حياة بلا عنوان

ولادتي

رحت للمستشفى وأخذت وياي الجنطه المجهزه بيها غراض الطفل فحصتني الدكتوره كالت نازل المي مال الطفل بس معندج ولاده خلولي مغذي وكالت من يخلص ترحين للبيت ضليت احاول ويه دكتوره حتى تشوفلي حل واولد لأن نزل مي الطفل ميصير انتظر لمن تصير ولاده الطفل ميعيش ماكو فايده وياها ضليت خايفه ع طفل اتصل عليه حيدر كال ها شكلولج كتله تكول معندج ولاده وخلولي مغذي لمن يخلص نطلع للبيت المغذي ميمشي ع كيف كاعده بالغرفه وحدي وانتظر المغذي يخلص ماكو ميمشي مااحس اله دخلت عليه أمي بوستني وهيه خايفه عليه فرحت من شفت امي يمي اخيرا ابوي قبل يجيبها وكل شوي وحده من خواتي تتصل عليها تسألها عني وحيدر يتصل عليها كلتله داتبجي كلها خلي احجي وياها كال الطفل مو مهم المهم انتي طلعين سالمه الطفل يتعوض ومن سمعت كلامه زدت بالبجي لأن محد يحس بالأحساس الي احسه الطفل نتظرته سنين وعاش بداخلي وكبر بداخلي واحس بحركته داخلي شلون بسهوله يكولون يتعوض وامي ضلت تصبر عليه انتي قويه وتتحملتي الأصعب هاي سهله عليج اني بوقتها أبدأ مجنت خايفه من الولاده لو خايفه ع نفسي جنت خايفه ع طفل مليت من كعده المستشفى بدون فايده وكل شوي تجي وحده تفحصني تأذيت ومليت من الساعه 10 ااصبح للـ10 باليل واني بالمستشفى الغرفه محد بيها بس أني وامي كتلها ساعديني كالت سنو حسوين كتلها بس ساعديني فتحت المغذي وذبيته وصحنه للمرضه كنالها خلص ورحت للكتوره فحصتني وطلعنه من المستشفى رجت للبيت لكيت عمتي جايه تحمدتلي السلامه إني من التعب مكدر احجي والدمعه بعيني الناس كلها عرفت زوجت صديق حيدر اتصلت عليه تحمدتلي السلامه وكالت اختي تعرف دكتوره داوم بنفس المستشفى الرحتيلها نطتني حسابها وتواصلت وياها وشرحتلها وضعي كالت باجر العصر تجين كتلها تمام صار ثاني يوم ورحت سوتلي سونار وفحصتني كالت معندج ولاده وميصير الطفل يضل بطنج باجر الصبح تجين للمستشفى نسويلج طلك اصطناعي جانت وياي اختي إني فرحت أخيرا رح اجيب ويجي ابني بسلامه طلعنه بره نتمشه شترينه من السنتر شبس وموطه ونتمشه اني واختي لمن اجه حيدر اخذنه اختي البيتها ورجعنه للبيت واني فرحانه لان طمنتني ع وضع الطفل مبي شي وباجر اشوفه بسلامه مجنت افكر بالوجع ولا بأي شي غير شوفه ابني صارت الساعه 12 باليل نمت كعدت الساعه 3 الفجر عندي وجع مينحمل يروح ويرجع حيدر كال اخذج للمستشفى كتله لا خلي تصير بـ8 مضل شي صارت الساعه بـ5 واني مثل وضعي حيدر كال بعد مبيها مجال كومي نروح رحنه للمستشفى الدكتوره بعدها مجايه مقبلو يدخلونه بعدين حيدر لكه صديق قديم يشتغل هناك خلونه ندخل بصاله الأنتظار انتظرنه بـ8 بلشنه نسوي الفايل والأجرائات يومي كله جان بالمستشفى الساعه 6ونص المغرب ولدت بالسلامه سمعت صوت ابني وهوه يبجي اخذنه واني اصيحح وين ابني ابني عايش دااحجي وياجن ابنييييي وييييننه اي اي فتهمنه هذا ابنج كلشي مبي شحلاته فدوه للجمال جابته يمي ماشاء الله ابيض وجسمه تارس أول مشفته حسيته شبه ابو طلعنه من المستشفى لكيت حيدر واكف ينتظرنه رحت عليه واني شايله ابنه سمينا أمير رحت يمه كتله شوفه يشبهك واني الفرحه متنوصف وحيدر يباوع عليه والدمعه بعينه رحت ويه اهلي لأن أمي واختي يدارني هناك وثاني يوم اجاني حيدر وضل كل يومين ثلاثه يجي يشوفنه ضليت 19 يوم يم أهلي ورجعت للبيت اجونه هواي ناس اصدقاء حيدر وقرايبه وكلها فرحانه لحيدر صار عنده ولد
وره شهرين ع ولادتي عمتي رجعت يم اطفال بنتها وحيدر لاهي بشغله كل الوقت بالشغل واني وحدي بالبيت وياي طفل صغير يريد اهتمام ويريدني يمه كل الوقت كبرت المسؤليه عليه مريت بأيام صعبه طفل صغير محد يهتم بي غيري باليل سهرانه ويا واكعد 7الصبح اسوي ريوك لحيدر واجهز ملابسه وراها يكعد اموري واغيرله واسويله ممه واسوي غدا وانضف واغسل ملابس مرت الأيام واني احاول مااقصر بشي. لا ويه الطفل ولا ويه حيدر واهتم بنفسي ولا ويه الخطار إلي يجي
مر ع زواجنه 3 سنين وكل هاي الفتره واني احس بحيدر بعده مناسي طليقته اشوفها بعيونه بس اقنع نفسي انو إلي احسه مو صحيح فكرت اسوي حساب جديد واصير صديقته واخلي يحجيلي إلي بكلبه وجنت أريد اسمع منه عكس إلي احسه سويت حساب وخليته يصير بي متابعين حتى ميحس حساب جديد وتابعته بعدين كلت لا مارح اراسله خلي اشيل هاي الفكره من بالي احسن رحت لهلي أريد ادزله منشور ع حسابي إلي يعرفه دزيتله من الحساب الي ردت اراسله منه واصير صديقته رد عليه وصارت سوالف شك انو هاي إني زوجته بس خليته يأمن ونطيته معلومات عني كلها وهميه وفعلأ صرت صديقته لأن اعرفه ميدور سوالف حب بس يقبل الصداقه ضلينه نسولف واني عد اهلي سوالف وضحك عادي وره يوم رجعت من أهلي وهم ضلينه نتراسل من نخلص مراسله امسح الحساب ومن اريد اراسله ارجعه يجي هوه يدور بتلفوني ميلكه الحساب تأكد هاي مو إني اجانه خطار قرايبه راح باليل كعد يمه فتحت الحساب لكيته مراسلني ضلينه نسولف سولف ع حياته قبل ويه طليقته كتله مبين عليك تحبه كال اعشقها عشق اني فتحت عيني عليها لهذا السبب صرت مجنون بيها وضل يحجي عنها وعن حبه الها كتله شنو سويت ونسيتها كال منسيتها لهذا اليوم كل مااطلع ويه عائلتي اضل اباوع بالوجوه اكول بالكي اشوفها اتخيلها بكل مكان ياريت لو هسه هيه يمي لو ساعه لو بس تمر من يمي لو بس احط عيني بعينها تدرين هسه دمعت اااخخخ كلبي وضل يحجي عن حبه الها إلي محد كدر يطلعه من كلبه واني متت واني اراسله ايدي ضلت ترجف كوه اكتبله رظت اعرف بعد كلشي بكلبه حتى اصحه من الجذبه إلي عايشه بيها سألته وزوجتك شنو كال إني ماممكن افرط بحب زوجتي سوا الاوله او الثانيه كتله الأوله وينها كال بكلبي هوه الكلب إلي يقسم الحب واني طلاقي صار بأتفه الامور هيه اهلها جبروها وهمين بسبب ضرفي العائلي ولان مصار اطفال لو رجع بيه الزمن احافض عليها ومااخسرها كتله أريد انام تصبح ع خير مسحت الحساب اجاني سويت نفسي نايمه راح غسل واجه حظني وراد ينام كتله حيدر وخر عني لتلمسني كال شبيج شصاير اخذ تلفون دور بي ملكه الحساب كال شبيج هاي كله لأن مجيت يمج ع وقت كتله مبيه شي بس اريدك تتركني نزلت جوه ونزلت اموري يمي ودموعي عشره عشره والحركه بكلبي ماامستوعبه إلي صار اجه نزل يمي خليت وطلعت من الغرفه رحت للمطبخ بجيت بصوت عالي بس مسمعني رحت غسلت ورجعت للغرفه هوه نام إني مكدرت انام ضليت افكر شفت نفسي مكدر اعيش ويا بعد كل هذا العمر إلي عشته ويا ودائما اكوله انته بالنسبه إلي مو زوجي وبس انته الأب إلي نحرمت من حنانه والأخ الي مصارلي سند انته السند الي وانته الحبيب الأول بحياتي وكل هذا اثبتته اله مو بس كلام هوه يعرف كلش زين شكد اني متعلقه بي واحبه لحد الجنون وفجاة اعرف بي وهوه وياي يحن ويشتاق الطليقته كلش كرهت نفسي وكلت بعد مااضل بهاي العلاقه واني افكر والوجع بكلبي ماحسيت اله
صار الصبح