حياة بلا عنوان

زواجنه

وتأجل العقد مالتنه حددنه موعد الزواج  نفس الخطوبه بدله بسيطه + صالون بسيط بدون  معازيم ماكو رجعت من الصالون البيت أهلي  كهرباء طافيه والبيت صاير ضلمه وامي تبجي وراي دمعت عيوني من شفت أمي تبجي بس كلت ماابجي أخيرا رح اطلع من هذا البيت طلعنه نريد نروح للستوديو ابوي شافني بابدله ضل يرزلني لأن من كلوله منسوي عرس عباله حتى بدله مالبس ومن شافني لابسه رزلني بيوم عرسي نهضمت وكلت ميخالف دام طالعه منهم خلص  رحنه للستوديو صورنه  ورحنه البيت اهله دخلنه ماكو لا صفكه ولا هلهوله كعدت بغرفه اهله ادور ع عمتي الي هيه امه اريد اشوفه وين حتى اسلم عليها ماكو مشفتها رحت لغرفتي واجن خواتي ودعني وراحن اجه حيدر  استلمني بوس ونترس حمره وبرا كلهم يصيحون عليه حيدر  تعال وهوه يكلهم دااصلي 😂 وعمتي إلي  هيه أمه  بلباب تكول راح ابني عود إني اخذت ابنها بعد 😂  كوه مسحت الحمره من وجهه وكال شنو تردين عشه كتله بيتزاء كال هسه اروح سألني تردين تنزعين البدله لو ضلين بيها كتله اريد انزع نزعني البدله وراح من راح اني غيرت ملابسي وفتحت شعري اجه تعشينه وغسلنه وصار إلي لازم يصير 😉 وسبحنه وصلينه الفجر ونمنه كعدنه الصبح بدلت ومكيجت وسويت تسريحه بسيطه  وطلعت يم اهله مرت الأيام واني معندي نت حتى اخلص وقتي ولا تلفزيون اخلص وقتي بالمطبخ يجي حيدر من دوام الضهر يلكه الغداء جاهز البيت نضيف إني  مجهزه نفسي سابحه ومكيجه اتلكا من يجي ومن يطلع اوصله للباب مره ديصيحلي جان يصيحلي نوووررر تعاي 😢 صاحني بأسم طليقته وضل هذا الموقف يتكرر إني  محجيت شي بس بعد ماانطق كلمه والدمعه واكفه بطرف عيني كتله انته بعدك تحبها ومناسيها كال لا مجرد متعود ع اسم لا أكثر  إني  مقتنعت بس سديت الموضوع هوه يشتغل مسؤل قروض بشركه يطلع من صبح يرجع الضهر وباليل يشتغل المعاملات واني اضل سهرانه. ويا اساعده وره زواجنه بأاربع اشهر صار عندي اعراض حمل قبل لا احلل كال لأهله وقرايبه كلها عرفت إني  حامل وكلها فرحت كال لازم نستعجل ونسوي العقد المكحمه دز بلاغ لطليقته حتى يصدق الطلاق  الضهر تغدينه وغسلت المواعين حيدر نام ويكلب بالتلفون كال تعاي ع صدري وضلينه نباوع سوه بتلفون جان تجي رساله شعجب دزيت ع محكمه وخرني من يمه وكتب تفضل عزيزي تريد قرض ردو عليه منو انته مو حيدر  غلس مرد بعد وره هاي المراسله من هذا الشخص صار عنده رقم مكتوب عليه اسم ولد اسأله منو هذا يكول صديقي إني  اعرف اسماء اصدقاء إلي  يتواصل وياهم معنده هيج اسم ودورت بالمكالمات ماكو ويحذف المحادثه هوه من نوع ميحذف شي وميحجي ويا كدامي شكيت هاي طليقته بس مكتله اخذت الرقم ونطيته الأختي كتلها شوفيلي هذا الرقم منو راسلتها وتأكدت هاي هيه طليقته ضلو فتره يتواصلون واجه يوم المحكمه وراح من رجع وجه ميتفسر  بي كومه حزن ويصيحلي بأسمها ضل مستمر وبعد كم يوم اكتشفت إني مو حامل شعور صعب من تنتظر شي ومتأمل بي وفجاة يطلع سراب بالنسبه الحيدر حبيته حب مينوصف مستحيل اكدر اوصف بكلام او بفعل دللته دلال اكثر من دلال الأم الطفلها واهتميت بي اكثر من روحي نطيته كل ماعندي حب اعتبرته اخ واب وحبيب وصديق وزوجي وسندي بعد الله بعد مااكتشفت إني  مو حامل دخلت دوره حلاقه وفتره الدوره جان حيدر ياخذني ويرجعني مشي جانت مسافه طويله بس جنه نمشي بدون منحس لأن  داامشي ويه حبيبي ورحي نمشي ونسولف يخلص الكريق بسرعه  خلصت الدوره وضليت اتعلم بالبيت اجرب مكياج وهاي سوالف ع نفسي و ع خواتي خلاني اتعلم حلاقه رجاليه براسه 😂 كلي فوتي بزودج ولتخافين تعلمت وصرت حلاقته الخاصه ميروح للحلاق كله يمي يحلق وارتبله لحيته واحفله وتنضيف بشره واهتمام مو طبيعي ضليت ادور ع شغل بصالون دورت هواي وتالي لكيت مركز رحتله وجانت صاحبه المركز انسانه حبابه كلش اعتبرتني بنتها تعاملها كلش حلو اكمل شغل البيت واروح للمركز الضهر وارجع وره المغرب ممقصره بشغل البيت احنا عايشين بالبيت إني  وحيدر  وامه وخالته وثنينهن تعبانات ميكدرن يمشن امور البيت فـ البيت كله  عليه اكمل كل شغلي واروح واخت حيدر  وطفالها واطفال اخته المتوفيه يجون كل اسبوع يشتمعون واني اطبخ ومن اروح اسوي العشه الضهر واروح للمركز من شتغلت بالمركز عمتي  تغيرت معاملتها وياي شما اشتغل بالبيت تشوفني ممسويه شي وتاركه البيت ومو بحال بيت وتحجي كدام الناس موتتنه من جوع تجي متأخره باليل واحنا بدون عشه وتضل تحجي واني ممقصره بشي بالبيت حتى العشه اسوي واروح من اجي بس اصب نفسيتي تعبت بين شغل البيت وبين شغل المركز وبين عمتي تحجي وتعبي كله ومجاي بعين أحد  صار ع زواجنه سنتين الناس والأهل ضلو يحجون بالخلفه ليش الهسه مصار راجعو السبب منج روحي دكتوره روحي فلان دكتور زين ووووو الحجي الميخلص ونفسيتي تعبت اكثر واكثر  كل شهر عبالي حامل واحلل وماكو شي بيوم حللت طلعت مو حامل نقهرت اجه حيدر  لكاني ضايجه كال شبيج كتله  مبيه شي  ضل يحاول يعرف  طلعلته الختبارات الحمل كتله هذا السبب كل شهر عبالي حامل وهاي النتائج كدامك وابجي ضل يصيح تردين خلفه تبحين ع  اطفال عوفيني وتزوجي غيري وخلفي إني  مااخلف إني  مابيه خلفه عوفيني انصدمت من رده فعله إني  نفسيتي تعبانه أريده  يوكف وياي مو ضدي كال بدلي خلي اخذج لهلج كتله مريد اروح لهلي كال مو بكيفج هسه اخابر اهلج اخذ تلفون يريد يخابر وضليت اتلاوه ويا حتى اخذ تلفون وكوه يلا كردت اخذه وقفلت التلفونات ثنينهن وضليت ابجي ابجي حضنته وابجي بادلني الحضن وضل يبجي وياي ويهدئ بيه كتله إني  مو ع خلفه بس تعبت من حجي الناس وكلها تلوم بيه نفسيتي تعبت ضل يهدى بيه لحد مانمت سنه2022 عمتي راحت يم اطفال بتها المتوفيه واخذت اختها وياها لأن  جانت  عدهم مدارس واحد منهم متعلق بيها ميروح للمدريه اله هيه يمه ضلت تجي يمنه بالعطل ضلينه بس إني  وحيدر  بالبيت حيدر  كال دام اهلي مموجودين بالبيت معدنه التزام خلي نروح سفره للشمال إني  فرحت مكلت لا اتصلت ع صاحبه المركز إلي  اشتغل عدها جانت هستوها جايه من العمره ودعتلي هناك عمود الاطفال ترخصت منها كتلها اسبوع مااداوم كالت ميخالف رحنه أول  شي الأربيل وجانت السفره كلها ونسه منكعد بالفندق خلصناها ونسه نروح مصايف ومولات والعاب  نرجع باليل بوقت متأخر للفندق والفندق يطل ع جبال ومنضر كلش حلو راحه نفسيه ضلينه  اسبوع ورجعنه للبيت ارتاحينه ورجعنه ع روتينه ورجعت للمركز بس مكدر اشتغل اوكف شويه وادوخ بس احاول ماابين لصاحبه المركز لأن  خطيه  إني  تركتها اسبوع ونوب تشوفني تعبانه تكولي لتجين ضليت اشتغل واني تعبانه  يوم ع يوم يبين عليه التعب أكثر شكيت بنفسي حامل سويت اختبار وطلع خطين واحد مبين واضح والثاني خفيف صورته ودزيته لأختي كالت هذا حمل معرف شعوري بوقتها حسيت بفرحه بكل عمري محسيت بيها شعور مختلط فرح وخوف ليطلع مو حمل وتوتر بوقتها جان حيدر  بدوام ضليت افكر شلون اكوله خليته بعلبه مال هديه ونطيته اله كتله هاي هديه الك فتحه كال شنو مداافتهم شنو يعني هوه يعرف بس يقشم نفسه يريد يسمع مني كتله حامل حظني وفرح فرحه متنوصف من يوم الكتله ع حملي بعد موصلت للمركز بطلت من الشغل ونحبست بالبيت خايفين ع طفل 👶  ضليت بالبيت وحدي حيدر  بالدوام مرات يضل لليل ميجي واني تمرضت مكدر اكوم من الفراش حملي صعب احاول اكوم مكدر اضل جوعانه ومكدر اكوم اسوي شي صار عندي اكتأب لأن من الصبح لليل  وحدي بالبيت يجي حيدر باليل يوشفني ضايجه يسألني شبيج بس يسألني شبيج اضل ابجي مدري اذا جان وضعي فعلأ يستحق ابجي لو بسبب الهرمونات جانت صديقتي سبأ تعرفت عليها من مده قصيره بس بفتره حملي علاقتنه كلش صارت قويه لأن اني وياها حملنه بنفس الشهر وضلينه وحده تحجي للثانيه نفس معاناة الحمل ونتابع نصائح الحمل وللولاده ونجهز للولاده سوه ونختار اسماء الأطفالنه طبعأ سبأ جنت حامل بنوته.....  صارت العطله اجت عمتي وجابت اطفال بتها وياها واجت حماتي واطفالها واجونه خطار قرايب عمتي اني تحسنت شوي مو مثل أول  صرت بشهر الرابع كمت اشتغل لأن  عدنه خطار مكدر اضل نايمه اشتغل كلشي وحدي سويت غدا وصبيتلهم وغلست المواعين ورحت انام  حسيت بتقلصات بطني  ولكيت نفسي انزف اتصلت ع حيدر كتله داانزف ترك كلشي واجه ركض ودمعه بعينه كال ان شاءلله. مصارله شي وبعد متبقين هنا مترتاحين اخذج للدكتوره وكبل لهلج رحنه للدكتوره كالت الطفل نازل ومهدده بالسقاط نطتني علاجات ومثبت وطلعنه من يمها كال اخذج لهلج كتله خلي نرجع للبيت اخذ غراضي ونوب اروح لهلي رحت اخذت غراضي ورحت لهلي ضليت 10ايام ورجعت للبيت
مشت الأمور ودخلت بشهري والدكتوره كتبتلي موعود ولادتي وكل يوم باليل نطلع  نتمشه ونرجع كبل انام وبهاي الفتره ضليت اجهز نغسي للولاده جهزت غراض للبييي ونضفت البيت تنضيف عميق   وجهزت اكلات تتفرز وجهزت نفسي حفافه وهاي سوالف كلعاده كعدت الصبح سويت ريوك لحيدر وجهزت ملابسه  حيدر راح لدوام إني  رجعت انام  وفجاة حسيت كأنو الطفل طلع مني كمت اشوف الفراش كله مي خابرت حيدر  اجاني بسرعه رحنه للمستشفى