خرج ملفيلا بكل هيبة لتفت لواحد من رجاله
حمزة: خليو عينيكم عليها، اذا حاولت كاش مادير عيطولي
....: حاضر موسيو
ركب طوموبيل و قلع بيها طاير، وصل للقصر نزل و دخل.....قابلاتو لينا
لينا: حمزة؟...
شاف فيها عاقد حواجبه و منارفي
حمزة: واش؟
لينا: سمعت بواش صرا....
شافت فيه بحزن
لينا: راك مليح؟
هزلها براسها ايه و مسح على راسها
حمزة: راني مليح ختي متقلقيش
عنقاته و دمعو عينيها
لينا: دير بالك على روحك
نحات روحهها عليه و شافت فيه
لينا: منتحملش لكان كاش مايصرا فيك... قولي شكون كان السبب فلي صرا؟
تنهد و حكم يديها
حمزة: ميهمش شكون مي ... راح يدفع الثمن غالي صدقيني
لينا: الحمدلله مصرالكم والا هذا هو الصح
هز راسو ايه
حمزة: خلاص انا عندي شغل... ميخصك والو؟
لينا: سلامتك خويا
.. طلع مع هادوك درج..لحق للبيرو تاع باباه.. حل لباب و دخل.. شاف باباه قاعد قدام لبالكون و يخمم.. غير شافو مراد ناض يجري
مراد: واش درت فيها
حمزة: حكمنا طفلة ديتها للفيلا تاعي ..
مراد: ايييه!، علاه مقتلتهاش..واش دير فلفيلا تاعك... واش ناوي دير بيها..
حمزة: مع لوقت تبان خليها محبوسة دوك نشوف شاندير
مراد: و رايحين نخليو عائلة لهاشمي هاك... بلا منردولهم فعلتهم؟
شاف فيه ڨحرلو..
حمزة: متخممش كلش يجي في وقتو
مراد: واش رايك نزدمولهم لمزرعتهم مع رجالنا
حمزة: لا... مراحش يكون انتقام هكا... خليها عليا انا نعرف واش ندير..
مراد: خلاص مالا.. ني تاكل عليك مراح ندير والو
حمزة: وينو اوس؟
مراد: جا قبيل شوية.. راح يرقد
حمزة: بابا، بعدو على هاذ شغل منيش حابو يتخلط مع هاذ لعالم
وقف مراد شاف في حمزة يحدق فيه
مراد: اصلا راه عايش فهاذ لعالم حمزة ...
حمزة: راك فاهم مليح واش قصدي
خرج و بلع لباب وراه
هود قابلاتو شكران قلب عينيه و جا خارج حبسه صوتها
شكران: حمزة
دار عندها ڨحرلها قربتله و شافت فيه بكل ثقة
شكران: مرة جاية منحبكش تخلط ولادي فاعمالك ***
تبسم باستهزاء
حمزة: من وقتاش تهدري بهاذ الاسلوب معايا
شكران: كي يوصل الموضوع لاولادي نحرق دنيا على جالهم
تبدلت ملامحه و قربلها..
حمزة: متنسايش اوس كيما راهو ولدك.. راه خويا و صدقيني محبتو عندي كثر ملي تخيليها... مالا مرة جاية مننصحكش تحكي معايا بهاذ الطريقة راني محتارمك على اساس ام خاوتي و مرت بابا .. بصح صدقيني مرة جاية منرحمكش و منسمع لا بيك لا بغيرك ..
خرج برا القصر و خلاها مرعوبة من كلامه تعرف حمزة كي يحط حاجة في راسه ميخليهاش
_ _ _ _ _
مريحين فصالون يسناو فكاش خبر حتى دخل واحد مرجالهم
.... : موسيو توفيق
حسين: كاش خبر على ليان
......: تفقدناها فلمطار قالو سافرت لايطاليا
تنهدت رانيا
رانيا: يعني راها بخير؟
......: ايه و من الاحسن متتواصلوش معاها.. عائلة لهاشمي راها تحوس عليها فكل مكان
توفيق: خلاص تقدر تمشي
رانيا: الحمدلله ياربي
شافت فيهم
رانيا: هاذي اخر مرة تدخلو بنتي فشغلكم هاذا سمعتو
توفيق: رااانياا
غزرلها بنظرة تقتل شافت فيهم و طلعت تجري للبيت
VOUS LISEZ
♕° ليان.....Liyan °♕ __ [=باللهجة الجزائرية=]
Acciónقصة في منتهى الخيال تتحدث عن فتاة تعيش حياة في وسط لمافيا، يدفعها اهلها لتختلط في شؤونهم تتحول حياتها راسا على عقب بسبب شاب لا يوجد في قاموسه كلمة حب او رحمة... حين تقع الضحية بحب مختطفها تابعو القصة لتفهمو ... اتمنى لكم قراءة ممتعة 🥰 🔞♨️
![♕° ليان.....Liyan °♕ __ [=باللهجة الجزائرية=]](https://img.wattpad.com/cover/320566589-64-k500516.jpg)