فصليه لَكن لا بأس

part26

لاتنسو التفعل بروايه
ولا رأيكم عن البارت

يلا

بسم الله الرحمان الرحيم

ــــــــــــــــــــــــــــــــــــــــــــــــــــــــ

افكاري المتشتته والي هوايه ساعدتني بأنو ما احس بتعب رجلي
وصلت لبيت خالد دگيت الباب
فتح خالد

ــ علي

ــ وخر

طبيت لبيته و گعدت بصاله

ــ على الأقل جان اطب من اعزمك

ــ عايش وحدك شنو عندك حتى انتضر كلمتك

ــ شبيك شنو هل وضع

ــ سوي جاي مستبرد

ــ گوم شوف شلون مبلل روح للغرفه و بدل

ــ غرفتي

ــ اي غرفتك روح يلا هس تمرض

ــ اي اصلاً مريض

ــ اليوم مارح انام لعد روح بدل على ما اسوي جاي

ــ مارح اثگل عليك

ــ لا لعد صدگ انتَ مريض

ابتسمت و صعدت ابدل ملابسي نزلت و هو جان جايب الستكانات الجاي والقوري منتضرني وگفت يما

ــ صدگ عود ليش عندي غرفه يمك

ــ من زهراء راحت بقيت تبات عندي سنه
فا وقتها سويت هل غرفه الك ما تذكر

ــ ها اي صحيح

ــ اگعد اگعد جيلان خلتك تفقد الذاكره

گعدت و بوعت من الشباج

ــ تدري موصل ما بيها خريف بيها ربيعين دايماً مليانه ورود ما يذبل ورودها و بشتى المي الي ينزل من قطرات المطر القليلا يتجمد بشورعها ما تگدر تلگه مكان بي هواي مي يكون المي متجمد
و بصيفها ما تحرگك حرارتها بس تدفيك كأنها خريف
هه حلو مو

ــ هس انتَ تحب جيلان لو مدينتها ما فهمت

ــ كل شي يتعلق بيها

ــ اخ يا ضلع ما لگيت غير درب العشگ

ــ ما طلبته هو اجه من يمه

ــ جاي ادوي نفس الجرح بس هل مره اغمج

ــ مو بيدي والله اني ما ردت اني منعت روحي بس گلبي دگ و عقلي تخدر

ــ اوف

تقرب مني

ــ انت اعترفتلها مو

ــ لا ما گدرت

ــ و رح تطلگها بدون ما تعرف حبك

ــ هي تريد

ــ ادري بيك متفهم و انسان سياسي تعامل بس الحب مو هيتا ولانها سالفت شغل لازم تحلها و تاخذ تصويتات، تروح تعترفلها اذا رفضتك عود طلگها