♕° ليان.....Liyan °♕ __ [=باللهجة الجزائرية=]

«part3»

• • • • • • • •
يهدر ماشي جاي....
حسين: دايمن دير لي في راسها...
توفيق: وين راها دروك
رانيا قاعدة تبكي و تتحسر على بنتها..
حسين: فطوموبيلتها قاتلي رايحة للمطار
نديم: تحب نمشي نشوفها؟
حسين: برايي لا، هكذا يزيد شكهم فينا
ناضت رانيا نار تخرج من عينيها شافت فيهم رفدت صبعها وجهاته ليهم
رانيا: اذا كاش ماصرا لبنتي.. صدقوني رايحين تندمو
توفيق: رانيا طلعي للبيت و قعدي بعيدة على شغل لبعيد عليك
رانيا: شغل بعيد عليا!!، قضية تتعلق ببنتي و نتا تقولي قعدي بعيدة واش من قلب عندكم نتوما كيفاش ضحيتو ببنتي باش تنتاقمو لروحكم
صرخ حسين بكامل صوتو
حسين: خلااااص.. كل واحد لبيتو
شاف توفيق في رانيا
توفيق: هيااا طلعي
سبقاتو رانيا طلعت للبيت تاكل في روحها

_ _ _ _ _ _ _ _ _ _ _ _ _ _

رشف مقهوته يتامل فلمنظر ملبالكون سمع دق لباب
مراد: تفضل
.....: موسيو مراد
مراد: واش كاين
....: عندي خبر ليك مش مليح
ناض من كرسيه فيسع
مراد: واش كااين اهدر
.....: موسيو حمزة و جمال
مراد: واش بيهم
......: تعرضو لانفجار قنبلة في garage متاع طوموبيلات
مراد حس لرض دور بيه و غضب بان في وجهه
مراد: اهدر **** كلشي
.....: متتقلش موسيو مراد راهم في 3 bien، لقاو لقنبلة فساك حفيدة حسين لهاشمي
كبس على يديه
مراد: واش قصدك ب 3؟
.....: كان معاهم اوس من حسن الحظ سمع صوت القنبلة و خرجو قبل ماتنفجر
مراد: خلاص تقدر تمشي
رفد تيليفونه عيط لحمزة

___                                                                   حمزة: اوس راك مليح؟ 
اوس: اييه ني مليح. خويا
قاعد رايح جاي غادي يهبل كيفاه طفلة لعبت عليهم
اوس: دوخة حكمتني من مشيتك خلاص قعد، راح جمال يحوس عليها معندها وين تمشي 
حمزة: مشي قتلك قعد بعيد على *** هاذ شغل..  مش حذرتك من قبل؟
اوس: يعن.... 
حمزة: متهضرش، علابالك واش صرا دروك كنا راح نموتو شوية كنا نوليو رماد هنا...
تنهد حتى سمع تيليفونه يصوني طفاه في جيبه بلا مايشوف شكون
اوس: يمكن يكون بابا شوف شكون
شاف فيه و رفد تيليفون لقاه مراد
حمزة: الو..
مراد: واش صرا تماك كيفاه دخلت بنت *** هاذيك
حمزة: معرفتهاش ظنيتها زبونة عادي دخلت تشري
مراد: شحال من مرة حذرتك مهاذيك la famille نقعد غير نوصي فيك؟
حمزة: خلاص راح جمال يحوس على لبنت مراحش تفلت من يدي رايح ندمهم على فعلتهم هاذي
مراد: قبل ماتخطي خطوة حسبلها الف حساب فهمتني
حمزة: خلاص بابا
مراد: ياخي لمنتجات تاوعنا مصرالهم والو
للحظة جات في باله منتجات
حمزة: افففف
ضرب طوموبيل قدامه برجله
حمزة: طبعا...  كيفاه مخممتش فيها، هدفهم كان باش يحرقولنا منتجاتنا لازم نبيعوهم فاقصى وقت
مراد: مليح لي غيرتولهم مكانهم كان راهم رماد هنا
حمزة: خلاص راح نكوبي نمشي عند جمال مبعد نشوفو واش نديرو
كوبا تيليفون و دار عند اوس
حمزة: نتا ولي لدار و متزيدش دخل روحك فهاد لخماج
اوس:  خلاص خويا و بشوية على روحك
شاف فيه نظرة حزن و ركب فطوموبيلته و مشا للقصر
نفخ حمزة و ركب طوموبيلته قلع بيها
~~~~~
ليان تحكي: 
باقية نرجف في بلاصتي دموعي يسيلو و لكحول محوط عينيا حسيت من الاول  مراحش تكمل على خير، هاذ ناس مشي عاديين.... شفت فيه نترجاه
_خليني نمشي الله يخليك
قفزت في بلاصتي كي سمعت صرخته
جمال: نزليييي... 
وجهلي سلاحه لراسي و حكمني مذراعي نزلني برغم عليا.. سمعت صوت تيليفونو يصوني جبده. مجيبه و رفد
جمال: وي موسيو حمزة
حمزة: لحقت تلقاها؟ 
شاف فيا مليح و رد عليه
جمال: راها معايا موسيو حمزة متقلقش روحك
حمزة: وين راكم؟
جمال:  ف ####
حمزة: دقايق و نكون تماك عندك تفلتلك
جمال:  d'accord
قعد هاز سلاح في وجهي هاذ علعائلة مشي نورمال كيفاه لحقو خرجو من garage بلا مايصرالهم والو خصني نلقا طريقة نلغا لجدي راهم مفكريني سافرت، قعدنا شوية و انا غير نبكي حتى شفنا طوموبيل ڨارات... نزل منها الغضب باين في وجهه نار تخرج من عينيه  منظرو خوفني بقيت نرجف خايفة ملي جاي قرب عندي بشوية
حمزة: مالا بنت توفيق لهاشمي...
_خليني نمشي الله يخليك اصلا راح نسافر منقعدش هنا
تبسم باستهزاء منظرو يخوف و يستفز.... تبدلت ملامحه و ڨحرلي بغضب
حمزة: جدك هو لي مزيفطك
تلفتلي واش نقوله خايفة مقدراش ممبا نحكي
حمزة: هدريييي..
صرخ بكامل صوتو حتى نقزت مبلاصتي تنهد و هدر مع جمال
حمزة: جمال تقدر تمشي خليلي هاذ لقطة انا نلتهى بيها
جمال: امرك موسيو حمزة
ركب طوموبيلته و راح،. شاف فيا بنظرات تاع رعب خلاوني نرجف في بلاصتي
حمزة: هيا معايا..
_وين ناوي تديني، اكيد حابين تقتلوني
حمزة: لا لا، راح نهنيوك على واش درتي،  هيا معايا
هزني مدراعي و جرني لطوموبيلته ركبني و ركب و قلع بيها يسوڨ بفيتاس مش معقول
باقية نبكي في بلاصتي شفت فيه مركز مع طريق و الحقد باين في وجهه مجرد تشوف فعينيه تخاف،  عينيه كيف صقر يخوفو.
_وين دايني؟ 
هدرت بصوت يرجف، قعد ساكتت.. لميت شجاعتي ملازمش نخاف منه اصلا شكون هذا... وليت سقسيته بجراة
_ وين دايني قتلك؟ 
شاف فيا ڨحرلي
حمزة: لجهنامة حمرا
حطيت راسي على زجاج طوموبيل نبكي و نشهڨ طحت مع ناس مفيهمش رحمة في قلوبهم قاعدة نبكي و نخمم واش لازم ندير تنهدت و شفت فيه مزال يشوف فطريق منظرو يخوف غمضت عينيا نبكي...
قعدنا شوية وصلنا لواحد لفيلا في بلاصة خالية، ڨارا طوموبيلته نزل منها و حل لباب لي فجيهتي حكمني مدراعي نزلني
_طلقنيي، طلق ذراعي متمسنيش بيديك لمسخيين
باقية نصرخ و نبكي..
حمزة: تمشااي...
قاعد يجر فيا و انا نحاول نفك روحي منه حابة نهرب مي على حساب لوضع مكانش مخرج...
وصلنا للفيلا رجال لابسين لاسود و نظارات محاوطين لفيلا بسلاحهم..
_وين جبتني بعد عليا خليني نمشي..
قاعدة نصرخ، حل لباب تاع لفيلا و دفعني زاد دخل و بلع موراه لباب، قابلتنا خدامة
خدامة: موسيو حمزة كاش مايخصك
حمزة: وجدي غرفة لهاذ المدام..
شاف فيا عاقد حواجبة يبان منارفي
خدامة: حاضر
طلعت تجري كامل يخافو منه مزال مشوكيا واش راني نعيش شفت فيه نار تخرج مني لخوف بدا يتحول لحقد
_واش ناوي دير، علاه جبتني هنا
حمزة: نتي لي واش كنتي ناوية ديري؟ تعاونتي مع عائلتك باش تقتلوني
هزيت راسي لا كيفاه راح نشرحلو لوضع، مع لعلم مام اذا شرحتلو مراحش تتغير حقيقة اني حطيتلو قنبلة ف garage تاعه
_كنت مجبورة،  باش نحلفلك بلي معندي حتى دخل هما جبروني
حمزة: فالاخر تقعد عائلتك باينة بلي راح تنفذي طلبهم
زير على ذراعي
_بعد يدك راك توجعني
حمزة: مزال ماشفتي لوجع،  صدقيني رايح ندمك على واش درتي.. راح نخليك تتمناي لموت
هودت لخدامة
خدامة: موسيو حمزة لغرفة واجدة
جرني مذراعي طلعني مع دروج حل لباب و دفعني حتى طحت فالارض دموعي ينزلو شلال
شاف فيا نار تخرج من عينيه
حمزة: مننصحكش تحاولي تهربي،  متنسايش رجالي محاوطين كامل لمكان مكانش مخرج و اذا سمعت حاولتي ديري كاش حاجة متتخيليش واش قادر ندير فيك
خرج ملبيت غلق لباب بلمفتاح قعدت فلرض نبكيي خايفة شفت فرجليا نتفخو ولاو حمرين م طالون نحيتو مرجليا و قعدت في قنت ضميت رجليا و يديا لصدري و قعدت نبكي كلشي بسبابهم...

#liyan