لبنات حبيت نقولكم لي راها تقرا فروايتي نتمنى منكم دعموني و تخليولي رايكم فتعليقات هاكا باش يزيد حماسي و كول يوم نحطلكم بارت، مي كي منلقاش دعم اكيد راح يروح حماسي و منقدرش نكتب...
نتمنى تكونو فهمتوني 🥺
نحبكم ❤
______________________________________
«21:00»
ظلمت برا و لحال بدا يبرد... كامل لعائلات متلايمة على طابلة عشائهم مع ولادهم...
قاعدة فالارض دموعي ينزلو شلال..... قاعدة و نخمم واش راح يصرا فيا دروك؟ .... راح نعيش هنا؟ .... واش راح يعمل فيا حمزة... بزاف اسئلة تدور في راسي ملقيتلهاش اجوبتها....
قطعولي افكاري صوت لباب كي نحل
وقفت بسرعة.. شفت الخدامة دخلت و فيدها صينية فيها العشا.. قلبت عينيا و وليت لبلاصتي
سليمة: مدام.. موسيو حمزة وصاني قالي مديلها تتعشا
هزيتلها راسي ايه
سليمة: كاش متحتاجي؟
_ايه نحتاج
سليمة: وشنو مدام؟
_نحتاج تيليفون و مفتاح تاع لبيت..
سليمة: لا لا مفهمتينيش، قصدي اذا...
_مالا مفيكش فايدة تقدري تخرجي
شافت فيا بحزن كانها تشفق عليا... شحال نكره هاذ نظرات..
خرجت و بلعت لباب وراها سمعت صوت لمفتاح..
نفخت و شفت فلبلا تاع العشاء بصراحة جيعانة كامل نهار مكليتش..... واش نهدر انا.. اكيد مراحش ناكل سم تاعه
تكيت راسي على الحيط نشوف فسقف...
توحشت دارنا... توحشت قعدتي مع ماما و ضحكنا... حياتي تبدلت بين ليلة و نهار.... مع انو مشي هاذ شي لي قاهرني... اكثر حاجة زعفانة منها فلحكاية.. اني هنا بسباب بابا و جدي.... مخي مراهش متقبل بلي دارو فيا هاذ لعملة و دفعوني هنا بالرغم من انهم عارفين واش راح صرا....
شفت فسرير واسع و غلافه ابيض و نظيف... اكيد يكون مريح... شفت فحالتي فشلانة علخر حابة نريح... مي فنفس لوقت ماحاباش نستعمل حتى غرض مهذاك ***
تنهدت و غمضت عينيا نحاول نرقد........
_ _ _ _
متلايمين على طاولة لعشا..
كامل ياكلو فسكات و توتر باين عليهم....
اخيرا نطقت شكران قطعت هذاك صمت..
شكران: اييه حمزة واش ناوي دير دروك؟
حط لملعقة من يديه و جمع يديه على طابلة و شاف فيها
حمزة: فاي موضوع يا مرت بابا لعزيزة..؟
شافو كامل معاه..
شكران: فموضوع بنت لهاشمي لي حاجزها عندك... على الاغلب معارفش معامن تلعب... قبل نهار كانت راح تقتلك
مراد: شكران...
شافت معاه
مراد: برايي مش وقتها هاذ لحكاية
حمزة: لا لا بابا خليها تحكي.. حكمني لفضول نعرف علاه راه زاعجها موضوع ليان..
شكران: normalement تعرف مليح واش قصدي خمم فهدرتي... .....
انا لازم نرقد ليلة سعيدة..
ناضت و طلعت لبيتها
كبس على يديه شاف في مراد و ناض
حمزة: و انا مبقاتليش شهية هنا لازم نمشي لداري عندي شغل... تصبحو بخير
VOUS LISEZ
♕° ليان.....Liyan °♕ __ [=باللهجة الجزائرية=]
Aksiقصة في منتهى الخيال تتحدث عن فتاة تعيش حياة في وسط لمافيا، يدفعها اهلها لتختلط في شؤونهم تتحول حياتها راسا على عقب بسبب شاب لا يوجد في قاموسه كلمة حب او رحمة... حين تقع الضحية بحب مختطفها تابعو القصة لتفهمو ... اتمنى لكم قراءة ممتعة 🥰 🔞♨️
![♕° ليان.....Liyan °♕ __ [=باللهجة الجزائرية=]](https://img.wattpad.com/cover/320566589-64-k500516.jpg)