حياة بلا عنوان

لم أكن شيأ

2006 كعدت الصبح ملكيت أمي  والبيت مو مثل كل يوم ابوي مموجود خواتي نايمات وره شويه اجت بيبي ام أمي  وبنت عمي حوراء فرحانات كالن أمي  جابت ولد اني ضجت وطلعت بالطرمه ابجي جنت أريد تصير عندي اخت اصغر مني وره شويه اجه ابوي فرحان لأن  صار عنده ولد بعد اربع بنات عندي اخو اكبر من عدنه ورا صرنه اربع بنات بس جانت كل ماتحبل أمي  ابوي يهددها اذا متجيب ولد يطلكها لحد من جانت حامل واني بطنها من جابتني الكل ضاج لأن صرت بنت مو ولد فـ مااهتم النه احنا البنات كأنو شي زايد بحياته ميريده واصلا هوه خلص حياته ويه أمي  بس مشاكل جان يدور سبب يسوي مشكله والله  ماقصر نطا ولد إلي  يريده وصار مدلل عنده وياويل إلي  يضوجه بكلمه يورفله كل إلي يريد يكعده بنص الليل يكله طلعني شتريلي يطلع يدور اسواق مفتح ميلكه يروح لهل الاسواق للبيت يكعدهم حتى اخوي يشتري واذا ينام وتطفى الكهرباء يخلينه نكعد نهفيله لحد ميكعد ويضربنه واحنا لازم منحجي حتى ليزعل مرت الأيام وصار عمري يسمح ادخل مدرسه وجنت متحمسه وفرحانه اخبرا رح ادخل مدرسه إني  احب الدراسه كلش وذكيه واني بعمر 5 سنوات تعلمت اقراء واكتب  بس مامكلت فرحتي ابوي رافض ادخل مدرسه مثل مارفض أختي تدخل مدرسه زهراء  إلي  أكبر مني  بسنتين بيومها بجيت بجي لحد مانشفت دموعي ضليت بدون اكل ولا شرب لمن اجه اليل مقبلت انام ع فراش كتلهم كلشي مريد بس بجي مستمره راحت أمي  اسمعها تحجي  ويه ابوي 
أمي  خطيه جنه جانت فرحانه رح تدخل مدرسه حالها حال هاي البنات
ابوي خلي تولي شنو تدخل مدرسه شتريد تصير مثلا
أمي  مو اله تصير اهم شي  تتعلم تقراء وتكتب
ابوي كافي ماريد اسمع حجي زايد كلت ماكو مدرسه يعني ماكو
أمي  خطيه اليوم كله مماكله شي وبس بجي
ابوي عوفوها تولي يطكها الجوع وترجع مثل الجلب
إني  اسمع وعيوني تصب الدموع عشره عشره مااحس اله صار الصبح واني نايمه بدون مااحس نايمه واني كاعده والدموع ناشفه ع وجهي كعدت بس تمنيت ماكعدت كعدت واني اشوف مستقبلي مدمر كدامي ومكدر اسوي شي تمنيت شخص يكدر يحس بألي احسه ويجي يوكف بوجه ابوي ويضغط عليه او يحجي ويا بتفاهم ويخلي يوافق بس محد غير أمي  إلي  ماالها كلمه ع ابوي مشت الأيام وهوه ولا كأنو عنده بنات ويردن يصرف عليهن لا لبس لا مصرف ضالين ع خالاتي ينطنه ملابس بناتهن القديمه واحنا رغم قديمه بس نفرح بيهن لأن ابوي ميصرف علينه أبدأ ذاك اليوم ندك الباب اجت مرت خالي كالت أريد  اروح للحفافه اريدج ترحين وياي رحت وياها من رحنه للحفافه كالت اريد اشتري صبغ شعر الحفافه دلتها ع وحده تبيع رحت إني جبتلها وشفت عدها تبيع هواي شغلات هيه من قرابتنه كلت لأمي كالت روحي جيبي علاكه غراض خلي نشوف رحت جبت أمي  كالت روحي فتري بيهن ع بيوت طبعأ كلها قرايب المنطقه كلها اهلنا رحت فتريت بيهن وبعت وازود ع سعر بعت هواي وحصلت فلوس مااذكر شكد بوقتها بس فرحت بيهن أول  مره يصير عندي فلوس وبتعبي احساس كلش حلو فـ أمي  كالت اتفقي وياها كل فتره تاخذين منها علاكه غراض وتبيعين بيهن وترجعين الباقي وتحصلين عليهن قبلت هيه ضلينه انروح إني  واختي  زهراء  نجيب من عدها غراض واني افتر بيهن والحاصل بنص إني  واختي جنت اطلع وقت الضهر افتر ابيع مرات تصير وقت الدوام المدرسه  ومرات تصير ويه الحله واشوف البنات رايحه للمدرسه واني بأيدي علاكه غراض كوه شايلتها ايدي مورمه من الثكل والبنات لابسات صداري ومرتبات وشايلات الجنط إلي  هسه المفروض إني  حالي حالهن بدال مااشيل علاكه غراض اشيل جنطه بيها كتب واعيش حالي حالهن اصفن عليهن ودمعه بطرف عيني لااكدر انزلها ولا اكدر ارجعها والحركه تاكل  بكلبي   مرات الناس تسألني ليش مرايحه للمدرسه معرف شحجي مرات اكلهم ممسجله ويتسألون اكثر  ومرات اسكت ووووووو أمي  حملت مره ثانيه  بس هالمره مجانت تريد تحمل بس صار بعد وجابت ولد سمو آدم إني  ضليت اساعدها عليه اسهرله اسويله ممه اسبحه ابدله اشيله هتميت بي أول مانطق ضل يصيحني ماما 😂 وضليت بين اربي اخوي وبين اشتغل وبين اجيب احتياجات البيت وبين اتعلم أقرأ واكتب والحمد لله تعلمت أقرأ واكتب  ابوي متقاعد وعنده سياره يشتغل بيها تكسي مره استلم راتبه ومخلي بغرفته إلي  مستحيل أحد يوصلها وهوه راح شتره مبرده اجه لكه فلوسه ناقصه 50 الف كلب الدنيا كلاب منووو البايك منهنننن منووووو واني رايح اجيبلكم مبرده اجيبلكم مررررض انتو هيج وهيج وضل يغلط ويصيح وراح احلفكم واحد واحد أريد اعرف منو الي بايك أمي تهدي بي ميفيد كلتله لعد اذا تتوقع منهم يبوكون منك ليش مو انته إلي تنطيهم ليش تخليهم بعازه ويرحون لطريق الحرام كلها انتي سكتي انتي هم وياهم ضل مقرر انو يحلفنه الكل يحلف ع قرأن انو هوه مبايك فلوسه واخر شي طلع هوه صارفهن وميدري بروحه وسد الموضوع كأنو مصار شي نخلي من يطلع  نشغل التلفزيون ومن نسمع صوت الباب كبل نطفي لأن  ميقبل نشغل تلفزيون ولا مخلي عدنه تلفون بالبيت صار 2011 أختي الجبيره نخطبت وزوجت ابن عمتي وبيوم الزواج مقبل أمي تروح وياها بس اني واختي ساره رحنه وياها واختي أمل  ضلت يم أمي  من ردنه نرجع باليل اختي ساره رجعت ويه بيت خالتي واني وبنت عمي رجعنه ويه بيت عمي الثاني اجينه وصعدنه بسياره بدون منكوله نروح او لا لأن  اذا ناخذ أذن منه ميقبل نرجع ويا بطريق ضحك بستهزئ كال ههههههه لو جايبه علاكتج وياج وتفترين بيها هنا تردون غراض ودكين ع بيبان يقلد عليه إني نقهرت طريق خلصته بس ابجي إني  من اصعد سياره اتقيئ لأن  مااصعد سياره كلش قليل ممتعوده عليها كال اذا تقيئتي انزلج هنا واروح يتعامل بس وياي هيج لأن يعرف علاقتي بأبوي مو زينه بدال ميصير هوه السند يصير مثل اخو خلص هذا اليوم أخيرا مصدكت خلصن نهايه سنه 2013 خطبو لأخوي الجبير وانقلنه لغير بيت بغير مدينه وبعد ماستقرينه بالبيت اتزوج اخوي إني  بطلت بعد مااشتغل لأن إلي أخذ منها صارت بعيده اله بسياره واهلي ميخلوني اطلع من رحنا لغير مدينه خلصت من السوك ماكو قريب علينه اله بسياره ابوي نجبر هوه إلي  يروح وضل هوه يجيب كلشي للبيت بدالنه إني  واختي لأن  احنا بعد منعونه من الطلعه