخل ولدك هو الي لنا معاه إذا صار شي زي كذا والله ل اصلخ جلده
ابو سيف : الحم لك والعظام لنا
راح ابو سيف وتقدم عبدالعزيز وقال : اناطالب يد بنت عمي بشرى على سنة الله ورسوله
ابو نايف : تم تم جعني قبلك
عبدالعزيز:مجار
راح ل الحريم وقال نايف : ولددد
حنين : دقيقه اصبر نلبس نقاباتنا
نايف : لا تلبسون انا بس بكلم بشرى من هنا
بشرى : لبيه
نايف : عبدالعزيز تقدم لك وابوي وانا وامي موافقين ف ايش تقولين
بشرى : اذا انتم موافقين شوركم و هدايه الله
نايف : اجل مبروك
راح نايف وقال ل ابوه
ابو نايف : البنت موافقه رح شف مرتك ف المجلس
نايف راح وقال ل بشرى تروح المجلس
راحت بشرى ودخل عبد العزيز وقال : أرحبي ي بعد قلبي ورجعانه أرحبي ي بشرى
بشرى بتوتر : البقى
عبد العزيز : الحمدالله انش تطلقني من ذا الكلب
بشرى نزلت راسها وقالت : الحمدالله
مسك عبدالعزيز فكها ورفع راسها وقال : شهرين يكفي لك
بشرى : اي يكفي
عبدالعزيز: اجل تم
دخل نايف وقال : يله يله
طلع عبدالعزيز وبشرى خرجت للصاله وشهقت لما شافت البنات واقفين ف الباب
بشرى : أعوذ ب الله شفيكم
سلمى : الان الان قولي وش صار سرعه
بشرى جلست وقالت لهم كلل شيي..
العنود : الحمدالله ي بشرى انك ما اخذتي الملعون ذاك
بشرى ابتسمت وقالت : الحمدالله
قامت نجد وزغرطت وقالت : اخيراا يارب اخيراااااا
اما عند الرجال الي شالو عبدالعزيز وقالو :
مبروووووك يا عبدالعزيز
وقف نايف وذبح الخروف والكل يشوفه وشاهدين ع رجوله نايف سدح الخروف و قال الله واكبر ونحرها وطش الدم ع ثوبه والارضيه وقف خلف وقال : رح ي نايف الباقي علي
راح نايف للبيت يتروش وغير لبسه
اما خلف الي اخذها كمل و قال ل عايض : امش نروح للمحنذه
عايض : تم امش
اخذ الذبيه بعد ما غسلوها واخذو قدر و شغلو المحنذه و دخلو الحم يطبخ
اما نايف الي تروش ولبس وتبخر وتعطر وقال : انشاءالله يجي دوري انا وانتي ي الحنين
ونزل راح عند الرجال
اما عند عبد العزيز الي ماكان مصدق انه خلاص بشرى حلاله
وقف منصور وقال : اجل بكره غداكم عندنا ي عيال و يعماني
الجد مصلح : تم بس لا تعب نفسك ي ولدي
منصور : معليك ي جد
اماعند البنات الي بدءو يضحكون وقفا العنود وقالت : ب اجيب السماعه
سلمى : روحي
راحت العنود وجابت السماعه وشغلو : وصار الكل يرقص والكل فرحان زغرطو سلمى و نجد وكملو يرقصون اما عند عايض و خلف
خلصو اللحم و حضرو كلل شي وشالو الصحون ووزعوها للحريم صحن والرجال صحنين وبدء الكل يا كل
بعد العشا قامو العيال يجلسون مع جدانهم و سوو شاهي والشيبان يسولفون والعيال يلعبون بلوت وقف عايض وقال : انا استأذن
الجد مصلح : ودعناك الله
راح عايض واتصل ع سلمى
سلمى: هلا
عايض : يله اطلعو
سلمى : لا توو الناس
عايض : سلمى اطلعو
سلمى : تمام
قامت سلمى وقالت ل رسيل ورسيل وسلمى وقفو وودعو البنات وراح طلعو لل عايض
اما عند عبد السلام الي جلس وطلع بوكيت الدخان وطلع وحده ودخن وقال قصايد تركي الميزاني الي هو أفضل شاعر عنده وقال :
سلامي سلام مودع مايبي فرقاك
ولا له على شوفتك قدره ولا سلطه
..
يشوفك بعد ماقفيت وانت تجرا خطاك
وكنه صوب معطبينه هل البلطه
..
تهشم خفوقه يوم لوحت به يديك
يناديك ودموعه على الخد مختلطه

.....
اما عند بيت عايض
وصلو دخلت سلمى ونزلت عباتها و نامت و نام عايض وأهل البيت
اما عند بيوت الجد مصلح الكل دخل ف ينومه
..............
كذا خلصت البارت ٢١