أمُنيه

٧٠

بسم الله
ـــــــــــــــــــــــ
اللهم صل على محمد وال محمد في الاولين
وفي الاخرين وفي الاملاء الاعلى وفي المرسلين
اللهم بلغ روح محمد عني تحيه كثيره وسلاما
ـــــــــــــــــــــــــــــــــــــــــ
لن تموت اذا خسرت من تحب لكنك ستعيش كالميت

** ملاحظه... الصور الراح تنزل كله حقيقيه
مثبته مثل القبلهم، والمكتوب كله بخط ايده
تأليفه وستأذنه منه لان خصوصياته حتى طلب
اخفاء بعض الكلمات وخفتهن الدزت الصور
وان شاء الله مابقه شي لنهايه اسفه اذا
طولت عليكم بسرد او الاحداث بس
ماردت اخذ حق الروايه.

ـــــــــــــــــــــــــــــــ نعود

عراق. مسلم وين رايح

مسلم. سمعته گال صگر مايگعد
هسه راح اشوف اشهب واطلع البكر
انته ترجع ارتاح وتعال الصبح صارلك
يوم ماگعدت

عراق. ويبقه بحده

مسلم. ليش غير الكادر وعلى مايگعد
انه انته جاين
واصمع يم اشهب

عراق. تمام
ـــــــــــــــــــــــــــ
ملاك. وخرر

سطام. ليش ترجفين

ملاك. سطام ابتعد
حصرني بينه وبين
الحايط مو سطام
الگبالي

سطام. ماترديني

ملاك. اي وخر

سطام. طگين ظهري مو

ملاك. سطااام

سطام. شما اريد اكرهج
ماگدر جاي احط كل مساوئج
والسويتي
گبال عيني
تدرين شيصير
"اغمض عيني وامشي"

ملاك. اذا ماتوخر اتصل على دوسر
حيييل ضايقتني اذا بالك
انه ذيج ملاك لالالا اختلف ملاك
الجانت حابتك ولت تعرف شنو
ولت بححح

سطام. يعني نسيتي كل شي

ملاك. غمضت عيوني ماخذه شهيق
فتحتهن ورفعت عيني

سطام انه حقدت عليك
لدرجه ماتتخيله انته دمرت حياتي
لحظات ولحظات انته دمرته
ريت حاسه بهل شي من
گبل جان عشت حياه تتمناها
كل بنت معَ باقر

صفن بعيوني حسيته يدور جواب
للشي اليدور براسه
اختصرتها بجمله

ملاك. اي حبيته، وخليه بالك انه ام سطام
سطام بااااقر

بعدت ايده ومشيت مالتفتت
"" مشيت بقوه عجيبه هيج الاعتراف يقوي ""

ـــــــــــــــــــــــــــــــــــــــ نعود
ذكرى. واگفه الماي ينزل على راسي

"" تمنيت اكون ملح واذوب واختفي""

حملوني شي هوا مو ذنب
عذبوني بكلمات اكثر من الكتل
تحطمت روحي شويه شويه

سديت الماي لان الباب ندگ
تخيلو خلص وقت حمامي
كلشي محسوب بدقيقه
لبست ملابسي وطلعت
عمتي واگفه تنفخ