منطقة "13"
مريم السعدي
لاتنسون : التصويت - التعليق بين الفقرات - متابعة لحسابي 🤎🔥.
أذكرك وين ما صحلي مكان ابچي
أذكرك والدمع يحچي
وأسد عيني ويجي طيفك يگلي امشي
وأگودك طيف بس يا طيف
تنهَد من أفك رمشي
تنهَد وأرد شمعه بّاب
ويمر الهوى يطفيني وأبين حاب
الهوى الما بي عطر منك عليمن هاب؟
________________________
"سلمان"
صبح الصبح وطلعت وي راجح ومحمد وراي يمشي ويمسح خشمة بطرف ردنة ويون عبالة حـ اكولة ارجع انداريت علي نترت :
_الزم المالج زين لـتصير مايع.
_محمد : أييييييي.
_سلمان : وجعيي ، رفعت تك حاجب خزرتة والتفتت باوعت لـ راجح .
_سلمان : اليوم حودة طلع الاسبوع الخلصة بالبيت ، باوعت لـ محمد والتفتت لـ راجح البتسم .
_راجح : تدلل اليوم ولا طابوكة تظل جوا بيت الحسناوي كلهن يصعدن ، جاوب محمد بااستهزاء :
_محمد : اصعدهن قابل شنو نمونة فد قضية يعني .
_ سلمان : هههههه تدري كم باية عدهم عبالك مثل درجنة شبخة وللسطح ، عينــي درجهم 13 باية روح اكلها بالعافية عليك خل اشوفك شلون بعد تتكلب بحضن امك واخ واخخ ويمة راسي و*** يوجعني امشي لك خنثة ، درت وجهي لـ راجح .
_سلمان : راجح الگبان نسينا بيت الصايغ اروح اجيبة واجيكم عينك على هذا اذا سخت من اجي اني اعرف شلون اشتغلة زين .
_ راجح : صار يابة صار .
_سلمان : باوعت لـ محمد يباوع بااستهزاء مو مال افكس عينة انتبهلي اباوعلة دار وجهة يبتسم ويفر بأيدة صلف حيل وميحترم دلال امي سگطة حيل ، احساس ما عندة صار ميهتم مثلاً : يخلص المي الحار وكت جية أبوي عادي عندة ، ياكل الخبزة الزينة قبل گعدة أبوي عادي اهم شي هو قبل الكل .
وهذا الشي جان حيل غاثنة اني و راجح وابوي بالبيت مااگدر اخبزة ( اضربة ) لـذلك اخبزة بالشغل اخلي يمشي على صراط المستقيم .
تمشينة للشارع ضليت انتظر التاتة ، انطيت كروة لـ راجح علمود يرحون للشغل طريقي غير طريقهم اجيب الگبان واروحلهم ، بهل الاثناء اجتي سيارة التصريف تسحب المـي مال التصريف لان ماكو مجاري بـمنطقتنة والريحة تذبح .
_سلمان : وصلت لـمنطقة بيت الصايغ تمشيت بالفروع لتاخذني لبيـتة ، امشي وقميصي مطگع لفيت قمصلة أبوي مال الجيش على جسمي بردان حيل ، بألف ياويلاه وصلت لبيت الصايغ طبيت ركض للبيت واشوف المي مفتوح وصوت صدى بالداخل ، طبيت ساكت واحجي وي روحي :
أنت تقرأ
منطقة "13"
Mystery / Thrillerالسلام عليكم اخوان هاي قصة منطقة 13 بسرد جديد طبعا القصة كلش سردها ماينفهم لذلك حبيت اعيد سردها من جديد *ملاحظة ( القصة للكاتبة مريم السعدي مو الي بس القصة الأصلية جدا محلو سردها وشفت هواي بنات يتركوها بسب السرد رغم هيه جنن لذلك حبيت ارجع اسردها)
