سهر في الوغى

البارت 2

اللهم صلي علئ محمد وال محمد

ساره السعدي

********************************

في احد الازمان وفي اللامكان وجدت انا

من انا

انا كتاب في عيون كاتبة
انا حياة في عيون بطلة
انا حرب في عيون محاربة
انا سيدة في عيون نفسي
انا ام في عيون اطفالي
انا الوطن في عيون حبيبي
انا السهر في عيون ليلي
انا الوغى في عيون حربي

من انا

ومانحس غير فجأة اندفع باب الحوش جان يطبون الجيش رأسا رافعين سلاحهم علينا رجف حيلي

اباوع لوجوه خواتي صارن صفر من الخوف واني مااقل عنهن كام ابوي بسرعة وكف واحنة وكفنة بظهرة خايفين خاف يأذون ابوي وهاشم من جهة وخاف يوصلون النا من جهة ثانية

جان يحجي واحد منهم انتبهت لشكلة حشا خلقة اللّٰــــه مابي ذرة رحمة عبالك جلاد وجاي ينفذ حكم الاعدام كال

-:ولدك الفرارية وييين عبالك من يهربون من الجيش ماراح نصيدهم

سهر: ابوي وجهة صوفر واباوع علئ ايدة ترجف دمعن عيوني علئ حالتة الى متئ نظل عايشين احنة بهذا الحال خفت خاف يصير بي شيء حسيت دموعي واكفات بطرف عيني الي يكلي بزز هسة افحط بجي رد عليهم بصوتة المهيوب

-: مااعرف وينهم واذا تردونهم روحوا دوروهم واخذوهم ماعندي شي انييي

سهر: الضابط رفع حاجبة وضحك اكثر ضحكة قبيحة شفتها بحياتي ولهسة اتذكرها اشر للجنود كاموا يدورون بالبيت ويكلبون بالغراض بالعناد

واحنة صايرين مثل بلاع الموس لانكدر نطلع ولانكدر نبلعة هذا حالنة لانكدر نحجي ولا نكدر نسكت تالي كلشي ما لكوا التفتت المسؤؤل لابوي وكال الة

-: وين يرحون وراهم وراهم وصللهم هذا الحجي

سهر: تالي اخذ چلابة وطلع كعدت بالكاع من الهبطة رجلية بعد ما يعينني اكوم كامن اخواتي يلملمن بالغراض صديت لابوي اشوفة مهموم وجهة مكدر

نقهرت علية وعلئ هالحالة الي وصلنة الها حصار و حرب الناس عايشة بالضيم يادوب يلكون لگمة ياكلوها واحنة خلف اللّٰــــه علئ الزرع الي

معيشنة والحمد لله علئ كل حـــال احنة احسن من غيرنا مرات ابوي ياخذ نص من الزرع ويودي للناس المحتاجة الي بمنطقتنا

دائـــماً من يشوفة اخوية محمد يودي للعالم يكول لابوي ليش توديلهم وهمة جانوا هيج يسوون وهيجج ابوي يرد علية