نيران مُطفئة

البارات 1

#شريعة_الطغيان " نيران مُطفئة " -

#نيران مُطفئة - 1 - -

                                   
                                         

لتنسون التصويت + التعليق بين الفقرات + متابــ؏ــة لحسابي يا حلوين ♡

..

و مثل
عيونك الحلوات ما
شايف

..

گاعد ؏ كرسي بمكتب وتد مددت رجليه بالبسطال على الميز الگدامي و بيدي الساعة الرملية اگلب بيها و اباوع على وتد الگاعد وره مكتبه ما عاجبني حاله ..

شايل بيده مسبحة هاديتها اله رشينة من ترقى برتبة الرائد
اباوعله لاف مسبحتها بأصابع ايده يشم ويبوس بحباتها وحدة وحدة بهيام و يبتسم

مرچي راسه على الكرسي ويباوع للسگف سارح بخياله يفكر بيها
احسه بغير عالم كلشي يثبتلي ، صفناته وابتسامته بدون سبب و وعيه الغايب عنه لمجرد ان تذكرها رغم ما ناسيها

سكتت ارتب الكلام الي يدور ببالي ما اريد اجرحه فوگ جروحه

انتبهتله غمض مقرب معصم ايده من خشمه يستنشق عطرها الما فارگ ايده
وضعه موترني تخصرت رفعتله حاجب متنرفز نترت بي

- دكااااااافيي مو بزعنه طايحلي بوس بهالمسبحة شبيها بس گلي حلاوة ؟ شبيك توزع ابتسامات
اتركها رحمة للكائنااااااتتتت
شايف نفسك شگد متاذي عليها ! اول مرة اشوف واحد يحب اذيته

لك وتددددد اصحى ابوية اصحى شوكت شايفك اني هيچ
عمرك كله گضيته قوي هسة تضعف !
هنيالها رشينة عليك تفكر بيها ليل نهار شنو الطريقة خل تفهمني
شايلة خرزة ؟ لو شنو

التفت باوعلي خطف ملامحه باردة رجع لوضعيته ساند راسه على الكرسي رفع ايديه وره راسه ارتچه عليهن
تفاحة آدم صعدت ونزلت دلت ؏ ان بلع ريگه متنهد ، غمض عيونه و گال بصوت مليان حنية

- رجف گلبي الهاااا لك يم كل الناس قوي يمها ارجف لو گربت

شبل مشتاگلهاا الشوگ ماخذلي حيلي
سكت دقايق قبل ما يكمل ..
- روحي تحن لروحها

- بس لو اعرف شحبيت منها البگاية چان لگيتني بخير
اوووف شوكت ترتاح مو خليتها حسرة بگلبي والـ ..

گطعت كلامي بتنهيدة طالعة من صدري
جريت نفس اهدي روحي حچيت واني اباوع بعينه

- ما ضل شي للعطلة مالتهم ويجون تسياره علينه يكملون عطلتهم بالناصرية وعود گابلها و اگعد اشبع شوف

غمض عيونه متجاهل كلامي حچه بقهر
- آخخخخ لكك احترگ وارد انطفي بنظرة عيونها و هيَّ ولا عبالك ما تحس بناري ، انترس گلبي بعشگها شبل

حچاها و شمر حسرة حرگ گلبه بيها صفنت بالفراغ للحظات
رجفت اعصابي من تأكدلي شگد متأذي
گلت بهدوء باتر الصمت الي ساد بعد ما حچه وتد