منطقة "13"
مريم السعدي
لاتنسون : التصويت - التعليق بين الفقرات - متابعة لـحسابي 🤎🥀 .
----------------------------------------------------
"سلمان"
-شفتج بالحلم قبل لا اشوفج بالواقع ..
التفتت عليه عاكدة حاجبها وتخوصرت مستغربة من كلامي سألتها مستغرب .
-شوكت حلمتي بيه انتِ ؟
احجي وياها عيوني تفتر مرة عليها ومرة التفت خاف واحد من اخوتي ينتبه ، باوعتلي وحكت وجهها وخلت شعرها الملفلف ورا اذنها وعاكدة حاجبها ، همست ونزلت عيونها للكاع تتذكر .
-يمكن أول البارحة بـ يوم شفتك بي .
اردفت مضيقة عيونها :
- اضن انك اجذب علي ؟
ابتمست وهمست :
-لاوالله مااجذب .
- وراي شغل وانتَ بس تلغي شيفيدني منامك عگب مايطكني أبوي .
- صحيح حقج .
سلمان : عفتها ومشيت التفت وراية اشوفها لكيتها تمسح وتتلتفت علية مستغربة .
- وصلت يم الولد وبلشنه بالغرفة ، وبالي كله يمها مدري شيصير بيه من أتذكر استغرابها وبرائتها ، خلصنة شغل المغرب ورجعنا للبيت جان البيت فارغ مموجودين وهيج خلصت يوم يجر يوم ، بس جان وضعي حيل موزين ومتغير بحيث حدما اسمع صفارة الحارس يلا اكدر اغفى ، كل تفكيري صار بيها صفناتي زادن افكر بيها واكلي قل.
اخوتي مرتين شافوها وشافو اختها ، بس مقهرني غير من راجح شاف اختها الجبيرة وكالي
- أكلك شو هاي مدري شلون تباوع .
- سلمان : شلعينا راجح سد حلكككك .
- راجح : لا شعليه بس شكلهم مو خوش يعني بعد شوية ويكول لابو البيت بيتها عندك .
نترت بصياح متحملت كلامة
- سد حلكك معلينا معلينا .
انتبهت على نفسي وسكتت ، جنت ادوخ بنظراتها ، جانت ماتقبل وضحه اختها توديلنا الچاي والريوك تكمز تكول اني اودي ، واكعد اني انتظرها دقيقة دقيقة وبس اسمع خطواتها اركض وأخذ الصينية منها مااخليها تفوت للغرفة واتخبل من محمد يكول عليها
- ام شعر الطويل تخبل .
نظراتها الي صارت حنينة رغم كلمة منحجي بينا ابد باقين بس بالعيون ، ومن اشوفها تباوعلي اعوف كلشي بيدي واصفن عليها على ما تروح .
قبل ليكمل الشغل بكم يوم كعدت اشرب چاي وي ابوها وتبادلنا أطراف الحديث وسألته
- وين كاعدين عمي ؟
- والله يابة منا ومنا يعني كل يوم بديره والحمد لله .
- سلمان : يعني ماعدكم مكان ثابت شنو !؟
- يابة احنه مو منا يعني يصير عدنه شغل هنا نجي ومن يكمل نرد لاهلنه .
- وين اهلكم يعني ؟
أنت تقرأ
منطقة "13"
Misteri / Thrillerالسلام عليكم اخوان هاي قصة منطقة 13 بسرد جديد طبعا القصة كلش سردها ماينفهم لذلك حبيت اعيد سردها من جديد *ملاحظة ( القصة للكاتبة مريم السعدي مو الي بس القصة الأصلية جدا محلو سردها وشفت هواي بنات يتركوها بسب السرد رغم هيه جنن لذلك حبيت ارجع اسردها)
