أمُنيه

بارت ٢

بسم الله
ـــــــــــــــــ
اللهم قلباً عفيفاً نقياً تقياً يخشاك سراً وعلانيه
ـــــــــــــــــــــــــ
يگول.. ردنه ننسى ومانسينه
ـــــــــــــــــــــــــ
ركضت لصگر يرجف
وحالته حاله لحد
ماطاح بلگاع يرجف
وصوت سيارات الشرطه
والاساعف رج المنطقه رج
اندفر الباب دخل مسلم مدمه
وعيونه حمر دنگ على صگر
جره من بكر طگه راشدي بقوه
وجر راسه يغسله

مسلم. شوداااا شودا

بكر. هو لحگ اشهب شمعرفنه

مسلم. استغفر الله ربي ولك صگر
خررررب راح يتخبل

بكر. امشي نودي مستشفى

مسلم. صدمه صارت بي
افتح السياره اشيله

ريم. مسلم شصاير

ولا جاوبني شال صگر
الفاقد وطلعو
ضليت افتر بلحديقه
لحد مادخل اشهب
متروس دم ترس
شهگت على منظره
يخوف عيونه حمر
گلت صگر بي شي

اشهب. اسم الله انتي شبيج نوب

ريم. اريد احجي ماكو لحد مانززني
صوت جهازه عافني وفتح الباب
دخل مسلم شايل صگر
مددو بلصاله اسئل ومحد يجاوبني
لحد ما زمخ بيه بكر سكتت
سمعت صوت طلعت اشهب
يحجي بجهاز

اشهب. نيار مجزره مسوينهم
شتحجي الله وكيلك موذرينهم
....... لا الشرطه صورت
كلشي ومعروفه كاتبين بصبغ
بكل الحيطان ثار(......) ........ ان شاءالله
..... اوف نيار لميتهم لم من الگاع
انه ومسلم وام صفاء شالت المره
اخوك تخبل
... لا صگر..... هو دخل وشافهم
وياي... يلا ستعجل بلكت تلحگ

ريم. خلص مكالمته وانه لهسه
مافهمه شي لتفتت شافني وتخطاني
وگف عدرج والتفتت

اشهب. ريم عينج على البنت

ريم. اشهب ابوس ايدك شصاير
شنو مجزره شنو ثار منو ذوله
حسيته يريد يحجي بس فززنه
صوت صگر ركضنه للصاله

اشهب. صگگر اهدء

صگر. لك اشهب ناحريهم مگطعينهم
اشهههب

ريم. بعدني بهولتي تقيء صگر لتمو
علي تخبلت من صاح صگر

صگر. ولكم شفتو حمودي شمسوين
بي موذري بككر راسه جوه الكرسي
ورجلي بلباب لو عثمان المشرحينه
شرح لو مرته ولكم مجزرررره

بكر. كافي خويه كافي

ريم. اسمع وجسمي صار ريشه وگعت احس الگاع فترت
بيه

فزيت گاعده دنيه ظلمه
تلمست بلكت حلم شغلت الضوه
مسلم نايم بلگاع على الكاشي
وسمسم وروح بحضنه وصگر
كانوله بيده وبكر نايم على
الكرسي وهو گاعد طلعت
ماكو لا لبوي ولا اشهب
گعدت بلمطبخ بجيت
من خاطر مامصدگه
لحد مسمعت بجي روح رگضت اله شايله مسلم تصرخ بعلو صوته وسامر بلگاع