نيران مُطفئة

.. اتمشى با البستان والدنيا ليل هوا عالي وبي نسمه بروده ريحه الحطب واصوات الحيوانات توصل لمسامعي غمضت عيني استنشق الهوا بكل راحه فتحتهن بخوف بعد ما حسيت شي خطف كدامي رجعت بخطواتي واني اشوفه متجهه لنهايه البستان اخذني الفضول واني اتبعه مشى مسافه وعيني ورا شنو الي طلعه بهذا اليل وكف عند مكان معين واندار للخلف راسا ختلت بمكان مهجور خايفه يشوفني

.. بقيت عيني عليه واني اشوفه بدا يحفر با الارض اتقربت اكثر بدون لا يحس عليه واني اترقبه رفعت عيني اشوف صار ضوا خفيف ما شفت بس ايد بشريه مليانه دم!!! خفت واني ارجع راسي للخلف حطيت ايدي على شفتي خايفه واني اقطع النفس لا يسمعني

.. بلعت ريكي بصعوبه ورجعت عيني عليه بكل دم بارد يطلع الجثه ويقطعها قطع صغار ماجان يوصل لمسامعي بس تكسر العظم وتهشمه

.. بقيت جامده بمكاني ودموعي تنزل ما اكدر ارجع خايفه يشوفني حسيت عليه وهو يتقرب لجهتي انداريت واني اشوفه كدامي

#taratell7

#نيران مُطفئة
''🔞 -
#مشهد -

                                   
                                         

#المشهد الاول:

غرفه مضلمه رائحه الخوف الي ماليه المكان نظرات تترقب بقلق قلوب صغيره خائفه

.. لميتهن لحضني قووي وهنه يبجن خايفات حجيت بصوت احاول اهديهن

- مايكدر يدخل الباب مسدود

- خايفه

.. تلمست اصابعها الناعمه واني اثبت عيني عليها وحجيت بخوف

- لا تخافين ما يكدرون ياخذوج مني

.. مسحت دموعها ورجفت ايدي على اصوات با الحديقه ابتعدت عنهن وعيني على الشباك تقربت اكثر واني اشوفه !! بهيئته السوداويه اندار عليه واجت عينه بعيني

.. فتحت عيوني بخوف واني ارجع بخطواتي الهم خايفين صرخنه بصوت وهو يحاول يفتح الباب تقربن عليه نحاول نمنع الباب الرديئ ينفتح حجيت بصوت اقرب للصراخ

- أيسل اختتتلي لا يشوووفج

.. ابتعدت عني والخوف متملكها حاولت اضغط على الباب بس ماكدرت قوتي الضعيفه مقابل قوته فتح الباب وصار كدامي رجعت خايفه حجيت

- الله يخليك لا

.. هيئته الوحشيه مشيته وهو شايل المسدس ونظراته عليه مرره على ملامح وجهه  بصوره مرعبه وعينه عليه وكال

- وينها

.. هزيت براسي خايفه

.. اتقرب عليه وهو يجرني من تيشيرتي عليه ويخلي المسدس على راسي ويضغط عليه بكل قوه