حياة بلا عنوان

حياة جديده

من جنه بالزياره ام مرت اخوي متصله ع ابوي وكايلتله يردون يجون عليه خطابه يصير من قرايب زوجها إني  ممفكره بزواج أبدأ  فـ كلت لأمي  مريد ازوج بعدني صغيره هسه يلا عمري 19 مريد اتزوج بهذا العمر  كالت نطينه كلمه للناس خلي يجون وشوفي الولد واذا مقبلتي براحتج كتلها اوك اجت أمه وام مرت اخوي  رحت سلمت عليهم أمه  سألت شمخلصه دراسه ابوي إلي  حجه كلها بس ابتدائيه ضروف ومكدرت  تكمل إني  دمعت عيوني خليت وكمت يعني حرمتني من طفولتي ومستقبلي وهسه كاعد تجذب حتى تخلص مني وره يومين خابرو كالو حيجي الولد حتى نشاوف الشوفه الشرعيه وبيومها عرفت بي جان متزوج ومنفصل بعد زواح دام 5سنين وصارله سنه منفصل ومعنده اطفال  من عرفت بي منفصل كلت مستحيل اقبل ومقبلت نتشاوف بس أمي  كعدت تقنعني اشوفه وبعدين  اقرر لأن  أمي  جانت مقتنعه بي كلت ميخالف اجه كعد كدامي بالغرفه جذبني اسلوبه وشكله إني  ويا نفس الطول عنده لحيه وشعره ناعم ابيض شكله رجولي وجها بي قبول ضل يسولف حسيته يريد يعيش مرتاح ميدور مشاكل  مثل بعض الشباب من يزوج يدور وره المراء حتى يسوي مشاكل عجبني كلشي بي بمقابله وحده مطولت اله دقايق وراح إني  وافقت

وره كم يوم جابو الحلقات وكالو رح يزوج بغرفه الأخشاب  القديمه  بس يرتبها النجار إني  مقبلت كالو بس يصير عنده امكانيه يشتري جديده هاي مؤقته كلت ميخالف  حددنه موعد الخطوبه اجه هوه وام مرت اخوي  اخذوني ورحنه نحجز بدله وصالون  اخذني الأماكن بسيطه مو إلي  جنت احلم بيهن كلت ميخالف مو مهم المهم العمر إلي  رح اعيشه ويا طلعنه من الصالون هوه جان ينتظرنه برا باوعتله وبتسمت 😂 هوه دار وجها كلت هذا نفسيه غلست بعد مضليت اباوعله اجه يوم الخطوبه رحنه للصالون خواتي راحن وياي تغيرت 180 درجه رقم الصالون جان بسيط بس شغلها جان كلش حلو وطلعت كلش حلوه إني  رشيقه وطولي متوسط لا طويله كلش ولا قصيره شعري اسود فحم وسرح طوله متوسط حنطاويه اجه السيد عقدنه وضلينه بس إني  ويا بالغرفه إلي  عقدنه بيها السيد كال مبروك كتله إلي  والك كال يلا إني  حروح يم الزلم كتله شنو تروح يم زلم غير نلبس الحلقات كال اوك رحنه بالصاله لبسنه الحلقات واحد يكول الحلقه باليمنه واحد  يكول باليسره وكلها تحجي  😂  ماكو لا ديجي يشتغل ولا هلهوله لأن  اخته متوفيه مدايره سنتها وره راح يم الزلم وره شويه كالو يلا يردون يرحون للستوديو ابوي مقبل كلهم ميرحون من يزوجون ويشردون يسون يسون وكوه يلا قنعو ورحنه دخلنه لغرفه التصوير خلونه وحدنه حتى نجهز للتصوير شال البرنص عن وجهي كال شطالعه تخبلين خجلت مذكر شكتله من الخجل 😂
اجت بنت تصورنه هيه تكول سوي هيح حركه وتصورنه هوه ضل يمشي ايده ع ضهري ع زنودي بدون متحس البنت التصورنه إني  كتله  لتسوي هيج هوه خزرني وره ماخلصنه تصوير طلعت البنت ضلينه وحدنه كال شلون تكولين هيج كدام البنت عيب اذا تحس اذا عدتيها مره ثانيه اكص السانج ويخنزر عليه  إني  بكلبي كلت يبو هذا شلون رح اهيش ويا اذا من هسه هيج وبالواقع محجيت شي عيوني دمعت باسني براسي ولزم ايدي وطلعنه رجعنه للبيت دخلنه للأستقبال مجان بي أحد ضل يباوع عليه بنضرات مكدرت اتحمل نضراته وهوه بيومها جان طالع يخبل بس مكتله ضلينه يباوع بعيوني واباوع بعيونه بعدين مكدرت اتحمل تضراته مضليت اباوعله كال شبيج  كتله مبيه شي كال يلا إني  اروح محتاجه شي كتله سلامتك كال شلون تودعيني بوسه بحضن مااحس اله احنا  نتباوس 🙈وصار عله شفايفه وشاربه حمره وضليت امسح بيها متنمسح 😂 كوه يلا راحت وراح وخلص اليوم  ضلينه فتره منتواصل بعدين اشتريت تلفون وهوه جابلي شريحه وضلينه نتواصل بس تواصل قليل لأن  جنه نجهز للعرس حددنه وقت حتى نعقد بالمحكمه اجه الصبح كال اني برا طلعليلي هوه جان عنده تكتك كال اجيت بيها ورح نروح بيها بس لتكولين الأهلج رايحين بالتكتك كتله تمام  طلعنه هستونه وصلنه لشارع وصار ويانه حادث نكلبت بينه التكتك بس الحمدلله الشارع جان ترابي متأذينه  بس نكلبنه مااهتم النفسه كبل اجاني يتأكد مبيه شي وحضني بشارع ورحنه للمحكمه حتى نعقد كلوله ميصير تعقد اله بموافقه الزوجه الأولى لأن ممصدق الطلاق